Ռոբերտ Քոչարյանին պատշաճ հենարան է պետք. Օհանյանը կհաջողի՞, թե՞ Օսկանյանի նման կտապալվի

Երեկ «Ժամանակ»-ում լուր էր տպագրվել, թե Սեյրան Օհանյանի մուտքը քաղաքականություն եւ ամբողջ օրակարգը համակարգվելու է Ռոբերտ Քոչարյանի կողմից: Օհանյանն, ըստ այդմ, լինելու է պրոքոչարյանական բոլոր քաղաքական ուժերի առանցքը: Նշվում էր Վարդան Օսկանյանի անունը` «Համախմբում» կուսակցությունով, Վիկտոր Դալլաքյանի, Արամ Գասպարի Սարգսյանի անունները:

Հոկտեմբերի վերջին նույն թերթը գրել էր, որ իրենց տեղեկություններով Սեյրան Օհանյանը հանդիպել է Ռոբերտ Քոչարյանի հետ եւ չի բացառվում, որ Օհանյան-Դալլաքյան-Օսկանյան ուժերով վերկուսակցական մի մարմին ստեղծվի, որի նախագահ կընտրվի Ռոբերտ Քոչարյանը: Նշվում էր նաեւ, որ դեկտեմբերի վերջին Ռոբերտ Քոչարյանը հարցազրույց է տալու, որով ազդարարելու է ակտիվ քաղաքականություն վերադառնալու մասին:

Վարդան Օսկանյանն արդեն հաստատել է, որ նման դաշինքի շուրջ աշխատանքներ են տարվում`նշելով, որ խոսքը շատ ավելի լայն ֆորմատի մասին է:

Քոչարյանի խոսքը, սակայն, հետաձգվում է:

Անցյալ շաբաթ Վիկտոր Սողոմոնյանը armtimes.com-ին ասաց՝ 2017-ի ընտրություններին Ռոբերտ Քոչարյանի մասնակցել-չմասնակցելու հարցին հնարավոր կլինի պատասխանել հունվարին:

Դրանից մեկ շաբաթ առաջ, սակայն, նա խոստացել էր հաջորդ շաբաթվա սկզբին, այսինքն մոտավորապես դեկտեմբերի վերջին, ավելի առարկայական պատասխաններ տալ: Նշել էր, որ Քոչարյանը մեկնելու է Մոսկվա՝ մասնակցելու «Սիստեմա»-ի տնօրենների խորհրդի նիստին: Ենթադրվում էր, որ վերադարձից հետո պետք է ընտրություններին Քոչարյանի հնարավոր մասնակցության մասին հարցերին համապարփակ պատասխաններ տրվեին, հավանական է` նշված հարցազրույցի միջոցով:

Հետաձգման համար կարող էր լինել երկու պատճառ. կամ ինչ-ինչ հանգամանքներից ելնելով՝ վերջնական որոշում չի կայացվել, կամ հայկական քաղտեխնոլոգիական հայտնի ոճի մեջ որոշվել է Սեյրան Օհանյանի եւ Ռոբերտ Քոչարյանի հայտարարությունների մեջ ինտերվալ թողնել, որպեսզի նախ առավելագույնս շրջանառվի Օհանյանի խոսքը, որից հետո կարվի արդեն ձիով քայլը: Թեեւ այս երկուսը միմյանց չեն բացառում, նույնիսկ լրացնում են:

Դատելով մինչ այժմ ընտրված մարտավարությունից, սույն քաղաքական միավորը փորձում է երկրաչափական պրոգրեսիայի էֆեկտ ստանալ: Հիշեցնենք, նախ եղավ Վիկտոր Դալլաքյանի հայտարարությունը, հետո՝ Սեյրան Օհանյանի: Մինչեւ Քոչարյանի հայտարարությունը, ըստ մտահղացման, տարբեր քաղաքական ուժեր, անհատներ, ազատամարտիկներ կհայտարարեն Օհանյանին սատարելու մասին: Եվ երբ պահը հասունանա եւ քաղաքական միավորը համապատասխան կշիռը ստանա, իր վերադարձի մասին կազդարարի արդեն Ռոբերտ Քոչարյանը:

Երեկ Վիկտոր Սողոմոնյանը հայտարարություն տարածեց, որտեղ բացարձակապես հիմնազուրկ անվանեց տեղեկությունը, թե Սեյրան Օհանյանը ուղղորդվում է Ռոբերտ Քոչարյանի կողմից: «Ակնհայտ է, որ նման «լուրեր» հորինողները, ովքեր, ցավոք սրտի, շարունակում են գործել հասարակական կարծիքի ձեւավորման տիրույթում, ոչ միայն անառողջ երեւակայություն ունեն, այլեւ խորապես ստրկամիտ են: Նրանք ոչ մի կերպ չեն կարողանում հավատալ, որ մեծ ճանապարհ անցած մարդիկ կարող են առաջնորդվել բացառապես սեփական որոշումներով»,-ասված է հայտարարության մեջ:

Սողոմոնյանի սույն հայտարարությունը ընկալվել է որպես հերքում: Իրականում այն ավելի շատ PR էր, հայտարարության մեխն այն էր, որ Սեյրան Օհանյանը «մեծ ճանապարհ անցած մարդ է», որն առաջնորդվում է սեփական որոշումներով: Իսկ ո՞վ է ասում, որ նա չի կարող որոշել քաղաքական ուղին շարունակել Ռոբերտ Քոչարյանի հետ:

Քոչարյանի անվան հետ կապվող լրատվական կայքերը վերջին երկու օրվա ընթացքում տասնյակ նյութեր են հրապարակել Սեյրան Օհանյանի մասին: Մեկ կայքում կարելի է 7 հրապարակում կարդալ. հարցազրույցներ, վերլուծություններ այն մասին, թե ինչ հեռանկար ունի Օհանյանի քաղաքական հայտը եւ այլն:

Հարցազրույցներում առանձնահատուկ շեշտվում է, որ Օհանյանը ազնիվ է եւ պաշտոններից հրաժարվեց`փոխարենը երկիրը քրեաօլիգարխիկ համակարգից ազատելու գործընթաց սկսելով: Արդեն գրել ենք, որ Օհանյանի հայտարարությունից հնարավոր չէ կռահել՝ ինչու է մտնում քաղաքականություն, ինչ նպատակներ ունի: Հասկանալի չէ, թե որտեղից են վերցված քրեաօլիգարխիկ համակարգը ոչնչացնելու մասին նրան վերագրվող մտքերը:

Վերլուծություններում պաշտպանության նախկին նախարարին էլ ավելի տարօրինակ մտքեր են վերագրվում: Կարելի է, օրինակ, հանդիպել հետեւյալ բովանդակությամբ վերնագրի. «Ղարաբաղյան խնդրի լուծման տարբերակն ըստ Սեյրան Օհանյանի»: Պարզվում է՝ Սեյրան Օհանյանը ղարաբաղյան խնդրի լուծման տարբերակ ունի: Նման եզրահանգման վերլուծության հեղինակը եկել է ապրիլյան պատերազմից հետո լրագրողների հետ զրույցում Օհանյանի արած հետեւյալ հայտարարությունից. «Պատերազմի ժամանակ միշտ էլ լինում են եւ՛ կորուստներ, եւ՛ ձեռքբերումներ, եւ սույն փաստով չարժե ընկճվել, այլ պետք է մտածել, թե ինչ անել, որ հետագայում ունենալ ձեռքբերումներ»:

Որոշ ժամանակ առաջ նույն մարտավարությամբ ստեղծվեց եւ նշյալ կայքերի միջոցով փորձ էր արվում մեծ քաղաքական կշիռ հաղորդել Վարդան Օսկանյանի կուսակցությանն ու նրա շուրջ հնարավոր դաշինքին: Նորից ինֆորմացիոն «բադիկներ», օրական 7-8 հոդված, հարցազրույց, վերլուծություն: Օսկանյանի եւ «Համախմբում» կուսակցության դեպքում, սակայն, լուրջ հաջողություններ չգրանցվեցին:

Ռոբերտ Քոչարյանի վերջնական որոշումը թերեւս կախված կլինի նրանցից, թե Սեյրան Օհանյանի ֆիգուրն ինչ ռեզոնանս կառաջացնի: Որպեսզի նա նորից քաղաքական գործընթացներին մասնակցի, անհրաժեշտ է քիչ թե շատ պատկառելի քաղաքական հենարան ձեւավորել, ինչը չհաջողվեց անել՝ օգտագործելով Օսկանյանի ֆիգուրը:

Տպել
7295 դիտում

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան

Իտալիայի վարչապետի հետ ունեցանք բովանդակալից և արդյունավետ բանակցություններ. վարչապետ

Ոստիկանները հայտնաբերել են նարկոլոգիական կենտրոնում հաշվառված վարորդների (տեսանյութ)

10-ից ավելի միկրոավտոբուս տեղափոխվել է ճանապարհային ոստիկանության պահպանող հատուկ տարածք. հայտնաբերվել են դանակներ

ԱԺ նախագահը մասնակցել է ԱՊՀ միջխորհրդարանական վեհաժողովի խորհրդի նիստին

ՖԱՖ եւ «Red Eagles» ֆան-ակումբները գիտեն՝ ՀՖՖ ինչպիսի նախագահ են ուզում

Ապօրինի ծառահատումներ Լոռու մարզում. ՀՀ ոստիկանություն

Եթե նախարարի հետ ուսանողների հանդիպում ծրագրվի, ուսանողները նրան կսպասեն ԵՊՀ-ում. դասախոսների ընդունելությունից դժգոհ են