Դպրոցներում կլինեն ուսուցչի օգնականի հաստիքներ. ի՞նչ է դա տալու

Հայաստանում սկսվել է ուսուցչի օգնականի հաստիքներ ստեղծելու գործընթաց: Հանրակրթական դպրոցներում սովորող յուրաքանչյուր 100-150 երեխայի հաշվով նախատեսվում է ունենալ ուսուցչի մեկ օգնական: Այսինքն ստացվում է, որ նա կաշխատի միաժամանակ 3-5 դասարաններում` այդտեղ դասավանդող բոլոր ուսուցիչների հետ համագործակցելով:

Ուսուցչի օգնականի հաստիքը համընդհանուր ներառական կրթության անցնելու բաղադրիչներից է, որը սահմանված է «Հանրակրթության մասին» ՀՀ օրենքում: Նախատեսվում է, որ համընդհանուր ներառման գործընթացը պետք է ավարտին հասցվի մինչեւ 2025 թվականը, ինչը նշանակում է, որ տարբեր խնդիրներով երեխաները, այդ թվում զարգացման եւ ֆիզիկական խնդիրներ ունեցողները, այդ ընթացքում պետք է սկսեն սովորել հանրակրթական դպրոցներում: Եվ նշվում է, որ նրանց պետք է աջակցեն նաեւ սոցիալական մանկավարժը, հոգեբանը, ուսուցչի օգնականը:

ՀՀ կրթության եւ գիտության նախարարության հանրակրթության վարչության գլխավոր մասնագետ Անահիտ Մուրադյանը մեր զրույցում ասաց, թե փորձը ցույց է տալիս, որ դպրոցում սովորողների տասը տոկոսն այսպես թե այնպես ունի որոշակի աջակցության կարիք, եւ իրենց հաշվարկները ելնում են դրանից:

Խոսելով ուսուցչի օգնականի պարտականությունների մասին` նախարարության մասնագետը նշեց. «Նա ուսուցչին աջակցություն պետք է ցուցաբերի առաջին հերթին հայտնաբերելու այն երեխաներին, որոնք այս կամ այն պատճառով չեն հասցնում հանրակրթական ծրագիրը եւ այն մեթոդների ու միջոցների ընտրության հարցում, որոնցով պետք է երեխաներին աջակցություն տրամադրվի: Այսինքն` ուսուցչի հետ համատեղ նա աշխատում է դասարանում, ուսուցիչն ասում է` Պողոսը, Պետրոսը, Մարտիրոսը մի քիչ հետ են մնում ուսումնական ծրագրով, սկսում են ուսուցչի հետ համատեղ դիտարկել, թե այդ երեխաների մոտ ինչն է խնդիրը եւ կախված դրանից` նրանց համապատասխան աջակցության համակարգ պետք է տրամադրվի: Ասենք, եթե երեխան ուշադրության խնդիր ունի, ուրեմն դասը պլանավորելիս համատեղ պետք է որոշել` ինչպես անել, որ նա կենտրոնանա եւ այլն»:

«Հանրակրթության մասին» օրենքում ուսուցչի օգնական հասկացությունը բացատրվում է հետեւյալ կերպ` կրթության կազմակերպման գործընթացում ուսուցչին աջակցող մանկավարժական աշխատող: Մանկավարժական աշխատողն էլ, ըստ նույն օրենքի, սովորողների կողմից հանրակրթական ծրագրերի յուրացմանը նպաստող եւ (կամ) կրթության բովանդակության պահանջները ապահովող ուսումնական հաստատության, ինչպես նաեւ մանկավարժահոգեբանական կենտրոնների աշխատակիցն է:

Ի դեպ, համընդհանուր ներառական կրթության անցնելու ճանապարհին հատուկ դպրոցները վերափոխվում են մանկավարժահոգեբանական աջակցության կետրոնների, որոնք պետք է դպրոցներին օգնության հասնեն, եթե հատուկ կարիքներով երեխաների կրթության ընթացքում դպրոցները հայտնվեն բարդ իրավիճակում: Առաջինը համընդհանուր ներառական կրթության անցնելու հնարավորությունը տրվել է Սյունիքի մարզին: Այնուհետեւ Տավուշի եւ Լոռու մարզերին` սույն թվականի սեպտեմբերի 1-ից: Գործընթացը կեզրափակեն Արարատի եւ Վայոց ձորի մարզերը` 2021 թվականին:

Համաձայն ՀՀ կառավարության սույն թվականի փետրվարի 16-ի որոշման, «ուսուցչի օգնականի միջին ամսական աշխատավարձը հաշվարկվում է մանկավարժների միջին ամսական հաշվարկային աշխատավարձի 80 տոկոսի չափով»: Ինչ վերաբերում է ուսուցչի օգնականի ընտրությանը, կրթության եւ գիտության նախարարության գլխավոր մասնագետը նշեց, որ օրինակ Սյունիքում ուսուցչի օգնականի կարգավիճակով սկսել են աշխատել վերակազմակերպված հատուկ դպրոցների մանկավարժները:

Այսինքն` ստացվել է, որ երեխան հատուկ դպրոցից ներառական դպրոց է տեղափոխվում իր ուսուցչի հետ: Նույն սկզբունքը կգործի նաեւ մյուս մարզերի դեպքում: Բայց եթե կարիք լինի լրացուցիչ մասնագետների, ապա, ըստ Անահիտ Մուրադյանի, ուսուցչի օգնական կարող է աշխատել մանկավարժական կրթություն ստացած ցանկացած անձ:

Հետաքրքրվեցինք, թե ուսուցչի օգնականի հաստիքը դպրոց ներմուծելուց առաջ որեւէ ուսումնասիրություն իրականացվե՞լ է` պարզելու համար, թե ներառական դպրոցներում հոգեբանի, սոցիալական մանկավարժի աշխատանքը որքանով է արդյունավետ, որովհետեւ կարծիք կա, որ այդ մասնագետների գոյությունը կամ ներկայությունը հաճախ զուտ ձեւական բնույթ է կրում:

«Ես համաձայն չեմ: Ցանկացած ուսուցչի, ցանկացած աշխատողի աշխատանք արդյունավետ է կամ արդյունավետ չէ: Այն, ինչ-որ մենք անում ենք, մեզումեզ չենք հնարել: Ներառական կրթության փորձը Հայաստանում կա 2001 թվականից` ծրագրային մակարդակով, 2005 թվից` օրենքով սահմանված կարգով, ուղղակի կազմակերպման ձեւն է տարբեր, եթե այն ժամանակ հատվածային դպրոցներ էին նախարարի հրամանով ճանաչվում ներառական կրթություն իրականացնող, հիմա մենք անցնում ենք համընդհանուրի»,- պատասխանեց հանրակրթության վարչության գլխավոր մասնագետը:

Տպել
102483 դիտում

ՀՀ ԶՈՒ ներկայացուցիչները մեկնել են ՌԴ, կլինեն Ռյազանի օդադեսանտային բարձրագույն ուսումնարանում

Խոշոր սեփականատեր ունենալը հատուկ է միայն մեկ խմբակցության․ մեր եւ երրորդ խմբակցությունում այդպիսիք չկան․ Հայկ Գեւորգյան

ՀՀ ԶՈՒ ներկայացուցիչները մասնակցում են ՀԱՊԿ շրջանակում անցկացվող աշխատանքային հանդիպմանը

ՄԻԵԴ-ն այսօր հրապարակել է Լեւոն Տեր-Պետրոսյանն ընդդեմ Հայաստանի վճիռը

ԱՄՆ-ի նախագահի ապրիլքսանչորսյան ուղերձը որևէ արժեք չունի. Թուրքիայի ԱԳՆ

Այն մարզիկները, ովքեր ոգեշնչման օրինակ են, պետք է տեսնեն, որ ՀՀ-ն գնահատում է իրենց վաստակը պետության առաջ. վարչապետ

1-ին անգամ մարզիկի համար նման մեծ գումար է հատկացվում. բյուջեից 133200 $-ին համարժեք գումար կհատկացվի Լեւոն Արոնյանին

2002-ին 200․000 դոլարով «Արարատցեմենտ»-ը վաճառվել է «Ռոբերտո» ընկերությանը, որի հիմնադիրը օֆշորային ընկերություն է

Քաղաքացու օրը Երևանի մի շարք փողոցներ փակ են լինելու (տեսանյութ)

Մեղադրանք Նոր Նորք վարչական շրջանի նախկին ղեկավարին ու ֆինբաժնի պետին՝ յուրացումների համար. ՔԿ

Երևանի մետրոպոլիտենի ֆուտբոլային գնացքի առաջին ուղերթը ապրիլի 26-ին է լինելու

Նիկոլ Փաշինյանն ու Աննա Հակոբյանը իրենց տանը հյուրընկալել են ամերիկահայ աշակերտներին (լուսանկարներ)

Ռուսական «Ձայնը» մեծ ռեպորտաժ է պատրաստել «փոքրիկ ղարաբաղցի» Միշայի ու Արցախի մասին (տեսանյութ)

Երբևէ մարզպետ-քաղաքապետ հարաբերությունները այսքան լավ չեն եղել. Խուդաթյանը հերքում է հրապարակումը

«Արարատցեմենտ»-ը 200 հազար դոլարով չի գնվել, ընդհանուր առմամբ ծախսվել է 10 մլն դոլարից ավելի գումար․ Իվետա Տոնոյան

Հաջորդ շաբաթը կմեկնարկի կարճատև անձրեւներով, մինչ այդ՝ կտաքանա 5-6 աստիճանով, տեղումներ չեն լինի

Վարչապետը հետաքրքրվել է առողջապահական ծրագրերով, տեղեկացել սուր իշեմիկ կաթվածի ծրագրի ընթացքից (տեսանյութ)

Կրթությունը մշակութային երեւույթ է եւ սրանով են պայմանավորված կառուցվածքային փոփոխությունները. վարչապետ

Հունիսի 9-ին Արմավիրի մարզի Վարդանաշեն համայնքում կանցկացվի համայնքի ղեկավարի արտահերթ ընտրություն

3 օրում բացահայտվել է հանցագործության 95 դեպք, գրանցվել է տրանսպորտային 24 պատահար