«Սեֆ Ինթերնեյշնլ»-ի գողությունից տուժածները դժգոհ են առաջարկվող փոխհատուցման չափից

«Սեֆ Ինթերնեյշնլ» կազմակերպության Վանաձորի մասնաճյուղից հունվարի 1-ին կատարված գողությունից տուժած հաճախորդները դժգոհ են գրասենյակի առաջարկած փոխհատուցման տարբերակից ու տրվող գումարի չափից: Այս մասին «Հայկական ժամանակ»-ին ահազանգել են բազմաթիվ քաղաքացիներ, ովքեր չեն ցանկացել հրապարակել իրենց անունները, մտավախություն ունենալով, թե կազմակերպությունը «վրեժխնդիր» կլինի:

Գրեթե յուրաքանչյուր օր մասնաճյուղի տարածքում հերթեր են: Քաղաքացիները նախ ցանկանում են տեղեկանալ, թե ի վերջո որտեղ է իրենց ոսկեղենը՝ հայտնաբերվածի, թե կորածների մեջ: Մինչդեռ մասնաճյուղի աշխատակիցները որեւէ կոնկրետ տեղեկոթյուն չեն տալիս, միայն ասում են, թե պատրաստ են փոխհատուցել այնքան, ինչքան որ գնահատել է բանկը գրավ ընդունելիս: Այս առաջարկը սակայն, հաճախորդների սրտով չէ, նրանք նշում են, որ իրենց ոսկեղենը գրավադրելիս բանկը գնահատել է ոսկին գրամ-արժեքով, մինչդեռ իրենց ոսկեղենը զարդ է, եւ շատ ավելի շատ արժե:

«Ասեցին եթե Ձեր ոսկին չլինի հայտնաբերվածների մեջ, ապա դուք կբերեք ձեր վերցրած վարկը կմարեք, ու գումարը հետ կտանք, երբ ոսկին կհայտնաբերվի՝ կգաք փողը կտաք, ձեր ոսկին կտանք ձեզ…բայց ինձ փողը չի պետք, ինձ իմ ոսկին ա պետք»,-ասաց հաճախորդներից մեկը, նշելով, որ դատարան է դիմելու ոսկյա զարդերը ստանալու պահանջով:

Հիշեցնենք, որ դրամապահոցից հափշտակվել էր մոտ 20 կիլոգրամ ոսկյա զարդեր, մոտ 7200 դոլար եւ 8.300.000 դրամ գումար:

Կազմակերպությանը պատճառվել է 281.000.000 դրամի գույքային վնաս:

Գողությունը կատարելու կասկածանքով ոստիկանություն էր բերման ենթարկվել ու ձերբակալվել մասնաճյուղի կառավարիչ 36-ամյա Հայկազ Մարտիրոսյանը, ով ավելի ուշ արդեն կալանավորվեց:

Քննությամբ պարզվել է,  որ Հայկազ Մարտիրոսյանը դրամապահոցի բանալու կրկնօրինակը տվել է Երեւանում հաշվառված 48-ամյա Արսեն Գրիգորյանին, որն էլ մասնաճյուղից գողություն է կատարել արդեն հունվարի 1-ին՝ կազմակերպությանը պատճառելով 281.000.000 դրամ գույքային վնաս:

Իրավապահները հայտնաբերել են գողոնի մի մասը:

Դեպքից անցել է ավելի քան 10 օր, սակայն վարկային կազմակերպության մասնաճյուղից տուժած քաղաքացիները դեռեւս գտնվում են անորոշության մեջ, նրանց մի մասը շտապում է բանկ տրվող նվազագույն փոխատուցումը ստանալու, մի մասն էլ շարունակում է հրաժարվել առաջարկվող փոխհատուցումից, պատրաստվելով դիմել դատարան ու պահանջել իր ոսկեղենը, ոչ թե գումարը, քանի որ իրենք ոսկեղենն են գրավ դրել, հետեւաբար՝ կազմակերպությունը մեծ հաշվով իրավունք էլ չունի գումար առաջարկելու, առավել եւս, որ դեռ քննություն է տարվում:

«Հայկական ժամանակ»-ը կապ հաստատեց «Սեֆ Ինթերնեյշնլ» ունիվերսալ վարկային կազմակերպության տնօրենի ժամանակավոր պաշտոնակատար Արսեն Քուչուկյանի ետ, ով խոստացավ պատասխանել մեր հարցերին ավելի ուշ:

Տպել
7795 դիտում

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը