Երևան
21 °C
Ազգային ժողովում ավարտվեցին ԱԺ նախագահ ընտրելու հարցի շուրջ քննարկումները: Եզրափակիչ ելույթներ ունեցան «ԵԼՔ» խմբակցության ղեկավար Նիկոլ Փաշինյանը, ՀՀԿ խմբակցության ղեկավար Վահրամ Բաղդասարյանը եւ ԱԺ նախագահի երկու թեկնածուները` Էդմոն Մարուքյանը եւ Արա Բաբլոյանը:
Ընդդիմադիր պատգամավորների հիմնական ուղերձն այն էր, թե արդյո՞ք հանրապետական մեծամասնությունը, որ վերջին շրջանում մեծապես կարեւորում է երկրում իշխանության հակակշիռների ստեղծումը, պատրաստ է խոսքից անցնել գործի, եւ ԱԺ նախագահի պաշտոնը հանձնել ընդդիմությունը:
«Վերջին տարիներին բոլորը խոսում են հակակշիռների եւ զսպումների մեխանիզմների մասին: Այդ բազմաթիվ ելույթներից հետո Հայաստանում իշխանությունում հակակշիռների գործուն մեխանիզմներ, սակայն չկան: Հակակշիռը պետք է լինի Ազգային ժողովը, սակայն այն ավելի շուտ դառնում է գործադիր իշխանության կցորդը: ԱԺ-ին այս ոչ այնքան պատվաբեր դերակատարումից հանելու լավագույն ձեւը ընդդիմադիր ԱԺ նախագահ ունենալն է: Սա մի քայլ է, որը կապացուցի, որ ՀՀ-ում կա քաղաքական կամք ունենալ հակակշիռների եւ զսպումների մեխանիզմ»,- իր ելույթում ասաց Նիկոլ Փաշինյանը:
Վերջինս նաեւ հիշեցրեց այսօր ԱԺ ամբիոնից Սերժ Սարգսյանի ուղերձը` կարեւոր պաշտոններում ընտրեք ոչ թե նրան ով համախոհ է, այլ նրան ով լավ կաշխատի:
«Մենք հիմա կփորձարկենք, թե ինչ արժեք ունեն ընդհանրապես ՀՀԿ ներկայացուցիչների կողմից հնչող խոսքերը»,- ասաց Փաշինյանը:
Խոսելով ՀՀԿ-ի առաջադրած թեկնածուի մասին, «Ելք» խմբակցության ղեկավարն ասաց. «Ես Արա Բաբլոյանին վերաբերվում եմ շատ մեծ հարգանքով, նա հայտնի մանկաբույժ է, կառավարման փորձ ունի, կառավարությունում է աշխատել: Բայց ես մշակութային շոկ ապրեցի, երբ իմացա, որ պարոն Բաբլոյանը քվեարկել է ուրիշի փոխարեն: Որպես մանկաբույժ, նա հռչակավոր մանկաբույժ է: ԱԺ նախագահ ընտրվելու պարագայում մանկաբուժությունը մեծ վնաս կկրի: Էդմոն Մարուքյանի ԱԺ նախագահ ընտրվելու պարագայում մանկաբուժությունը կորուստ չի ունենա: Փոխարենը մարդու իրավունքների ոլորտում, քաղաքական հակակշիռների առումով կունենաք շոշափելի փոփոխություններ»:
«Հիմա լավագույն շանսն է, որ խորհրդարանական մեծամասնությունը ապացուցի`հակակշիռների մասով հավատո՞ւմ է իր ասածներին: Հավատո՞ւմ եք արդյոք ինքներդ ձեր ասածներին եւ հավատո՞ւմ եք արդյոք, որ դուք որեւէ բան փոխելու ընդունակ եք: Այս հարցի պատասխանը դուք կտաք քվեարկության ժամանակ»,- եզրափակեց Փաշինյանը:
ՀՀԿ խմբակցության ղեկավար Վահրամ Բաղդասարյանը գերադասեց շրջանցել այս դիտարկումները: Նա ասաց, որ ՀՀԿ-ն ձգտում է ունենալ կառուցողական եւ ուժեղ ընդդիմություն: «Մենք ընդդիմության հետ միշտ համագործակցել ենք, եւ հիմա էլ պատրաստվում ենք համագործակցել: Փոխությունների համար պետք չէ լինել ԱԺ նախագահ: ԱԺ նախագահ լինելը քաղաքական դաշտում գործիք է, նա թելադրող չէ, նաչալնիկ չէ: Նա սպիկեր է ընդամենը: Դուք պետք է աշխատեք, բարձրացնեք ձեր իմիջը, որպեսզի ունենաք ԱԺ նախագահ: Մենք անխոցելի թեկնածու ենք առաջարկել, որպես պետական քաղաքական հասարակական գործիչ: Նա արժանի է ԱԺ խոսնակ լինելու, հորդորում եմ բորորին իրենց ձայնը տալ Բաբլոյանին»,- ասաց ՀՀԿ խմբակցության ղեկավարը:
Նիկոլ Փաշինյանի ռեպլիկով հանդես եկավ. «Պարոն Բաղդասարյանի ելույթում ակնհայտ երեւաց ՀՀԿ վերաբերմունքը ԱԺ նախագահի պաշտոնի նկատմամբ: Խոսնակ է ընդամենը: Սա նաեւ պարոն Բաբլոյանի նկատմամբ ուղղակի վիրավորանք էր պարոն Բաղդասարյանի կողմից»,- ասաց Փաշինյանը:
ԱԺ նախագահի «Ելք» դաշինքի թեկնածու Էդմոն Մարուքյանն իր ելույթում ասաց, որ քննարկումները հետաքրքիր ստացվեցին եւ արդարացված էր ԱԺ նախագահ առաջադրելու իրենց խմբակցության նախաձեռնությունը:
«Իրապես շատ հետաքրքիր քննարկում էր եւ արդարացված էր «Ելք»-ի նախաձեռնությունը: Անգամ վերջին ելույթների համատեքստում ելք կա: Մենք ներկայացրեցինք ԱԺ նախագահի վերաբերյալ մեր տեսլականը, թե ինչպիսին պետք է լինի ԱԺ նախագահը: Ես ասացի, որ իմ ընտրվելու պարագայում ես կլինեմ բոլորի ԱԺ նախագահը: Այս քննարկումները ցույց են տալիս, թե ձեր ելույթները եւ տեքստերը որքան են տարբերվում ձեր քայլերից: ՀՀԿ-ն ամեն դեպքում ունի հնարավորություն ավելի լավ որոշումներ կայացնելու, քան կայացվել է այս դահլիճից դուրս»,- ասաց Էդմոն Մարուքյանը:
Վերջում ելույթ ունեցավ Արա Բաբլոյանը, եւ խնդրեց նիստը վարողին հնարավորություն տալ, որպեսզի «Ելք» դաշինքի պատգամավորները քվեարկության գնալուց առաջ երդվեն: «Մենք բոլորս երդվել ենք, իսկ դուք`ոչ»,- ասաց նա: «Ելք» դաշինքի պատգամավորները հիշեցնենք, բոյկոտել էին ԱԺ առաջին նիստի բացման արարողությունը, որի ժամանակ ծավալուն ելույթ ունեցավ Սերժ Սարգսյանը:
«Ես շատ շնորհակալ եմ բոլոր առաջարկությունների, խորհուրդների, կարծիքների համար, եւ ընտրվելու պարագայում պատրաստ եմ աշխատել բոլորի հետ այդ առաջարկությունները կյանքի կոչելու, այդ թվում` եւ պարոն Մարուքյան, ձեր առաջարկությունները, որոնք կարեւոր էին: Միեւնույն ժամանակ ուզում եմ օգտակար լինել եւ ասել, որ իսկապես ելք կա, եւ ուզում եմ, որ ձեզ տրվի հնարավորություն, որ երդվեք, նոր գնանք քվեարկության»,- ասաց Արա Բաբլոյանը:
ԱԺ ապագա նախագահի առաջարկությունը, սակայն նիստը վարողի կողմից արձագանք չգտավ եւ «Ելք» դաշինքի պատգամավորները քվեարկության գնացին առանց երդվելու:
ԱԺ նախագահի ընտրության քվեարկությունը կավարտվի 16:00-ին:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ