Քաղաքական սպանությունների վտանգ Հայաստանում

ՌԴ ՆԳ «Ինտերպոլի» ազգային բյուրոյի ղեկավար Ալեքսանդր Պրոկոպչուկը «Ինտերպոլի» փոխնախագահի պաշտոնում ընտրվելու կապակցությամբ երեկ ծավալուն հարցազրույց է տվել «Իզվեստիա»-ին, եւ խոսել «Ինտերպոլ»-ի ռուսական բյուրոյի աշխատանքների եւ այլ երկրների հետ համագործակցության արդյունավետության մասին: Նա բերել է տարբեր օրինակներ, որոնցից մեկում հիշատակվում է նաեւ Հայաստանը:

Ըստ Պրոկոպչուկի, Կիպրոսի իրավապահների հետ ձեռնարկված համատեղ միջոցառումների արդյունքում հայտնաբերվել է ռուսաստանցին, ով ոչ մեկ անգամ կեղծ ահազանգ է տվել նախապատրաստվող ահաբեկչությունների մասին: «Մասնավորապես, նա սպառնում էր պայթեցնել Լառնակայի օդանավակայանը, Հայաստանի, Բելառուսի եւ Ղազախստանի պետական օբյեկտներ: Հարուցվել է քրեական գործ «Ահաբեկչական ակտի մասին ակնհայտ սուտ հայտարարություն» հոդվածով»,- ասում է Պրոկոպչուկը:

Տեղեկությունն իսկապես տարօրինակ է: Ո՞վ է այդ ռուսաստանցին, ի՞նչ ազգություն ունի, ինչո՞ւ է կեղծ ահազանգեր տվել հատկապես այս երկրների վերաբերյալ: Կամ ինչո՞ւ են նրա հետաքրքրությունների տիրույթում հայտնվել ԵԱՏՄ երկրների, հատկապես՝ պետական օբյեկտները եւ ոչ թե օրինակ մարդաշատ վայրերը`մետրո, թանգարան, առեւտրի կենտրոն եւ այլն: 

Պրոկոպչուկը նաեւ ասում է, որ ահաբեկչական ուղղվածության հանցագործություն կատարելու համար ներկայումս ռուսական կողմը «Ինտերպոլի» խողովակով հետախուզում է հայտարարել 1000 հոգու նկատմամբ: Հարց է առաջանում, իսկ արդյո՞ք այդ հազարի մեջ էլի կան Հայաստանի պետական կառույցների հետ կապված պլաններ ունեցող անձինք: Չէ՞ որ, եթե մի ռուսաստանցու մտքով նման բան է անցել, կարող է էլի մարդկանց մտքով անցած լինել: Եւ եթե այս մեկի ահազանգերը կեղծ են եղել, կարող է պարզվել, որ մյուսները անկեղծորեն են պլանավորում Հայաստանի պետական մարմիններում ահաբեկչություն իրականացնել: Պետական մարմին ասելով տվյալ դեպքում պետք է հասկանալ նաեւ պետական բարձրաստիճան պաշտոնյաներին` նախագահ, վարչապետ:

Հայկական լրատվամիջոցներն այս առիթով հիշեցնում են, որ հունվարի 17-ին «Ժողովուրդ» օրաթերթը լուր էր հրապարակել, թե ԱԱԾ-ն օպերատիվ տեղեկություն է ստացել, որ Սերժ Սարգսյանի դեմ մահափորձ է կազմակերպվում եւ այժմ վարձու մարդասպանին են փնտրում: 

Այս երկու իրար հետ առաջին հայացքից ոչ մի կապ չունեցող տեղեկությունները լուրջ մտահոգություն են առաջացրել Հայաստանում: Իշխանության դեմ պայքարի ելած որոշ քաղաքական ուժերի անհանգստացրել է հեռանկարը, որ այս կարգի տեղեկությունների տարածումը կարող է նախընտրական ինչ-որ փուլում իշխանությունների ձեռքին գործիք դառնալ: Սերժ Սարգսյանը կարող է իր քաղաքական հակառակորդներին «կապել» պետության դեմ հանցագործություններ նախապատրաստողների հետ, քրեական գործ հարուցել, կալանավորել: 

Սա, թերեւս իրադարձությունների զարգացման լավագույն տարբերակը կլինի, որքան էլ աբսուրդ է հնչում: Բանն այն է, որ առավել քան ռեալ է վտանգը, որ առաջիկա ընտրությունների համատեքստում Հայաստանում կարող է կրկին արյուն հոսել: Ընդ որում, տարբերակները մի քանիսն են. պետական որեւէ կառույցում ահաբեկչությունը, ինչպես 1999թ. հոկտեմբերի 27-ին, քաղաքական աղմկոտ սպանություն կամ առեղծվածային մահ, ինչպես վարչապետ Անդրանիկ Մարգարյանի հետ եղավ (2007 թվական, ապրիլին): 

Հունվարի 24-25-ին կայացավ վարչապետ Կարեն Կարապետյանի պաշտոնական այցը Ռուսաստանի Դաշնություն: ՀՀ վերջին վարչապետը, որ նման բարձր ընդունելության էր արժանացել Մոսկվայում՝ Սերժ Սարգսյանն էր, 2007 թվականի սեպտեմբերին: 

Վիճակագրության համաձայն, Հայաստանում իշխանությունը փոխանցվում է այն անձին, ով ընտրությունների շրջանում զբաղեցնում է վարչապետի պաշտոնը: Մեկ այլ վիճակագրություն էլ է ուրվագծվում. իշխանությունը փոխանցվում է միայն այն վարչապետին, ով ընտրությունից առաջ հատուկ վերաբերմունքի է արժանանում ՌԴ-ի կողմից: 

Փաստն այն է, որ հիմա այդ դերում Կարեն Կարապետյանն է: Ամբողջ խնդիրը, սակայն այն է, որ Սերժ Սարգսյանը չի պատրաստվում իշխանությունը զիջել Կարապետյանին եւ ամեն ինչ անելու է նրա դիրքերն այն աստիճան թուլացնելու համար, որ նման բան հնարավոր չլինի: 

Գործել ընդդեմ Կարապետյանի, նշանակում է գործել ընդդեմ նրա քաղաքական հովանավորի` Ռուսաստանի: Իսկ ՌԴ-ում փաստորեն կան քաղաքացիներ, ովքեր ՀՀ պետական համարվող օբյեկտների հետ կապված ահաբեկչական ծրագրեր ունեն: Եւ դեռ չգիտենք ԱԱԾ-ի կողմից փնտրվող վարձու մարդասպանը հայաստանցի է, թե՝ ռուսաստանցի: 

Այս իրավիճակում Սերժ Սարգսյանի անվտանգության բազմապատկումը, պետք է միանգամայն նորմալ համարվի: Մյուս կողմից, Կարեն Կարապետյանը նույնպես իր անվտանգության հարցերում պետք է, թերեւս, ծայրահեղ զգոն լինի:

Տպել
18716 դիտում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան

Իտալիայի վարչապետի հետ ունեցանք բովանդակալից և արդյունավետ բանակցություններ. վարչապետ

Ոստիկանները հայտնաբերել են նարկոլոգիական կենտրոնում հաշվառված վարորդների (տեսանյութ)

10-ից ավելի միկրոավտոբուս տեղափոխվել է ճանապարհային ոստիկանության պահպանող հատուկ տարածք. հայտնաբերվել են դանակներ

ԱԺ նախագահը մասնակցել է ԱՊՀ միջխորհրդարանական վեհաժողովի խորհրդի նիստին

ՖԱՖ եւ «Red Eagles» ֆան-ակումբները գիտեն՝ ՀՖՖ ինչպիսի նախագահ են ուզում