Ունքը սարքելու փոխարեն, աչքը դուրս կգա․ Ն․ Փաշինյանը՝ «Աշտարակ կաթ»-ի խնդրի լուծման մասին

ԱԺ-ում կառավարության անդամների հետ հարց ու պատասխանի ժամանակ ԵԼՔ խմբակցության ղեկավար Նիկոլ Փաշինյանը հարց ուղղեց կառավարությանը։

«Ես դեռ նախորդ տարի «Աշտարակ կաթ» ընկերության սնանկացման հետեւանքով մի քանի ամսվա աշխատավարձը չստացած քաղաքացիների հարցով դիմել էի վարչապետին, պատասխան եմ ստացել Աշխատանքի եւ սոցիալական հարցերի նախարարից, որտեղ ասվում է, որ չվճարված աշխատավարձերի վճարման հնարավորությունը կարող է լուծվել միայն սնանկացման գործընթացի շրջանակներում։ Բայց հիմա երկրորդ խնդիրն է առաջ գալիս՝ սնանկացման կառավարիչը դատական հայցեր է հարուցել մոտավորապես մի քանի հարյուր միջին եւ փոքր ձեռնարկատերերի նկատմամբ, որոնք ժամանակին նախկին «Աշտարակ կաթ»-ի հետ աշխատել են եւ ընդ որում, առաքիչները հիմա նաեւ գրավոր արձանագրում են, որ այդ փոքր ու միջին բիզնեսմենների առնվազն մի մասից իրենք գումարները ստացել են եւ գործարան են մուտքագրել սահմանված կարգով, բայց այդ գումարները ինչ-որ պատճառով չեն արձանագրվել։ Եւ ահա սնանկացման կառավարիչը դատի է տվել գործարարներին, եւ հիմա կարող է ստեղծվել իրավիճակ, որ «Աշտարակ կաթ»-ի շուրջ ստեղծված իրավիճակում ունքը սարքելու տեղ աչքն էլ դուրս կգա։ Նախ, ես ուզում եմ կառավարության ուշադրությունը հրավիրել այս խնդրի նկատմամբ եւ հետո ուզում եմ իմանալ՝ կառավարությունը տեղյակ է արդյո՞ք այս խնդրի մասին, եթե՝ այո, ի՞նչ դիրքորոշում ունի»։

Հարցին պատասխանեց Արդարադատության նախարար Դավիթ Հարությունյանը: Նա նշեց, որ սնանկության կառավարիչը կառավարության ներքո չի գործում է, այն գործում է մասնագիտացված, ինքնակառավարվող կազմակերպության ներքո, ենթարկվում է միմիայն օրենքին, վերահսկվում է միմիայն դատարանի կողմից։ Եվ, եթե նա դիմել է հայցով, նշանակում է, որ դա ուներ հիմք, ուներ պարտականություն՝ դիմելու դատարան։ Յուրաքանչյուր նման հարցին կարող է անդրադարձ կատարվել միմիայն դատական գործընթացում, եւ յուրաքանչյուր կողմը պետք է ներկայացնի իր ձեռքի տակ եղած ապացույցները, եթե մի պահ համարենք, որ դատարանում ապացուցվում է, որ այդ գումարները մուտք են գործել դրամարկղ եւ դրամարկղից անհետացել են, ենթադրենք, «Աշտարակ կաթ» կազմակերպության ղեկավարության, հաշվապահության անփութության կամ հանցագործություն կատարելու պատճառով, ապա բնականաբար, այն անձինք, ովքեր վճարել են, չեն վճարելու։ Այդ բոլոր հարցերին կարող է պատասխանել միայն դատարանը՝ քննարկման առարկա դարձնելով յուրաքանչյուր կողմի ներկայացրած փաստարկները եւ ապացույցները։

Նիկոլ Փաշինյանը հակադարձեց՝ ասելով. «Ընդամենը երկու ժամ առաջ այս ամբիոնից դուք եւ մեծամասնության ներկայացուցիչները բարձրաձայնում էիք, թե ինչպիսի վակխանալիա է տիրում Հայաստանի դատական համակարգում։ Կառավարությունը իր ծրագրի եւ գործունեության մեջ ունի փոքր ու միջին բիզնեսը զարգացնելու, աջակցելու պարտավորություն, եւ կարծում եմ՝ տվյալ դեպքում կարեւոր է խնդրի վրա հրավիրել կառավարության ուշադրությունը»։

Դավիթ Հարությունյանը ասաց, որ այնտեղ երբեւէ չի հնչել կարծիք, որ դատական համակարգում տիրել է վակխանալիա, ինչ վերաբերվում է ուշադրություն դարձնելու հորդորին, բնականաբար, ուշադրություն կդարձնեն, հիմա ակտիվորեն աշխատում են սնանկության օրենքի վրա՝ փորձելով լրացուցիչ վերահսկողական մեխանիզմներ նախատեսել, որպեսզի ե՛ւ բոլոր պարտատերերը, ե՛ւ պարտապանները կարողանան իրենց իրավունքները պատճաշ ձեւով պաշտպանել։

Տպել
2239 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության