Ալիեւը նոր զենք ձեռք բերելու մասին հայտարարություններով փորձում է մեզ վախեցնել

Ադրբեջանի նախագահ Իլհամ Ալիեւը Դավոսում ընթացող Համաշխարհային տնտեսական ֆորումի շրջանակներում «Ռիա Նովոստի»-ին տված հարցազրույցում խոսել էր Ռուսաստանի հետ նոր սպառազինությունների պայմանագրերի կնքման շուրջ բանակցությունների մասին։ Այս մասին հաղորդում է ադրբեջանական Minval.az-ը։ Ալիեւը, մասնավորապես՝ նշել էր հետեւյալը․ «Մենք բանակցություններ ենք վարում Ռուսաստանի հետ նոր ռազմատեխնիկական համագործակցության հետ կապված։ Ոչ մի խոչընդոտ այս ուղղությամբ ես չեմ տեսնում»։ Ալիեւն այս հայտարարությունն արեց օրեր առաջ Ռուսաստանից մատակարարված զինտեխնիկայի հերթական խմբաքանակը ցուցադրելու ֆոնին։

Արդյո՞ք Ալիեւի այս հայտարարությունը լուրջ հիմք ունի․ տվյալ հարցի շուրջ զրուցեցինք «Ռազմինֆո» կայքի համակարգող, փորձագետ Կարեն Վրթանեսյանի հետ։ Վերջինիս համոզմամբ՝ Ալիեւի այս հայտարարությունն ունի զուտ քարոզչական նպատակ։ «Իրենք շատ լավ գիտեն, որ Ռուսաստանի հետ իրենց ցանկացած կոնտակտ, առավել եւս ինչ-որ սպառազինությունների մատակարարում մեր մոտ շատ ուժեղ ջղաձգումներ է առաջացնում։ Սա ուղղակի քարոզչական սյուժե է, որի թիրախային լսարանը Հայաստանի բնակչությունն է, ու մենք օգնում ենք Ադրբեջանին, Ալիեւի ռեժիմին, որ այդ քարոզչական ուղերձները տեղ հասնեն»,- ասաց փորձագետը։ Ըստ Կարեն Վրթանեսյանի՝ Ալիեւի վերջին հայտարարությունը հիմքեր կարող է ունենալ, բայց իրական նպատակը մեր մեջ պարտվողական տրամադրությունների ստեղծումն է։

Ռուսաստանի համար Ադրբեջանը զենքի կարեւոր շուկա է, որից նա չի էլ պատրաստվում հրաժարվել, Ադրբեջանն էլ այս փաստը օգտագործում է սեփական քարոզչության ու մեր հասարակությունը բարոյալքելու համար: «Ռուսաստանի հետ համագործակցության ամեն առիթ Ադրբեջանը տասնապատիկ ուռճացնում է»,- ասում է Կարեն Վրթանեսյանը եւ միաժամանակ նշում․ «Սա, իհարկե, չի նշանակում, որ մենք ռուսների առաջ զենքի մատակարարման հարցը չպիտի դնենք։ Մենք անընդհատ հնարավոր բոլոր լծակներով Ռուսաստանին մեր դիրքորոշումը պետք է հայտնենք ու փորձենք այնպես անել, որ Ռուսաստանը այդ զենքը Ադրբեջանին չմատակարարի»։

Խոսելով հունվարի 19-ին Ռուսաստանից Ադրբեջան մատակարարված նոր զինտեխնիկայի մասին՝ Կարեն Վրթանեսյանը նշեց, որ այս դեպքում եւս Բաքուն գործի է դրել իր քարոզչամեքենան։ «Օրինակ՝ 20 հատ БТР-82 զրահապատ փոխադրիչները ստանալուց հետո մեծ աղմուկ հանեցին, իբր թե դա շատ կարեւոր զենք է եւ ապրիլյան կռիվների ժամանակ արդյունավետ օգտագործվել է։ Իրականում զրահափոխադրիչը նույն բանն է, ինչ համեմատաբար պաշտպանված բեռնատար մեքենան»,- մեզ հետ զրույցում ասաց փորձագետը։

Տպել
2370 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան