Կարեն Կարապետյանը բոյկոտե՞լ է տոնական ճաշը, եւ ինչո՞ւ էր նա Եռաբլուրում հրմշտվում

ՀՀԿ խորհրդի նիստում Սերժ Սարգսյանի ելույթում, բացի Հովիկ Աբրահամյանին նվիրված հատվածից, եւս երկու ուշագրավ հատված կար: Առաջինը վերաբերվում էր Գագիկ Ծառուկյանի քաղաքականություն վերադառնալուն: Սարգսյանն ասաց, որ ինքը չի ողջունել Գագիկ Ծառուկյանի քաղաքական դաշտ վերադառնալը: Իհարկե, Ծառուկյանի մասին իր էպիկական ելույթից հետո Սարգսյանը չէր կարող այլ բան ասել: Բայց նա կարող էր կանխել Ծառուկյանի վերադարձը, ինչը չի արել: Հարց է առաջանում, եթե չի ողջունում այդ քայլը, ինչո՞ւ չի կանխել: 

Սարգսյանի ելույթի հաջորդ ուշագրավ հատվածը «նվիրված էր» Կարեն Կարապետյանին: Ավելի ճիշտ ուշագրավը նրան նվիրված հատվածի բացակայությունն էր: Սերժ Սարգսյանը բառ անգամ չասաց Կարապետյանի ՀՀԿ առաջին փոխնախագահ ընտրվելու կապակցությամբ: Ոչ մի շնորհավորանք, ոչ մի մաղթանք, ոչ մի հիշեցում կուսակցությանը նոր ոգի հաղորդելու մասին:  

Սարգսյանը, կարծես թե, չի ողջունում նաեւ Կարապետյանի ՀՀԿ առաջին փոխնախագահ դառնալը: Ավելին, ակնհայտ է, որ նա առհասարակ չի ողջունում Կարապետյանին ՀՀ վարչապետ նշանակելու իր որոշումը: Վերջինիս հանդեպ ոչ միանշանակ վերաբերմունքն առավել սուր նկատվեց ՀՀ զինված ուժերի կազմավորման 25-րդ տարեդարձի միջոցառումների ընթացքում:

Վարչապետն ի պաշտոնե, արարողակարգի բոլոր կանոններով պետք է տոնական միջոցառումների ընթացքում քայլեր Սարգսյանի կողքով կամ առնվազն երկրորդ շարքով: Եռաբլուր բարձրանալիս սակայն Կարեն Կարապետյանը 5-րդ 6-րդ շարքերում փորձում էր դիմակայել Սարգսյանի անվտանգության աշխատակիցների եւ քաղաքացիների հրմշտոցին: Մյուս բոլոր միջոցառումներին`տոնական համերգ, պարգեւատրման արարողություն, վարչապետը հիմնականում կադրից դուրս էր: Այդ օրվա միակ լուսանկարը, որտեղ Սարգսյանն ու Կարապետյանը միասին են, սույն նյութից կից լուսանկարն է (նրանք հեռանում են նախագահական նստավայրում ավարտված պարգեւատրման արարողությունից):  

Հայաստանի եւ Արցախի բարձրագույն ղեկավարությունը Եռաբլուր այցից եւ նախագահական նստավայրի միջոցառումից հետո, ըստ ամենայնի, տոնական ճաշի է մասնակցել: Չենք կարող պնդել, որովհետեւ ճաշի մասին որեւէ պաշտոնական հաղորդագրություն գոյություն չունի, սակայն չի բացառվում, որ Կարապետյանը բոյկոտել է այդ միջոցառումը:

Հունվարի 28-ին վարչապետի գլխավորությամբ կառավարությունում տեղի է ունեցել խորհրդակցություն, ինչի մասին համապատասխան հաղորդագրություն կա նաեւ Կառավարության պաշտոնական կայքում: Ավելի հավանական է, որ Կարապետյանը հատուկ է սույն խորհրդակցությունը հրավիրել, որպեսզի ճաշից բացակայելու հիմնավորումներ ունենա: Ավելի վաղ, նա պլանավորել էր հունվարի 28-ին այցելել Գյումրի, սակայն այցը հետաձգվել է: Թերեւս, եղանակային պայմանները թույլ չեն տվել կեսօրից  հետո մեկնել Գյումրի, ապա վերադառնալ եւ հասնել երեկոյան օպերայի եւ բալետի թատրոնում նախատեսված տոնական համերգին: Իսկ հրապարակային միջոցառումներից բացակայել, բնականաբար, չի կարելի է, որովհետեւ դա կարող է տարբեր մեկնաբանությունների արժանանալ:

Ինչ վերաբերվում է տոնական ճաշին չմասնակցելու պատճառներին, ապա Սերժ Սարգսյանը նման միջոցառումների ժամանակ չի զսպում Կարապետյանին քաղաքական կսմթոցներ հասցնելու գայթակղությունը, ինչի պատճառով վարչապետը նախընտրում է չմասնակցել դրանց:

Փոխարենը կառավարության խորհրդակցության ժամանակ Կարեն Կարապետյանը փորձել է ցույց տալ, թե ով է դրության տերը: Պետգույքի կառավարման վարչության պետ Արման Սահակյանին նա հանձնարարել է կասեցնել պետական այն կառավարիչների գործունեությունը, որոնք արդյունավետ չեն աշխատում. «Արման, էս ամսվա մեջ սաղի ողնաշարը կջարդես»,- ասել է նա: Ի դեպ, սույն խորհրդակցությանն էլ չի մասնակցել ՊՆ նախարար Վիգեն Սարգսյանը:

Ներքաղաքական վերջին վերադասավորումների մեջ Վիգեն Սարգսյանի նշանակումը, թերեւս իր միակ քայլ է, որ Սերժ Սարգսյանը ողջունում է: Մյուս բոլոր տեղաշարժերը`Սեյրան Օհանյանի բռնած գիծը, նույն գիծը բռնելու Հովիկ Աբրահամյանի փորձերը, Ծառուկյանի վերադարձը, Կարապետյանի նշանակումը Սարգսյանն ակնհայտորեն չի ողջունում: Այդ դեպքում ինչո՞ւ է այդ ամենը տեղի ունենում: Գոյություն ունի երկու տարբերակ. կամ Սերժ Սարգսյանը չի տիրապետում իրավիճակին եւ ինչ-որ ուժեր նրան դրդում են անել քայլեր, որոնք ինքը կնախընտրեր չանել: Կամ նա ունի մանրակրկիտ մշակած ծրագիր, որի մեջ մտնում են նաեւ միջանկյալ լուծումներ, ինչպես Կարապետյանի նշանակումն ու Ծառուկյանի վերադարձը, եւ քայլ առ քայլ իրականացնում է իր այդ ծրագիրը:     

Հ.Գ. Այսօր լուր հայտնվեց, որ Սերժ Սարգսյանն ու Հովիկ Աբրահամյանը հանդիպել են եւ հասել փոխըմբռնման, ինչի արդյունքում Հովիկ Աբրահամյանը հնարավոր է ժամանակավորապես սառեցնի իր քաղաքական ակտիվությունը: Սա, իսկապես, անսպասելի շրջադարձ է. փաստորեն իրար հասկանալու համար Սարգսյանին ու Աբրահամյանին պետք էր նախ հրապարակային այլաբանական բանավեճի մեջ մտնել:   

Տպել
20728 դիտում

ՃՈ-ն ուժեղացված ծառայություն է իրականացնում Ֆրանսիայի հրապարակում

ՀՀ ֆուտբոլի հավաքականի կազմը Հունաստանի դեմ խաղում

ԱՄԷ-ի ներդրողից 515 մլն դրամ է հափշտակվել. հարուցվել է քրեական գործ (տեսանյութ)

ՇՄ նախարարության աշխատակիցներն առանց լրացուցիչ աջակցության իրականացրել են ամբողջ ՀՀ-ի թափոնավայրերի գույքագրում․ նախարար

Տնտեսական հեղափոխությունը ոչ միայն ընթացքի մեջ է, այլև ամեն օրվա հետ թափ է հավաքում. Նիկոլ Փաշինյան

Դատարանը հեռացավ խորհրդակցական սենյակ՝ նախկին պատգամավոր Ալիկ Պետրոսյանի խափանման միջոցի վերաբերյալ որոշում կայացնելու

Վրաստանում շարունակվում են բողոքի ցույցերը. ներքաղաքական ճգնաժամը կարող է անկանխատեսելի զարգացումներ ունենալ

2020 թվականին երկրաշարժի հետևանքով անօթևան մնացած 457 ընտանիքի անհրաժեշտ գումարի չափով վաուչերներ կտրամադրվեն. Միրզոյան

Մոտ ապագայում ՔԿՀ-ներում պահվող անձինք մասնագիտություն կստանան եւ կապահովվեն աշխատանքով. արդարադատության փոխնախարար

Մխիթարյանն ասել է, որ «Արսենալ»-ում մարզչի տակտիկան խանգարել է իրեն գոլեր խփել

Երեւանի քաղաքապետարանի միջոցներով նորոգվում են ստորգետնյա անցումներ

Հայաստանի եւ Թաթարստանի գիտությունների ակադեմիաների միջեւ կնքվել է համագործակցության համաձայնագիր

Երեք ոստիկան ազատվել է ծառայությունից, երկուսը՝ ստացել խիստ նկատողություն (տեսանյութ)

Հայտնի է՝ երբ Ֆինլանդիայում կկայանա այնտեղ ձերբակալված հայ ֆուտբոլասերի դատը

Մարվել է Նոր Գեղի համայնքի կրպակում բռնկված հրդեհը. ԱԻՆ

Մի հատ նայեք՝ վերջին 10-15 տարին մենք որտեղ ենք եղել, դուք՝ որտեղ․ Բաբկեն Թունյանը՝ ընդդիմախոսներին

Հայտնի է ապօրինի որդեգրումներին մասնակից ՊՈԱԿ-ների անունները. օտարերկրացիները 2 տարում 2 մանկատնից 76 երեխա են որդեգրել

ՀԱՅԲԻԶՆԵՍԲԱՆԿԸ Վանաձորում անցկացրեց փոքր և միջին բիզնեսի զարգացման վերաբերյալ Բիզնես Ֆորում

Տավուշի ոստիկանները պայքարում են անտառահատման դեմ․ տնկվել է 1000 ծառ

Հերթական խեղված շունը, կենդանու վրա քիմիական նյութ են լցրել