Արցախի հերոս Ռոբերտ Աբաջյանի ընտանիքն ուրախ է, որ դպրոցը կոչվելու է նրա անունով

Երեւանի համար 147 հիմնական դպրոցը նախատեսվում է առաջիկայում անվանակոչել ապրիլյան պատերազմում զոհված, հետմահու «Արցախի հերոս» բարձրագույն կոչմանը արժանացած Ռոբերտ Աբաջյանի անունով:

Երեւանի ավագանու «Բարեւ Երեւան» խմբակցության անդամ Անահիտ Բախշյանից տեղեկացանք, որ ավագանու ապրիլի 26-ին կայանալիք նիստի օրակարգում ընդգրկված նախագծերից մեկը վերաբերում է նշված անվանակոչությանը: Որոշման նախագիծը երեկ քննարկվել է ավագանու կրթության, մշակույթի, սպորտի եւ տուրիզմի հանձնաժողովում, որի անդամ է նաեւ Անահիտ Բախշյանը: Նախագծին տրվել է դրական եզրակացություն:

Ռոբերտ Աբաջյանի պապը` Գեւորգ Աբաջյանը, մեր զրույցում ասաց, որ լսել է Երեւանի քաղաքապետարանի մտադրության մասին եւ ուրախ է:

«Ես ուրախ եմ, որ վերջապես գնացին այդ քայլին»,- ասաց նա: Հետաքրքրվեցինք` նախապես իրենց հետ զրուցել են, ընտանիքից կարծիք հարցրե՞լ են: «Մեր կարծիքը մենք վաղուց էինք ներկայացրել: Ե´ւ դպրոցը, ե´ւ մեր փողոցը անվանակոչելու հարցը մեր ընտանիքը շատ վաղուց առաջ էր քաշել: Եւ ուրախ ենք, որ հիմա ընդառաջել են կամ գուցե իրենք են որոշել այդպես, ես չգիտեմ»,- պատասխանեց Գեւորգ Աբաջյանը` հավելելով, որ փողոցի անվանակոչության վերաբերյալ առայժմ որեւէ նորություն չկա:

Ռոբերտ Աբաջյանը սովորել է նշված 147 դպրոցում, այն ավարտելուց հետո ընդունվել է Երեւանի պետական հենակետային բժշկական քոլեջ, որն ավարտել է ատամնատեխնիկի որակավորմամբ: Դրանից հետո ընդունվել է Մայր Թերեզայի անվան բժշկական ինստիտուտ:

19-ամյա Ռոբերտը զոհվել է Մարտակերտի ուղղությամբ տեղակայված դիրքը պաշտպանելիս` 2016 թվականի ապրիլի 2-ին:

Հակառակորդի հետ կռիվ է տվել մինչեւ վերջին փամփուշտը, չի հանձնվել, չի նահանջել, իսկ վերջում իր մոտ եղած միակ նռնակով պայթեցրել է ե´ւ իրեն, ե´ւ հակառակորդի մոտ տասնյակ զինվորների:

«Մինչեւ վերջին վայրկյանը հեռախոսով խոսել է իր գնդի հրամանատարի հետ, զեկուցել է, որ` մենակ եմ մնացել, Ուրֆանյանը Քյարամի հետ այնտեղ է զոհվել, վիրավորված Անդրանիկին բերել եմ իմ կողքը, Անդրանիկն էլ է զոհվել: Այնտեղից ասել են` մենք գալիս ենք, դիմացիր: Զեկուցել է` մի նռնակ ունեմ, օղակը քաշած սպասում եմ իրենց, երբ գան, ես իրենց մաման... Ով էլ որ այս դիրքը հանձնի... Ես այս դիրքը չեմ հանձնելու»,- նախորդ տարի մեր զրույցում պատմել էր Ռոբերտի հայրը` Ալեքսանդր Աբաջյանը: 

Տպել
11515 դիտում

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է

Գյումրիում մեծ տոնախմբություն է. նշվում է քաղաքի օրը (լուսանկարներ)

Երեւանյան բնակարանում հայտնաբերվել է ԱԱԾ նախկին աշխատակցի դին, կողքին՝ ատրճանակ. Shamshyan.com

Էստոնիայի հավաքականի պաշտպանը տեղափոխվեց Ալաշկերտ

«Մալաթիա մոլ»-ի շենքում բռնկված հրդեհի հետեւանքով տուժած բոլոր քաղաքացիները դուրս են գրվել հիվանդանոցներից

Փաշինյանը հրապարակել է իր եւ տիկնոջ լուսանկարը՝ գովազդելով հայկական արտադրության վերնաշապիկները

Հունան Պողոսյանը արտահերթ խորհրդակցություն է հրավիրել՝ Սյունիքի մարզում աննախադեպ հրդեհների առնչությամբ

Արայի լեռան ստորոտում հրդեհաշիջման աշխատանքները շարունակվում են. առկա է 5 ծխացող օջախ

ՊԵԿ-ը 1 մլն 938 հազար դրամով տուգանել է «Ֆլեշ» ընկերությանը

«Պրծնենք, սաղիդ տանելու եմ «Փարվանա», պատիվ տամ». Սամվել Ալեքսանյանը գոհ է հրշեջների աշխատանքից

Մեկ օրում ՀՀ տարածքում գրանցվել է խոտածածկ տարածքներում բռնկված 75 հրդեհ

G7-ի ղեկավարները դեմ են Իրանի՝ միջուկային զենք ունենալուն

Գյումրին պատրաստ է քաղաքի տոնին. միջոցառմանը ներկա է լինելու նաեւ վարչապետ Նիկոլ Փաշինյանը

«Մալաթիա մոլ»-ի շենքում բռնկված հրդեհը մեկուսացվել է. հրդեհաշիջման աշխատանքներին մասնակցում է 13 մարտական հաշվարկ