Ճիճուներն ու կռիսները վխտում են տնակների մեջ. Սպիտակը՝ աղետից 29 տարի անց. (ֆոտո, վիդեո)

Սպիտակի ավերիչ երկրաշարժից հետո ստեղծված տնակային ավանները, որոնք կառուցվեցին տարբեր երկրների կողմից որպես ժամանակավոր կացարաններ, դարձան 29 տարվա բնակարաններ, չնայած որ, վաղուց արդեն կորցրել են բնակության համար պիտանի լինելը:

Քաղաքի բոլոր տնակային ավաններում ապրում է ավելի քան 280 ընտանիք:

Սպիտակի Իտալական թաղամասում բնակվող Լամարա Ստեփանյանն ասում է, որ տնակն իրենց տվել են 3 տարի ժամկետով, բայց մինչ օրս բնակվում են քարերի վրա տեղադրված մետաղե տնակներում. «Տաքությունից ու ցրտից տնակները խոնավացել են, բորբոսնել, հազար ու մի հիվանդություն ենք ձեռք բերել այս 29 տարիների ընթացքում, փտել ա սաղ տունը…»,- ասում է տիկին Լամարան, ում հայրական ընտանիքը երկրաշարժի ժամանակ սեփական քարաշեն բնակարանն է կորցրել:

Սաթենիկ Սարդարյանը եւս փաստում` տնակները բնակության համար այլեւս անպիտան են. «Հատակն ու պատերը փտել են, ճիճուներն ու կռիսները վխտում են տան մեջ, ահավոր վիճակ է, երեխեքս ռեւմատիզմ հիվանդություն են ընկել»,- պատմում է նա ու մատնացույց անում հատակի նեխած հատվածներն ու բորբոսնած պատերը, որոնք դեֆորմացվել են արդեն. «Թող մի շենք սարքեն, էս դոմիկավորներիս տանեն լցնեն մեջը, համ իրենք կպրծնեն մեզնից, համ մենք էս վիճակից, էլ չգիտենք դեղի փող տանք, թե՝ տնակի նորոգման»:

Թաղամասի բնակիչներն ասում են, որ տնակների հիմնական բնակիչները քիչ թիվ են կազմում, որոնց բնակարաններով ապահովելու խնդիրը 30 տարվա մեջ հնարավոր էր լուծել:

Բնակիչներից մեկը, ով երկու զինվորի մայր է, ասում է. «Կյանքը մեզ ուժեղ դարձրեց, էլ չենք ուզում ողբանք, բայց հոգնել ենք, մենք էլ ենք մարդ, թող մեզ էլ մարդ ճանաչեն էս երկրում, ինչքան պետք է էս անմարդկային պայմանների մեջ ապրենք, մի անկյունն ինչ ա, որ էսքան տարի չտվեցին մեզ»:

Նշված բոլոր բնակիչները տրոհված ընտանիքների անդամներ են, որոնք երկրաշարժին կորցրել են սեփական ուժերով կառուցված բնակարանները: Այս ուղղությամբ, սակայն պետությունը ոչինչ չի արել եւ չի անում՝ բավարարվելով միայն լուծել պետական բնակարաններ կորցրածների խնդիրը:

Ռուզաննա Զարգարյանը բնակվում է մետաղե վագոն-տնակում, իսկ հարեւանությամբ` փլված սեփական բնակարանն է, որը ոչ կարող են նորոգել, ոչ կարող են շարունակել բնակվել` վտանգավոր է: Ընտանիքի անդամները վագոն-տնակ են գնել ու տեղադրել քարաշեն տան հարեւանությամբ: Ու այսպես 29 տարի շարունակ: Սպիտակում տնակները բազմաթիվ են, նրանց մի մասը փայտաշեն է, մի մասը` մետաղե, մի մասն էլ այնքան է մաշվել, որ դժվարանում ես կռահել` ինչից է պատրաստված:

Սպիտակի քաղաքապետ Գագիկ Սահակյանը հայտնեց, որ պետական բնակարաններ կորցրած բնակիչները խնդիրը Սպիտակում լուծված է, իսկ ահա սեփական բնակարաններ կորցրածներինը` չլուծված. «Երկրաշարժից անմիջապես հետո նրանց մի մասը ստացավ դրամական փոխհատուցում, սակայն Սովետական միության փլուզումից հետո այդ գումարները մնացին բանկերում: Այդ պատճառով էլ այդ մարդիկ մինչ օրս անօթեւան են»: Սահակյանը նշում է` համայնքի ուժերով լուծել անօթեւանության խնդիրը` անհնար է, դիմել են կառավարություն, որտեղից առաջարկել են սպասել. «Ասել են, որ այդ հարցին կանդրադառնան 2020 թվականից հետո»:

Սպիտակում աղետի հետեւանքով սեփական բնակարան է կորցրել ավելի քան 560 ընտանիք, եւս 260 անօթեւան ընտանիք էլ դասվել է տրոհված ընտանիքների շարքին:

Տպել
2315 դիտում

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել

Հրդեհ Մեծ Մանթաշ գյուղում. 2 տների բակերում այրվել է 800 հակ անասնակեր

Առաջիկա շաբաթը կանցնի առանց տեղումների, եղանակը կտաքանա 2-3 աստիճանով

Երևանում անցկացվում է սուսերամարտի միջազգային մրցաշար

Երեւանի 5-հարկանի շենքի տանիքում բռնկված հրդեհը մեկուսացվել է

Նիկոլ Փաշինյանը ծանոթացել է Հյուսիսային ավտոկայանում իրականացվող աշխատանքներին (տեսանյութ)

Սուրբ Հովհաննես եկեղեցում մոմ վառեցինք երեկվա ողբերգության 5 զոհերի հոգիների հանգստության համար. վարչապետ (տեսանյութ)

Վիճաբանություն-ծեծկռտուք՝ Վ. Սարգսյանի անվան մարզադաշտի տարածքում. կա վիրավոր եւ բերման ենթարկվածներ

Ուկրաինայի հայ երիտասարդները հավաքվել էին մեկ հարթակում. Զարեհ Սինանյանը մասնակցել է ֆորումի

Նոր Հաճնում սուբվենցիոն ծրագրով նորոգվում է մարզադպրոց. վարչապետի շրջայցը շարունակվում է (տեսանյութ)

Ուսանողությունը մեր երկրի զարգացման գլխավոր գրավականն է. ԵՊԲՀ ռեկտոր Արմեն Մուրադյանի ուղերձը

Առողջապահության նախարար Արսեն Թորոսյանն ուղերձ է հղել ռազմական բժիշկներին

Մահճակալից կախված վիճակում հայտնաբերվել է կալանավորված անձի դին

Վարչապետը Նոր Երզնկայում է, ծանոթանում է գազաֆիկացման ծրագրին (տեսանյութ)

Արայիկ Հարությունյանը ուղերձ է հղել Ուսանողության միջազգային օրվա կապակցությամբ