Երևան
27 °C
Այսօր Սերժ Սարգսյանն աշխատանքային այցով մեկնել է Ռուսաստանի Դաշնություն՝ Սոչի, որտեղ հանդիպում կունենա ՌԴ նախագահ Վլադիմիր Պուտինի հետ: Նախագահականի հաղորդագրության համաձայն՝ նախատեսվում է, որ բարձր մակարդակի բանակցությունների ժամանակ անդրադարձ կլինի նաև ԵԱՏՄ եւ ՀԱՊԿ շրջանակներում համագործակցության զարգացման հեռանկարներին առնչվող հարցերին:
Նախագահների հանդիպման սպասելիքների վերաբերյալ armtimes.com-ը զրուցել է քաղաքագետ, Միջազգային եւ անվտանգության հարցերի հայկական ինստիտուտի փորձագետ Ռուբեն Մեհրաբյանի հետ:
- Պարոն Մեհրաբյան, Պուտին-Սարգսյան հանդիպումը պայմանավորո՞ւմ եք ռուս-թուրքական մերձեցմամբ, քանի որ վերջին մեկ շաբաթվա ընթացքում ակտիվորեն քննարկվում է Թուրքիայի անդամակցության հեռանկարը ԵԱՏՄ-ին:
- Հանդիպումը պայմանավորված է երկուստեք դիրքորոշումներ ճշտելու անհրաժեշտությամբ, որովհետեւ իրավիճակ է փոխվել: Իրավիճակը փոխվել է այն իրավիճակով, որ ՌԴ-ի վրա դրված է աննախադեպ պատժամիջոցներ, բացի դրանից ՌԴ-ն արել է քայլեր, որով իրեն դրել է էլ ավելի դժվար կացության մեջ: Դրա օրինակներից է ամերիկացի դիվանագետների թվի կրճատումը, որը բարդություն է ստեղծում հենց ռուսաստանցիների համար, եւ դա փաստորեն, Ռուսաստանին դնում է միջազգային հարաբերություններում միանգամայն այլ քաղաքական կարգավիճակի մեջ: Մոտավորապես՝ ԽՍՀՄ-ի ուրվագծեր են ի հայտ գալիս: Դրանք իրավիճակներ են, որոնց հետ Հայաստանը կապ չունի, եւ չպետք է կապ ունենա:
Հետեւաբար, այս փոփոխված իրավիճակը, նաեւ այն, որ Հայաստանը պատրաստվում է ԵՄ-ի հետ ստորագրել համաձայնագիր, Հայաստանը պետք է նաեւ ակտիվացնի իր հարաբերություններն Իրանի եւ Չինաստանի հետ: Բնականաբար, այն բոլոր հեքիաթները, որ դա կամուրջ է ԵԱՏՄ-ի հետ, իմաստ չունի քննարկել, որովհետեւ Իրանը ԵԱՏՄ դուրս գալու համար ոչ թե պետք է գա միության հետ սահման չունեցող Հայաստան, այլ Կասպից ծովով ուղիղ ճանապարհով դեպի Աստրախան: Այս հարցերում պետք է ճշգրտություններ մտցնեն: Դրա համար կողմերն այսօր պետք է հասկանան, թե դիմացինն ինչ է ուզում, եւ ինչպես է պատկերացնում հետագա զարգացումները:
- ԵԱՏՄ-ին Թուրքիայի հնարավոր անդամակցության հետ կապված ՌԴ-ին պետք է հասկանա Հայաստանի՞ դիրքորոշումը, թե՞ պարզապես, պետք է մեզ տեղեկացնեն, որ իրավիճակն այսպիսին է եւ պետք է համակերպվել դրա հետ:
- Երեւանում դեռ ջուրը չտեսած պետք չէ բոբիկանալ: Ես լուրջ չեմ ընդունում Թուրքիայի այդ հայտարարությունը, չնայած դա պաշտոնական հայտարարություն է: Դա «базар»-ի տրամաբանության մեջ արված հայտարարություն է: Նրանք ուղղակի ռուսների հոգու թույլ լարերը լավ գիտեն, եւ փորձում են նրբորեն քորել ռուսների քոր եկած տեղերը, որ, օրինակ, լոլիկների վրայի արգելքը հանվի: Թուրքիան ԵՄ-ի հետ ընդհանուր մաքսային տարածքում է գտնվում, եւ նման քայլ անելու համար, նախ եւ առաջ, պետք է Բրյուսելից ազդակներ ստանա, Բրյուսելը առնվազն պետք է չառարկի դրան: Երկրորդ՝ Թուրքիայի տնտեսական բարեկեցությունը կապված է այդ ընդհանուր մաքսային տարածքից, որը Թուրքիան երբեք չի զիջի հանուն ինչ-որ բանի, հանուն լոլիկների կամ հանուն «наташа»-ների, որոնք գալիս են Թուրքիա: Երեւանում ուրախանում են: Մեկն ասում է՝ ինչ լավ է, սահմանը կբացվի, մյուսն ասում է՝ ինչ ահավոր է, մեզ կկլանեն, կուլ կտան: Սա ընդամենը հայտարարություն էր, ասեցին ու անցան առաջ: Առայժմ որեւէ քայլ չկա եւ ես վստահ եմ՝ չի էլ լինելու:
- Ենթադրո՞ւմ եք նաեւ, որ այսօրվա հանդիպման ժամանակ անդրադարձ կլինի Հայաստան-ԵՄ համաձայնագրի ստորագրման հարցին:
- Անպայման, որովհետեւ մինչ օրս Ռուսաստանը դիրքորոշում չունի այս հարցում:
- Օրերս վարչապետ Կարեն Կարապետյանը խոսելով ԵՄ-ի հետ համաձայնագրի ստորագրման մասին ասաց, որ առայժմ խոչընդոտներ չկան:
- Վարչապետն ասաց, որ Հայաստանը շատ ամուր քայլերով գնում է դեպի ստորագրման, սակայն խուսափեց վստահություն հայտնել, որ դա, այնուամենայնիվ, տեղի կունենա: Այդ զգուշավորությունը պայմանավորված է մի բանով: Ի վերջո, խոսքը գնում է մի փաստաթղթի մասին, որն արդեն նախաստորագրվել է: Որ ասում են՝ բանակցությունները գնում են, դա իմ խորին համոզմամբ՝ ՌԴ-ի հետ բանակցություններին է վերաբերվում: ՌԴ-ն առայժմ դիրքորոշում չունի, եւ Կարեն Կարապետյանի զգուշավորությունը դրանով է պայմանավորված:
- Պուտին-Սարգսյան այսօրվա հանդիպման օրը զուգադիպում է Հայաստանի անկախության հռչակագրի ընդունման օրվա հետ: Պատահականությու՞ն է հենց այս օրը հանդիպում նշանակելը, թե՞ ինչ-որ ենթատեքստ կա դրանում:
- Նախ՝ շնորհավորում եմ ձեզ այսօրվա առթիվ, եւ կարծում եմ, այսօր շատ կարեւոր օր է Հայաստանի պատմության համար: Դա ավելի շատ հոգեբանության եւ հոգեբուժության ոլորտներից է, թե ռուսներն ինչով են պայմանավորել հենց այս օրը նշանակել Սերժ Սարգսյանի հետ հանդիպման օր: Մյուս կողմից՝ ռուսների մոտ լավ է ստացվում հատուկ նրբագեղությամբ ընտրել այնպիսի ամիս, ամսաթվեր, որը պետք է հնարավորինս նսեմացնի եւ ստորացնի Հայաստանին: Մասնավորապես՝ դեկտեմբերի 2-ին Վլադիմիր Պուտինի գալը Հայաստան (1920 թվականի դեկտեմբերի 2-ն Առաջին հանրապետության գոյության դադարեցման օրն է-հեղ.): Ես չեմ ուզում ինչ-որ խորհրդանիշների հետեւից ընկնել, ես չեմ կարող իմանալ, թե ռուսների մտքում ինչ է կատարվում, բայց, այնուամենայնիվ, այդ տպավորությունը մնում է, նստվածքը մնում է:
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
© 2024 Հայկական ժամանակ