Պավլովում շրջված Երևան-Սանկտ Պետերբուրգ երթուղայինը ոչ կանոնավոր փոխադրում էր իրականացնում

Հունվարի 22-ին ժամը 11:55-ին ՌԴ Պավլովի շրջանում վթարված Երևան-Սանկտ Պետերբուրգ երթուղում ուղեւորափոխադրում իրականացնող «Mercedez-Benz» մակնիշի 27 UL 776 պետհամարանիշով միկրոավտոբուսը որեւէ ընկերության չի պատկանում, գրանցված է անհատի անունով եւ իրականացնելիս է եղել ոչ կանոնավոր ուղեւորափոխադրում:

Այդ մասին մեզ հետ զրույցում հայտնեց ՀՀ տրանսպորտի եւ կապի փոխնախարար Դավիթ Մելքոնյանը՝ հավելելով, որ վարորդի տվյալները չունի, քանի որ այդ երթուղայինը գործել է նախարարության վերահսկողությունից դուրս:

«Որպես փոխադրող հանդես չի եկել, կանոնավոր փոխադրում չի իրականացրել, հետեւաբար տվյալներ չունենք: Մեր առաջարկած օրենքների նախագծերը հաստատվել են ԱԺ-ի կողմից, շուտով կմտնեն ուժի մեջ եւ մենք արդեն այդ դաշտը կկանոնակարգենք»,- ասաց Դավիթ Մելքոնյանը:

Հարցին, թե դրանից ինչ է փոխվելու՝ փոխնախարարը հետեւյալ կերպ պատասխանեց. «Ենթադրում եմ, որ անվտանգությունը, սպասարկման որակը պետք է բարձրացվեն,նաեւ չափորոշիչները խախտողների նկատմամբ, խստացվի վարչական պատասխանատվությունը: Սա ենթադրում է, որ ամեն մեկը չի կարող ուղեւոր փոխադրել»:

Մեր ստացած տվյալների համակցությամբ հաջողվեց պարզել, որ միկրոավտոբուսի վարորդը 32-ամյա Վանուշ Սահակյանն է: Վերջինս հետազոտվելուց հետո դուրս էր գրվել Պավլովի հանրապետական հիվանդանոցից, սակայն իրեն նորից վատ է զգացել եւ հետ վերադարձել:

ՀՀ առողջապահության նախարար Անահիտ Հայթայանից տեղեկացանք, որ այսօր ժամը 16:20-ին կապվել են Պավլովի շրջանի կենտրոնական հիվանդանոցի ընդունարանի հերթապահ բժշկի հետ։ Վերջինս հայտնել է, որ իրենց մոտ գտնվող վիրավորների թիվը 4-ից դարձել է 5 (խոսքը վարորդի մասին է, որը հետ է գնացել հիվանդանոց): Հիվանդանոցում շարունակում են մնալ երթուղայինի ուղեւորներ 1992 թվականին ծնված Գեւորիկ Դալլաքյանը, 1984 թվականին ծնված Կարեն Հակոբյանը, 1960 թվականին ծնված Մուշեղ Մանուկյանը, 1983 թվականին ծնված Հերմինե Բեկթաշյանը եւ վարորդը՝ 1985 թվականին ծնված Վանուշ Սահակյանը:

Երթուղայինի վթարի հետեւանքով հոսպիտալացված մյուս ուղեւորները՝ Մհեր Քոթանջյանը (ծնվ.` 1987թ.), Դավիթ Քոթանջյանը (ծնվ. 1988 թ.), Արսեն Պողոսյանը (ծնվ.` 1987թ.), Գարիկ Կոստանդյանը (ծնվ.` 1987թ.) ավելի վաղ հետազոտվելուց հետո դուրս էին գրվել: Մհեր Քոթանջյանին հարազատները տեղափոխել են Դոնի Ռոստով։ 

Բուժումը հիվանդանոցում շարունակող տուժածներից մեկի վիճակը մասնագետները գնահատում են ծանր, մյուսներինը` միջին ծանրության։ Բոլորն անցել են լաբորատոր և գործիքային անհրաժեշտ հետազոտություններ, ստանում են համապատասխան բուժօգնություն։ Նշենք, որ տուժածների մոտ ախտորոշվել են տարբեր աստիճանի կոտրվածքներ, երկուսի մոտ առկա է նաև թոքի վնասվածք։

Նշենք, որ վիրավորներից Վանուշ Սահակյանը Արմավիրի մարզի Վաղարշապատ քաղաքի գրանցում ունի, Գեւորիկ Դալլաքյանը՝ Լոռու մարզի Սպիտակ քաղաքի, սակայն ըստ քաղաքապետի, բնակվում է Վանաձորում: Հերմինե Բեկթաշյանը Դիլիջանի գրանցում ունի, Քոթանջյան Մհերն ու նրա եղբայր Դավիթը՝ Լոռու մարզի Վանաձոր քաղաքի: Վանաձորում է գրանցված նաեւ վիրավորներից Գարիկ Կոստանդյանը:

ՀՀ արտակարգ իրավիճակների նախարարության Ճգնաժամային կառավարման ազգային կենտրոնի օպերատիվ հերթափոխի պետ, փոխգնդապետ Հրանտ Ճաղարյանը մեզ հետ զրույցում ասաց, որ միկրոավտոբուսը նախնական տվյալներով կողաշրջվել է: Նա ենթադրեց, որ վթարից հետո մեքենան տեղափոխվել է ՌԴ ՃՈ հատուկ պահպանվող տարածք: Հարցին, թե որն է եղել պատճառը՝ Ճաղարյանը չկարողացավ պատասխանել՝ ընդգծելով, որ ՌԴ իրենց գործընկեր մարմինները դեռ այդ մասին ոչինչ չեն հայտնում: 

ՀՀ քննչական կոմիտեում եւս տեղեկություններ չկան վթարի հետեւանքով հարուցված քրգործի կամ գործի այլ ընթացքի մասին: Քրգործ հարուցվելու մասին որեւէ տեղեկություն չկա նաեւ ռուսական կայքերում: Այսինքն՝ այս պահի դրությամբ դեռ պարզ չէ, թե ինչն է հանդիսացել վթարի պատճառ:

Հիշեցնենք, որ հունվարի 22-ին ՀՀ արտակարգ իրավիճակների նախարարությունը տեղեկացրել էր, որ Ռուսաստանի Դաշնության Կրասնոդարի մարզի Պավլովյան շրջանում Երևան-Սանկտ Պետերբուրգ երթուղին իրականացնող «Mercedez-Benz» մակնիշի 27 UL 776 պետհամարանիշով միկրոավտոբուսը վթարի է ենթարկվել. կան տուժածներ: Հիվանդանոց էր տեղափոխվել 9 քաղաքացի: Արտակարգ իրավիճակների նախարարության հաղորդմամբ` բոլոր ուղևորները եղել են ՀՀ քաղաքացիներ: 

Տպել
2795 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները