Ս. Սարգսյանի աշխատանքային վերջին օրը փակվելու՞ են նախագահականի դռները մինչ վարչապետի գալը

«Հայկական ժամանակա»-ն արդեն տեղեկացրել էր, որ արդարադատության նախարարությունը մշակել է օրենսդրական նախագիծ, որտեղ ամրագրվել է, որ ապագա վարչապետի նստավայրը լինելու է Բաղրամյան 26-ը: Միաժամանակ մեկ այլ նախագծի համաձայն՝ նախագահական նստավայրի հասցեն Մաշտոցի պողոտա 47-ն է: Այս հասցեում այժմ տեղակայված է Կառավարության ընդունելությունների տունը, որը մասնավորեցման ցանկում էր:

Մինչ այս թեեւ հստակեցված չէ, թե՝ պաշտոնական ինչ արարողակարգ է տեղի ունենալու Սերժ Սարգսյանի Բաղրամյան 26-ից դուրս գալու մասով: Ապրիլի 9-ին լրանում է Սերժ Սարգսյանի պաշտոնավարման ժամկետը եւ միաժամանակ ակտիվանում են նոր նախագահի լիազորությունները, որը Բաղրամյան 26-ի հետ կապ չի ունենալու, չի գնալու Բաղրամյան 26, Սերժ Սարգսյանը նրան չի դիմավորելու, ապա նոր նախագահը Սերժ Սարգսյանին հրաժեշտ չի տալու, Սերժ Սարգսյանն էլ նստավայրը նոր նախագահին չի հանձնելու: Օրինակ, 2008 թվականին, երբ Սերժ Սարգսյանը դարձավ ՀՀ նախագահ, նա իր ինաուգուրացիայից հետո տիկնոջ հետ մեկնեց Բաղրամյան 26, որտեղ Ռոբերտ Քոչարյանը նստավայրը հանձնեց նրան եւ հեռացավ:

Այս հարցում անորոշություն է նաեւ ՀՀԿ-ականների շրջանում: ՀՀԿ-ի էլիտայում գտնվող պատգմավորներից մեկը «ՀԺ»-ի լրագրողի հետ ունեցած մասնավոր զրույցում նշեց, որ այս հարցով դեռ որեւէ բան չկա հստակեցված, թե Սերժ Սարգսյանի հրաժեշտը ինչպես են կազմակերպելու՝ պաշտոնավարման ավարտի առիթով: Մեր զրուցակիցը տեղեկացրեց, որ առաջիկայում քննարկում է լինելու, թե Սերժ Սարգսյանը ինչպե՞ս է դուրս գալու նախագահականից, որ բոլորին պարզ կլինի 20 օրից: Վերջինս հավանաբար նկատի ուներ, որ 20 օրից Սերժ Սարգսյանի հետագա քաղաքական գործունեության մասով ինչ-որ նորություն կլինի՝ պաշտոնական մակարդակով: Չի բացառվում, որ դա կարող է կապված լինել վարչապետի պաշտոնի հետ: Եթե անգամ Սերժ Սարգսյանը լինի վարչապետի ՀՀԿ-ի թեկնածուն, ապա նա մինչեւ ընտրվելը իրավունք չունի մնալ Բաղրամյան 26-ում: Միաժամանակ հստակեցված չէ, թե այս պահին նախագահի աշխատակազմը ձեւափոխվելու է դառնա վարչապետի աշխատակազմ, թե նրանք տեղափոխվելու են Մաշտոցի 47:

«Հայկական ժամանակ»-ն այս հարցերով դիմել էր ՀՀ նախագահի մամուլի գրասենյակ, սակայն այնտեղից նշել էին, որ մեր հարցերը կարգավորվում են ՀՀ օրենսդրությամբ:

«ՀԺ»-ն ՀՀԿ-ական պատգամավոր Գեւորգ Կոստանյանին խնդրեց մեկնաբանել՝ եթե լրացավ Սերժ Սարգսյանի պաշտոնավարման ժամկետը, նա պետք է անմիջապես դուրս գա՞ Բաղրամյան 26-ում գտնվող կառույցից, թե կարող է ինչ-որ ժամանակ մնալ:

«Ոչ, չի կարող: Ապրիլի 9-ից հետո նախագահի պաշտոնավարման ժամկետը լրանում է հետեւաբար դրանից բխող որեւէ գործողության հնարավորություն չկա»,- ասաց Կոստանյանը:

Հարցին, թե ի՞նչ պետք է լինի այս շենքի կարգավիճակը մինչեւ վարչապետի ընտրությունը, եթե նախագահն այլ նաստավայր է ունենալու, հնարավո՞ր է ստացվի այնպես, որ պարզապես դռները փակեն եւ գնան, Գեւորգ Կոստանյանը նշեց, որ դա Սահմանադրությամբ չի կարգավորվում:

Նյութը տպագրվել է «Հայկական ժամանակ» օրաթերթի փետրվարի 3-ի համարում:

Տպել
8603 դիտում

ՀՀ ԱԺ բոլոր խմբակցությունները հոտնկայս եւ ծափահարություններով ողջունեցին ԱՄՆ սենատին (Տեսանյութ)

Սերմացուի բաշխման գործընթացում չարաշահումների գործով մեղադրանք է առաջադրվել Արծվաբերդի ղեկավարին

Կյանքից հեռացել է անվանի ըմբիշ Բենուր Փաշայանը

Օրենքն ընդունվեց. շուտով սպորտային վաշտը կրկին կգործի

Փոխվարչապետ Տիգրան Ավինյանն ընդունել է Լիտվայի դեսպանին

Գյումրու նորակառույց փողոցների ամանորյա շքեղ լուսավորությունն ապահովվել է 10 մլն դրամով (լուսանկարներ)

Ամենայն Հայոց Կաթողիկոսը ողջունել է ԱՄՆ Սենատի բանաձևը Հայոց Ցեղասպանության վերաբերյալ

Մեքենան դուրս էր եկել ճանապարհից եւ սահել մոտ 300 մետր

Թուրքական արձագանքներ ու մեղադրանքներ՝ ԱՄՆ-ի Սենատի կողմից Հայոց Ցեղասպանությունը ճանաչող բանաձեւին

Հատուկ ջոկատայինները այս պահին խուզարկություն են իրականացնում Ռուբեն Հայրապետյանի բնակարանում եւ շինություններում

Երևանում և որոշ մարզերում սպասվում են էլեկտրաէներգիայի անջատումներ

Բացահայտվել է Երևան քաղաքում կատարված բնակարանային գողության երեք դեպք

Երևանի Գյուրջյան փողոցում մեքենա է հրդեհվել. հրդեհի բարդության «1-Բիս» կանչ է գրանցվել

ՄԱԿ-ում ընդունվել է հուլիսի 20-ը Շախմատի միջազգային օր ճանաչելու բանաձևը. հեղինակը Հայաստանն էր

Աշտարակ-Սասունիկ ավտոճանապարհին տեղի ունեցած վթարի հետեւանքով կան տուժածներ

Ներողություն եմ խնդրում Նար-Դոսից իր հրաշալի պատմվածքը Թումանյանին վերագրելու համար. վարչապետ

Շնորհակալություն՝ իմ տատիկ-պապիկների անունից. Սերժ Թանկյանը՝ ԱՄՆ սենատի որոշման մասին

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)