Երևան
21 °C
15:09 - ԱԺ-ում ավարտվեց ուսանողների հետ հանդիպումը, որի ժամանակ որոշում է կայացվել դադարեցնել դասադուլը: Հանդիպումից հետո Դավիթ Պետրոսյանը հայտարարեց, որ իրենց առաջարկությունն ընդունվել է, և կլոր սեղանի ձեւաչափով քննարկումներ են լինելու: ԱԺ փոխխոսնակ Էդուարդ Շարմազանովն էլ լրագրողների հետ զրույցում ասաց, որ ընդունել են ուսանողների առաջարկը և զինվորական ծառայության օրենքի շուրջ քննարկումներ կծավալեն: Քննարկումները կլինեն նոյեմբերի 22-ին:
ԱԺ-ում հանդիպումից հետո Դավիթն ու իր ընկերները տեղեկացրեցին, որ դասադուլը դադարեցնում են մինչեւ քննարկումների ավարտը, եւ եթե դրանց արդյունքը բավարար չլինի, կվերանայեն իրենց որոշումը: Փոխանցեցին նաեւ, որ ԱԺ նախագահ Արա Բաբլոյանը խոստացել է, որ այս ընթացքում պայքարի ելած ուսանողների հանդեպ հետապնդումներ չեն լինելու բուհական ղեկավարության կողմից:
14:24 - Այս պահին Աժ-ում՝ ԱԺ փոխխոսնակ Էդուարդ Շարմազանովի աշխատասենյակում ընթանում է ուսանողների հետ փակ խորհրդակցությունը: ԱԺ նախագահ Արա Բաբլոյանը եւս միացավ ուսանողների հետ փակ հանդիպմանը:
13:51 - ԱԺ Աշխատակազմից մոտեցան ուսանողներին եւ առաջարկեցին 4-5 հոգով մտնել խորհրդարանի շենք եւ քննարկել, թե ինչ ձեւաչափով շարունակեն քննարկումները օրենքի ընդունումից հետո: Դավիթ Պետրոսյանը ընկերներին հայտնեց, որ իրենք առաջարկելու են կլոր սեղան հրավիրել եւ երեկ երեկոյան հայտարարության տակ ստորագրած գիտնականների մասնակցությամբ հարցը քննարկել:
Ըստ մեր տեղեկությունների, ուսանողներին պատրաստվում է ընդունել ԱԺ փոխխոսնակ Էդուարդ Շարմազանովը:
13:10 - Դավիթ Պետրոսյանը բարձրախոսով հայտարարեց, որ իր հետ հեռախոսազրույց է ունեցել Երևանի ոստիկանապետը եւ խնդրել է, որ բախումեր չհրահրեն: Ոստիկանապետը նաեւ փոխանցել է, որ Ազգային ժողովի պատգամավորներ են մոտենալու իրենց, ովքեր ունեն առաջարկներ: Նա ասաց, որ որոշել են սպասել եւ տեսնել, թե ինչ առաջարկներ են արվելու: Դավիթ Պետրոսյանը տեղեկացրեց նաև, որ պատգամավորների հետ հանդիպումից հետո կորոշեն հետագա անելիքները: Հարցին, թե օրենքը ընդունվել է արդեն, ի՞նչ հույս ունեն իրենց պահանջները կյանքի կոչելու առումով, Դավիթը պատասխանեց. «Այն, որ այսքան մարդ այժմ այստեղ հավաքված է օրենքի ընդունումից հետո, արդեն շատ մեծ հույս է»:
12:57 - Երեւանի փոխոստիկանապետ Վալերի Օսիպյանը լրագրողների հետ զրույցում ասաց, որ ոստիկանության գործողությունները ուժ կիրառելու հարցում համաչափ են եղել: Դիտարկմանը, որ կան վնասվածք ստացած ուսանողներ, Վալերի Օսիպյանն ասաց, որ կարող են դիմել իրենց եւ ըստ վերադասության սկզբունքի դեպքին ընթացք կտրվի:
Նախաձեռնող խումբն այժմ որոշում է կայացնում հացադուլի դադարեցման եւ պայքարը շարունակելու ուղիների հարցում:
12:31 - Հացադուլավորները միացան Բաղրամյան պողոտայում ակցիա իրականացնող իրենց ընկերներին, ովքեր ծափահարություններով ընդունեցին նրանց: Դավիթ Պետրոսյանը, որ բավականին հյուծված եւ հոգնած տեսք ունի, ուղիղ եթերում ասաց, որ իրենց շարժման շրջանակները մեծանում են, նկատի ունենալով 130 գիտաշխատողների հայտարարությունը: Այժմ նրանք կքննարկեն, թե ինչպես պետք է շարունակեն շարժումը: Նաեւ հայտարարվեց, որ կքննարկվի եւ որոշում կկայացվի հացադուլից դուրս գալ-չգալու հարցում:
Ուսանողներին միացել են նաև քաղաքացիական ակտիվիստներ: Բաղրամյան պողոտայում է Շահեն Հարությունյանը, Արամ Մանուկյանը և այլք:
12:11 - Դավիթ Պետրոսյանը քիչ առաջ Ֆեյսբուքում գրառում արեց, որով հայտնեց, որ իրենք գնում են Բաղրամյան պողոտա, սակայն հացադուլը չեն դադարեցնի:
11:55 - «Հանուն գիտության զարգացման» նախաձեռնության անդամ Վահան Կոստանյանը լրագրողների հետ զրույցում ասաց, որ կոչ են անում իրենց՝ հացադուլ հայտարարած ընկերներին դադարեցնել հացադուլը: Նա չշտապեց ոստիկանների գործողությանը գնահատական տալու հարցում: Հարցին, թե համաչա՞փ էր ոստիկանների գործողությունը, երբ փորձում էին ուժ կիրառելով ազատել Բաղրամյան պողոտան, ասաց, որ չի կարծում, այժմ տաք է եւ չի ցանկանում գնահատականներ տալ: Այս պահին Բաղրամյան պողոտայի երթեւեկելի գոտու մի մասը դեռ փակ է, ուսանողներից եւ ոստիկաններից մի քանիսը շարունակում են մնալ երթեւեկելի գոտում:
Վահան Կոստանյանը վայրկյաններ անց հայտարարեց, որ հացադուլավորները խոստացել են դադարեցնել հացադուլը եւ միանալ փողոցում կանգնած իրենց ընկերներին, որից հետո իրենք միասին քննարկելով կորոշեն հետագա քայլերը:
Ակցիային մասնակցող տղաներից մեկը դեմքի շրջանում վնասվածք է ստացել: Նա հայտարարեց, որ վնասվածքներն ստացել է բախման ժամանակ:
11:48 - Ուսանողները սեփական նախաձեռնությամբ հեռացան փողոցի երթեւեկելի մասից: Իրավիճակը համեմատաբար հանդարտվեց:
11:31 - Բաղրամյան պողոտայում քաշքշուկ սկսվեց, ոստիկանները փորձում են ուժ կիրառել եւ ուսանողներին հեռացնել երթեւեկելի գոտուց, ուսանողները կոչ են անում նստել եւ նստած վիճակում փակ պահել պողոտան:
11:21 - Նախաձեռնող խմբի անդամները մի քանի րոպե խորհրդակցելուց հետո ուսանողներին կոչ արեցին վերադառնալ Աժ-ի գլխավոր մուտքի մոտ և այնտեղ շարունակել ակցիան: Այդ որոշման վերաբերյալ որևէ բացատրություն չհնչեց: Դեմիրճյան փողոցից մուտք գործելով Բաղրամյան պողոտա՝ ուսանողները փակեցին երթևեկության մի գոտին:
Իրավիճակը լարվել է, մեծ թվով ոստիկաններ են ժամանել, փորձում են ուսանողներին հեռացնել փողոցի երթեւեկելի մասից: Տեղում է ՀՀ ոստիկանության Երևան քաղաքի վարչության պետի տեղակալ, ոստիկանության գնդապետ Վալերի Օսիպյանը: Վերջինս ուսանողներին 5 րոպե ժամանակ տվեց փողոցն ազատելու համար:
10:47 - «Հանուն կրթության զարգացման» նախաձեռնության անդամները դասադուլավոր ուսանողների հետ այս պահին փակել են Աժ-ի Դեմիրճյան փողոցին հարող մուտքը: Այդ մուտքը նախատեսված է Աժ-ի վարչական տարածք մեքենաներ մտնելու համար: Ոստիկանները ուսանողներից պահանջեցին բացել մուտքը, սակայն ուսանողները հրաժարվեցին: Աժ-ի դարպասներին մոտեցավ «010 HH 01» պետհամարանիշի ծառայողական ավտոմեքենան, սակայն ուսանողները մեծ խմբով փակեցին մուտքը: Մեքենան ստիպված ետ գնաց և չկարողացավ դուրս գալ ԱԺ-ի տարածքից:Դեմիրճյան փողոցից մուտք գործելով Բաղրամյան՝ ուսանողները երթևեկության մի գոտին փակեցին:
Քիչ անց ոսանողները փակեցին Դեմիրճյան փողոցն ու լուռ ակցիա են անում: Նրանք հետագա անելիքների վերաբերյալ չեն խոսում:
10:15 - Այսօր առավոտյան դասադուլ իրականացնող ուսանողները հավաքվելով ԵՊՀ-ի մոտ երթով շարժվեցին Աժ: Նախատեսված ժամից ուշ նրանք հավաքվեցին Աժ-ի Դեմիրճյան փողոցին հարող մուտքի մոտ և վանկարկում են «Տարկետում լինելու Ա»:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ