Արթուր Բաղդասարյանի նոր բիզնեսը. ռուսական լիցեյն այս տարի կբացվի

Երեւանի Հերացի փողոցի սկզբնամասում՝ Ճոպանուղու նախկին շենքի հարեւանությամբ շուտով կգործի Հայաստանում ռուսական առաջին լիցեյը: Հավաքական անվտանգության պայմանագրի կազմակերպության (ՀԱՊԿ) միջոցներով կառուցված շենքը, որը պետք է դառնար ՀԱՊԿ ակադեմիա եւ մասնագետներ տար միջազգային այդ կազմակերպությանը, կծառայի մի քանի ուսումնական հաստատության: Մեկը «ՀԱՊԿ-ի եւ Եվրազեսի» ակադեմիան է, իսկ մյուսը՝ «Հայաստանում ռուսական լիցեյը»: Մի կողմ դնենք, թե ինչ մասնագետներ են տալու այս երկու հաստատությունները, եւ պարզենք, թե ո՞վ է կանգնած կրթական հաստատությունների թիկունքում:

2017 թվականի սեպտեմբերից իր դռները բացող Հայաստանում ռուսական լիցեյը նոր է իրավաբանական կարգավիճակ ստացել: ՀՀ արդարադատության նախարարության իրավաբանական անձանց պետական ռեգիստրի գրանցամատյանից armtimes.com-ը պարզեց, որ «Հայաստանում ռուսական լիցեյ» կրթական հիմնադրամը պետական գրանցում է ստացել մոտ մեկ ամիս առաջ՝ 2017 թվականի մայիսի 12-ին: Գործունեության հասցեն նշված է Երեւան քաղաքի Հերացի 2-ը՝ նույն շենքը, որը վերը նշեցին: «Հայաստանում ռուսական լիցեյ»-ի հիմնադիրը հանդիսանում է «Հավաքական անվտանգության պայմանագրի կազմակերպության ակադեմիա» հինադրամը: «Ռուսկի լիցեյի» կանոնադրությունը հաստատման է ներկայացրել ՀԱՊԿ ակադեմիայի ռեկտորը, որը 5-րդ գումարման Ազգային ժողովի «Օրինաց Երկիր» խմբակցության անդամ, նախկին պատգամավոր Մհեր Շահգելդյանն է:

«Հայաստանում ռուսական լիցեյ» հիմնադրամի գործադիր մարմնի ղեկավարը՝ տնօրենի ժամանակավոր պաշտոնակատարն է`Աշոտ Արտեմի Բալյանը: Վերջինս 2017 թվականի խորհրդարանական ընտրությունների ժամանակ զբաղեցրել է ՕԵԿ-ի ռեբրենդինգից հետո ստեղծված «Հայկական վերածնունդ» կուսակցության համամասնական ցուցակի 72-րդ տեղը: ԿԸՀ ներկայացրած փաստաթղթերի համաձայն, Աշոտ Բալյանը գործազուրկ է՝ ոչ մի տեղ չի աշխատում: Ակնհայտ է, որ նա արհեստական է նշանակվել հիմնադրամի տնօրենի պաշտոնում, քանի որ նաեւ ժամանակավոր պաշտոնակատարն է հանդիսանում:

Armtimes.com-ին հայտնի դարձավ, որ այս հիմնադրամի ոչ ֆորմալ տնօրենը «Օրինաց երկիր» խմբակցության մեկ այլ նախկին պատգամավոր է՝ Լեւոն Դոխոլյանը: Վերջինս այժմ զբաղված է «Հայաստանում ռուսական լիցեյ»-ի ղեկավարմամբ: Ի դեպ, ֆեյսբուք սոցիալական ցանցի իր էջում ակտիվորեն կիսվում է լիցեյի ընդունելության վերաբերյալ հայտարարություններով: Լեւոն Դոխոլյանը պատահական մարդ չէ, նա «Հայկական վերածնունդ» կուսակցության կարկառուն անդամ Հեղինե Բիշարյանի քրոջ փեսան է (դստեր ամուսինը): 

Կարող ենք արձանագրել, որ ՀՎԿ նախագահ Արթուր Բաղդասարյանի ջանքերով, երբ վերջինս դեռեւս Ազգային անվտանգության խորհրդի քարտուղարն էր, հիմնադրվեց ՀԱՊԿ ակադեմիան, որը, սակայն հետագայում դարձավ Արթուր Բաղդասարյանի մերձավորների համար աշխատատեղ ապահովող ձեռնարկություն:

Նորակառույց ՀԱՊԿ ակադեմիայի շենքի առաջին երկու հարկերը զբաղեցնում է «ՀԱՊԿ-ի եւ Եվրազես-ի ակադեմիան», իսկ երրորդ հարկում տեղակայված է «Հայաստանում ռուսական լիցեյ»-ը:

Ի դեպ, ՀՎԿ անդամ Հեղինե Բիշարյանն էլ անգործ չի մնացել: Հայտնի է, որ Հեղինե Բիշարյանը Արթուր Բաղդասարյանի հրամանով նշանակվել է Եվրոպական ակադեմիայի ռեկտոր: «Օրինաց երկիր» խմբակցության նախկին պատգամավոր Հովհաննես Մարգարյանն էլ արդեն զբաղեցնում է Արթուր Բաղդասարյանին պատկանող «Հայասի գրուպ»-ի տնօրենի պաշտոնը: Այս մասին էլ armtimes.com-ի հետ զրույցում ասացին «Հայասի» ընկերությունից:

«Հայկական վերածնունդ» կուսակցությունը ապրիլի 2-ին կայացած խորհրդարանական ընտրությունների արդյունքում ստացել էր ընդամենը 58 հազար 265 ձայն, որը 3.71 տոկոս էր: ՀՎԿ-ն 2016 թվականին մի շարք կուսակցությունների վերակազմավորման արդյունքնում էր ձեւավորվել՝ հիմնական առանցքում Արթուր Բաղդասարյանի ստեղծած «Օրինաց երկիր» կուսակցությունն էր:

Տպել
7779 դիտում

Կառավարությունը մերժեց Տիգրան Ուրիխանյանի կողմից ներկայացված օրենքի նախագիծը

Մխիթարյանի մասով «Արսենալի» երկրպագուների համբերության բաժակը լցվել է

ՀՀ ԶՈՒ ներկայացուցիչները մեկնել են ՌԴ, կլինեն Ռյազանի օդադեսանտային բարձրագույն ուսումնարանում

Խոշոր սեփականատեր ունենալը հատուկ է միայն մեկ խմբակցության․ մեր եւ երրորդ խմբակցությունում այդպիսիք չկան․ Հայկ Գեւորգյան

ՀՀ ԶՈՒ ներկայացուցիչները մասնակցում են ՀԱՊԿ շրջանակում անցկացվող աշխատանքային հանդիպմանը

ՄԻԵԴ-ն այսօր հրապարակել է Լեւոն Տեր-Պետրոսյանն ընդդեմ Հայաստանի վճիռը

ԱՄՆ-ի նախագահի ապրիլքսանչորսյան ուղերձը որևէ արժեք չունի. Թուրքիայի ԱԳՆ

Այն մարզիկները, ովքեր ոգեշնչման օրինակ են, պետք է տեսնեն, որ ՀՀ-ն գնահատում է իրենց վաստակը պետության առաջ. վարչապետ

1-ին անգամ մարզիկի համար նման մեծ գումար է հատկացվում. բյուջեից 133200 $-ին համարժեք գումար կհատկացվի Լեւոն Արոնյանին

2002-ին 200․000 դոլարով «Արարատցեմենտ»-ը վաճառվել է «Ռոբերտո» ընկերությանը, որի հիմնադիրը օֆշորային ընկերություն է

Քաղաքացու օրը Երևանի մի շարք փողոցներ փակ են լինելու (տեսանյութ)

Մեղադրանք Նոր Նորք վարչական շրջանի նախկին ղեկավարին ու ֆինբաժնի պետին՝ յուրացումների համար. ՔԿ

Երևանի մետրոպոլիտենի ֆուտբոլային գնացքի առաջին ուղերթը ապրիլի 26-ին է լինելու

Նիկոլ Փաշինյանն ու Աննա Հակոբյանը իրենց տանը հյուրընկալել են ամերիկահայ աշակերտներին (լուսանկարներ)

Ռուսական «Ձայնը» մեծ ռեպորտաժ է պատրաստել «փոքրիկ ղարաբաղցի» Միշայի ու Արցախի մասին (տեսանյութ)

Երբևէ մարզպետ-քաղաքապետ հարաբերությունները այսքան լավ չեն եղել. Խուդաթյանը հերքում է հրապարակումը

«Արարատցեմենտ»-ը 200 հազար դոլարով չի գնվել, ընդհանուր առմամբ ծախսվել է 10 մլն դոլարից ավելի գումար․ Իվետա Տոնոյան

Հաջորդ շաբաթը կմեկնարկի կարճատև անձրեւներով, մինչ այդ՝ կտաքանա 5-6 աստիճանով, տեղումներ չեն լինի

Վարչապետը հետաքրքրվել է առողջապահական ծրագրերով, տեղեկացել սուր իշեմիկ կաթվածի ծրագրի ընթացքից (տեսանյութ)

Կրթությունը մշակութային երեւույթ է եւ սրանով են պայմանավորված կառուցվածքային փոփոխությունները. վարչապետ