ՀՀ կառավարությունը նախատեսում է, որ հինգ տարի իրական աշխատավարձը Հայաստանում չի աճելու

 

ՀՀ կառավարության նոր ծրագիրը, որը այսօր քննարկվելու է ԱԺ արտահերթ նիստում, ՀՀԿ-ականները համարում են հավակնոտ: Եթե կառավարությունը 5 տարի անց մեր այսօրվա 10 միլիարդ դոլարանոց համախառն ներքին արդյունքը ասենք 13 միլիարդ դոլար դարձնելը համարում է հավակնոտ, թող կոչեն այդպես:

 Ծրագրին կարելի է այլ բնորոշումներ էլ տալ: Օրինակ, առաջիկա 5 տարիներին կառավարությունը զբաղված է լինելու ռազմավարություններ գրելով: 120 էջանոց այս ծրագրում խոսվում է թվով 20 նոր ռազմավարություններ գրելու մասին:  Երբ խոսքը վերաբերում է, ասենք, «շրջակա միջավայրի պահպանության եւ բնական ռեսուրսների օգտագործման կառավարման ռազմավարության», «ՀՀ ժողովրդագրական իրավիճակի բարելավման երկարաժամկետ ռազմավարության» եւ նմանատիպ այլ ծրագրերի, դա հասկանալի է: Բայց բացի դրանցից, կան նաեւ այսպիսիք` «ՀՀ տարածքում բազային եւ շարժական ռադիոմոնիթորինգի համակարգի ռազմավարություն», «Մարզային ռազմավարություն» ու դրանից առանձին «Մարզերի զարգացման ռազմավարություն», դրանից էլ առանձին «ՀՀ տարածքների զարգացման ռազմավարություն»...:

Ծրագրում կա նաեւ այսպիսի ձեւակերպում. «ընդհանուր թվային ռազմավարություն (թվային օրակարգ), որը կուրվագծի թվայնացման ոլորտում ՀՀ կառավարության ռազմավարությունը եւ հետագա քայլերը»: Մի խոսքով, ծրագիրը լեցուն է ռազմավարություններով, որոնք ուրվագծելու են այլ ռազմավարություններ, որոնք էլ իրենց հերթին հիմք են հանդիսանալու այլ ռազմավարություններ մշակելու համար: Մի խոսքով, ծրագիրը կարելի է բնորոշել որպես ռազմավարությունների կազմման ծրագիր:

Չնայած ծրագրում կան որոշակի թվային ցուցանիշներ, թե ինչի է ուզում հասնել կառավարությունը առաջիկա 5 տարիների ընթացքում, սակայն ընդհանուր առմամբ այս ծրագիրը զերծ չէ նախորդների «բովանդակությունից»: Ավելի շատ են ցանկությունների եւ անհրաժեշտությունների մասին հիշատակումները, քան դրանք իրագործելու գործուն մեխանիզմների ձեւակերպումները: Կառավարության այս ծրագրում 54 անգամ գրված է «պետք է», 46 անգամ` «անհրաժեշտ է» եւ այլն:  

Դեռ առիթներ կլինեն անդրադառնալ ծրագրում առկա «կենացներին» ու «բարեմաղթանքներին», սակայն կենտրոնանանք մի կոնկրետ ցուցանիշի վրա, որից էլ պարզ կդառնա, թե որքանով է կառավարության ծրագիրը հավակնոտ: Կառավարության նպատակադրումներում կա մի այսպիսի կետ. «զբաղվածության աճի եւ արժանապատիվ աշխատանքի վարձատրության օպտիմալ զուգակցմամբ՝ անվանական նվազագույն աշխատավարձի 25 տոկոս աճի ապահովում...»: Խոսքը, անշուշտ, ոչ թե ընդհանրապես աշխատավարձի բարձրացման մասին է, այլ նվազագույն աշխատավարձի, որը սահմանվում է օրենքով: Հիմա դա կազմում է 55 հազար դրամ եւ գործատուն աշխատանքի ընդունելով քաղաքացուն, չի կարող դրանից պակաս աշխատավարձ նշանակել:

Հիմա կառավարությունն ասում է, որ այդ ցուցանիշը 5 տարվա ընթացքում կբարձրանա 25 տոկոսով, այսինքն 2022 թվականի կկազմի 68-69 հազար դրամ: ՀՀ պետական բյուջեով սահմանված է, որ տարեկան Հայաստանում գնաճը պետք է լինի միջինը 4 տոկոս` 2.5-5.5 տոկոսի միջակայքում: Սա կհանգեցնի նրան, որ 5 տարի անց ապրանքները կթանկանան միջինը էլի մոտավորապես 25 տոկոսով: Իսկ դա նշանակում է, որ կառավարության «հավակնոտ ծրագրում» հստակ գրված է որ նվազագույն աշխատավարձ ստացող մեր համաքաղաքացիների գնողունակությունը չի աճելու: Չի աճելու եւ վերջ: Հենց այդպես հավակնոտ էլ ասում է կառավարությունը` չի աճելու:

Սա, իհարկե, վերաբերվում է միայն նվազագույն աշխատավարձին, բայց եթե նման միտում է դրված ծրագրում, ապա դա կարելի է նաեւ տարածել ընդհանրապես, Հայաստանում միջին անվանական աշխատավարձի վրա: Այսինքն կառավարությունը, նախատեսելով արտահանման ու ներդրումների մեծ աճեր, 20 հատ ռազմավարություն եւ այլն, կանխատեսում է, որ իր գործունեության արդյունքում մարդկանց գնողունակությունը չի աճելու: Ինչպես կասեր դասականի տատիկը` «բա սրա համար ենք հավաքվե՞լ»:

Տպել
30429 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության