Ներքաղաքական

Բնականաբար, գեներալ Մանվել Գրիգորյանը կրկին կվերընտրվի այդ պաշտոնում: Մեր տեղեկություններով, համագումարին որեւէ կուսակցություն հրավիրված չի լինելու, հրավիրվելու են մտավորականներ: Հնարավոր է ԵԿՄ-ն նաեւ անի այն հայտարարությունը, որ 2003 թվականից հետաձգվում է:

Վերջինս մեղադրվում է վրաերթ կատարելու եւ դեպքի վայրը լքելու համար. արարքներ, որոնք նախատեսում են մինչեւ երեք տարվա ազատազրկում: Հայկ Գեւորգյանը չի ընդունել մեղադրանքը, իրեն մեղավոր չի ճանաչել, հրաժարվել է ցուցմունք տալուց եւ քննիչի ու փաստաբանի ներկայությամբ բանավոր հայտարարել է, որ սույն քրեական հետապնդումը համարում է ոստիկանության պետ Վովա Գասպարյանի կողմից պատվիրված հետապնդում իր լրագրողական գործունեության համար: «ՀԺ»-ի գլխավոր խմբագիր Նիկոլ Փաշինյանը երեկ խմբագրությունում հրավիրված մամուլի ասուլիսի ժամանակ, պատասխանելով հարցին, թե ինչու պետք է Վովա Գասպարյանը հետապնդում իրականացներ Հայկ Գեւորգյանի նկատմամբ, ասել է. «Հայկ Գեւորգյանն այն մարդն է, որ Վովա Գասպարյանին պարտադրեց ԱՊՊԱ կտրոն փակցնել սեփական մեքենայի դիմապակուն: Իսկ թե սա ինչպիսի վիրավորանք է սերժանտական չինովնիկի համար, հասկանում եք ինքներդ»:

տես էջ 3

«Հայկական ժամանակ» օրաթերթի խմբագրակազմի հայտարարությունը

2012թ. փետրվարի 3-ին, ժամը 11-ի մերձակայքում, ոստիկանական «հատուկ ուժային» գործողությամբ ձերբակալվել է «Հայկական ժամանակ» օրաթերթի թողարկման պատասխանատու, հայտնի լրագրող Հայկ Գեւորգյանը եւ տեղափոխվել «Նուբարաշեն» քրեակատարողական հիմնարկ: Այս ընթացքում Հայկ Գեւորգյանին զանգ կատարելու հնարավորություն չի տրվել, որեւէ պաշտոնական մարմին հարազատներին տեղյակ չի պահել նրա գտնվելու վայրի մասին:

ՀՀ ոստիկանության Կենտրոնի բաժնի աշխատակիցները լրագրողին կալանավայր տեղափոխելու որոշումը բացատրել են նրանով, որ դեռեւս հունվարի 23-ից Հայկ Գեւորգյանը գտնվում է հետախուզման մեջ` իր կողմից վարվող մեքենայի հետ կապված ճանապարհատրանսպորտային ինչ-որ պատահարի առնչությամբ: 

Հայաստանի քրեական դատավարության օրենսգրքով` մարդու նկատմամբ կարող է հետախուզում հայտարարվել, եթե նրա գտնվելու վայրը հայտնի չէ, եւ նա թաքնվում է քննությունից:

Երեկ ԱԺ նախագահ Սամվել Նիկոյանը ԱԺ հասարակայնության հետ կապերի վարչության պետ է նշանակել «Արմենպրես» գործակալության նախկին տնօրեն Հրայր Զորյանին, որը «Արմենպրեսի» տնօրենի պաշտոնից ազատվելու դիմում էր գրել 2011-ի հոկտեմբերին, երբ մի խումբ աշխատակիցներ նամակ տարածեցին ԶԼՄ-ներում, որտեղ բողոքում էին, որ Զորյանն անմարդկային վերաբերմունք է դրսեւորում գործակալության աշխատակիցների հանդեպ, խիստ ցածր աշխատավարձ է վճարում, մշտապես լրագրողների փոխարեն ինքն է մեկնում գործուղումների եւ այլն: Նամակում, որը տպագրվեց նաեւ մի քանի թերթերում, խոսվում էր նաեւ այլ չարաշահումների մասին: Այնինչ, Սամվել Նիկոյանը ԱԺ-ում հավատարմագրված մի խումբ լրագրողների վստահեցնում էր, թե նույն վարչության այլեւս նախկին պետ Գոհար Պողոսյանի փոխարեն ավելի լավ նշանակում կանի: Ի դեպ, ըստ մեզ հետ զրուցած իրավաբանների, Նիկոյանը Զորյանին նշանակել է օրենքի կոպիտ խախտումով: Ըստ «ԱԺ աշխատակազմում պետական ծառայության մասին» ՀՀ օրենքի 15-րդ հոդվածի 1-ին մասի, տվյալ դեպքում Նիկոյանը պարտավոր էր կամ արտամրցութային նշանակում անել նույն վարչության պետական ծառայողներից, կամ` մրցույթ հայտարարեր:

ՀՀԿ նախընտրական շտաբը գրեթե ամեն օր նիստ է անում: Երեկ էլ ՀՀԿ էին հրավիրվել ՀՀ բոլոր մարզպետներն ու քաղաքապետերը: Առաջիկա ընտրություններից առաջ նրանք պարբերաբար հրահանգներ են ստանում կենտրոնական շտաբից: Թե երեկ ինչ է քննարկվել ՀՀԿ շտաբի նիստում, դեռ հայտնի չէ:

Ըստ լավատեղյակ աղբյուրների, ԱԺ ԲՀԿ-ական պատգամավոր Վարդան Բոստանջյանի վերջին հայտարարությունները նրա հարազատ կուսակցությունում կասկած է հարուցել, որ նա դա անում է ՀՀԿ-ի իր ընկերների խնդրանքով: Խոսքը, մասնավորապես, ԱԺ փոխնախագահ Էդուարդ Շարմազանովի մասին է: Նախօրեին Բոստանջյանը ասել էր, թե ԲՀԿ-ն 2013-ի նախագահական ընտրություններում սատարելու է Սերժ Սարգսյանին, ինչը Գ. Ծառուկյանի խոսնակը համարեց Բոստանջյանի անձնական կարծիք: Ավելի վաղ` Բոստանջյանը մեր թղթակցին ասել էր, թե ԱԺ ընտրություններում հաղթանակ կտանի ՀՀԿ-ն, մինչդեռ ԲՀԿ-ն պայքարում է ԱԺ-ում մեծամասնություն ստանալու համար: Ավելի ուշ` Բոստանջյանն ասել էր, որ ԱԺ ընտրություններում ԲՀԿ-ն բոլոր 41 ընտրատարածքներում մեծամասնականով թեկնածուներ չի առաջադրի, ու որ կոալիցիան համաձայնեցված ձեւով կառաջադրի մեծամասնական թեկնածուների: «Իհարկե, ես հավատացնում եմ ձեզ` հենց այդպես էլ կլինի»,- ասել էր նա: Երեկ, երբ նույն խմբակցության պատգամավոր Նաիրա Զոհրաբյանից մեկնաբանություն խնդրեցինք, նա ասաց. «Ինձ նման տեղեկատվություն հայտնի չէ, տեղյակ եմ միայն, որ կուսակցության նախագահը տարածքային կառույցների ղեկավարներին հանձնարարել է, որ նրանք բոլոր մեծամասնական ընտրատեղերի համար առաջադրեն 2-3 թեկնածուներ` նրանց թեկնածությունները քննարկելու համար»:

Երեւանի Ավան համայնքի բնակիչներից տեղեկություն ենք ստացել, որ թիվ 104 դպրոցի տնօրենը երեխաներին պարտադրում է դպրոց ներկայացնել բնակության վայրից տեղեկանք եւ ծնողների անձնագրերի պատճենները: Թե սա ինչով է պայմանավորված, նա չի բարեհաճում բացատրել, փոխարենը` ամեն օր երեխաներին հիշեցնում է այդ մասին: Ծնողները մտահոգված են, որ իրենց տվյալները ցանկանում են օգտագործել ԱԺ ընտրությունների հետ կապված: Երեկ զանգահարեցինք թիվ 104 դպրոց: Դպրոցի նորընտիր տնօրեն Հայկանուշ Նիկոյանն ասաց, որ անձնագրերի պատճենը եւ բնակության վայրից տեղեկանքը անհրաժեշտ են` աշակերտների անձնական գործերում տեղադրելու համար. «Գիտե՞ք, ես նոր եմ եկել այս դպրոց, դեկտեմբերի 22-ի ընտրությունից հետո: Երեխաների փաստաթղթերը ուսումնասիրել եմ եւ տեսել եմ, որ ոչ մի աշակերտի գործում այդ փաստաթղթերը չկան: Միգուցե այս դպրոցն այդպես է աշխատել: Բայց երբ որ աշակերտը դպրոց է ընդունվում, ըստ կարգի` այդ փաստաթղթերը պետք է լինեն»: Այդ ո՞ր կարգի` հարցրինք: «Ընդունելության կարգով»,- պատասխանեց, ապա հավելեց, որ եթե չեն ուզում, կարող են չբերել: ՀՀ ԿԳ նախարարության հանրակրթության վարչության պետ Նարինե Հովհաննիսյանից հետաքրքրվեցինք` դպրոց ընդունվելու համար ծնողի անձնագրի պատճենը եւ տեղեկանք անհրաժե՞շտ են. «Ոչ: Չկա նման կարգ, որ ծնողի անձնագիրը լինի գործի մեջ»,- ասաց նա: Դե, հիմա կռահեք, թե տնօրենի ինչին է պետք ծնողների անձնագրերի պատճենները:

Հանրապետական կուսակցությունը վերջնական որոշում է կայացրել, որ թիվ 1 ընտրատարածքում, որն ընդգրկում է Ավան համայնքը, կրկին առաջադրելու է ՀՖՖ նախագահ Ռուբեն Հայրապետյանի թեկնածությունը: Թիվ 2 ընտրատարածքում (Նոր Նորք) ՀՀԿ թեկնածուն լինելու է Սերժ Սարգսյանի նախկին խոսնակ Սամվել Ֆարմանյանը, որն այժմ զբաղեցնում է Հանրային հեռուստառադիոընկերության լրատվավերլուծական ծրագրերի ղեկավարի պաշտոնը: Թիվ 3 ընտրատարածքում (Քանաքեռ-Զեյթուն) ՀՀԿ թեկնածուն կլինի «Քեթրին գրուպ» ընկերության տնօրենը: Հիշեցնենք, սույն ընկերությունը պատկանում է ԴԱՀԿ ղեկավար Միհրան Պողոսյանին: Այստեղից գործող պատգամավորը ԲՀԿ-ական Աշոտ Տոնոյանն է, որ այս անգամ չի առաջադրվելու մեծամասնականով: Թիվ 4 ընտրատարածքում (Արաբկիր) ՀՀԿ թեկնածուն Արտակ Սարգսյանն է` ՍԱՍ-ի Արտակը: Թիվ 5-ում (Դավիթաշեն) որոշումը դեռ վերջնական չէ. քննարկվում է Ազատամարտի վետերանների միության նախագահ Համլետ Հովսեփյանի եւ Դավիթաշենի գործող թաղապետ Արթուր Գեւորգյանի թեկնածությունները: Վերջինս ԱԺ ԲՀԿ-ական պատգամավոր Ռուբեն Գեւորգյանի եղբորորդին է: Ռուբեն Գեւորգյանը պատրաստվում է նույն ընտրատարածքում մեծամասնականով առաջադրվել: Թիվ 6 ընտրատարածքում (Աջափնյակ) ՀՀԿ-ի թեկնածուն այս անգամ նույն համայնքի ղեկավար Ռուբեն Հովսեփյանն է` ՀՀ գլխավոր դատախազ Աղվան Հովսեփյանի եղբայրը: Թիվ 7 ընտրատարածքում (Մալաթիա-Սեբաստիա) կրկին առաջադրվելու է Սամվել Ալեքսանյանը, թիվ 8-ում էլ (Մալաթիա-Սեբաստիա) ՀՀԿ-ն կրկին սատարելու է Կորյուն Նահապետյանին, որը Սամվել Ալեքսանյանի բարեկամն է: Թիվ 9-ում ՀՀԿ թեկնածուն կրկին Ռուբեն Սադոյանն է:

Հայկ Գեւորգյան

- Պարոն Փաշինյան, ասացիք, որ հունվարի 13-ի հրապարակման օրը փորձ է արվել միջադեպ սադրել: Հայկը պատմե՞լ է այդ մասին, թե՞ դուք ենթադրում եք:
- Հայկն է պատմել. 2012 թվականի հունվարի 13-ի  «Հայկական ժամանակ» օրաթերթում լույս է տեսնում հրապարակում՝ «Յաշիկս վկա» վերնագրով: Երկրորդ էջում լույս է տեսնում Հայկ Գեւորգյանի ստորագրած՝ «Եւ Աստված ասաց՝ Վովա» վերնագրով հրապարակումը: Նյութի հրապարակման օրը, հունվարի 13-ին, հենց առավոտյան,  պետավտոտեսուչները կանգնեցնում են Հայկ Գեւորգյանի ավտոմեքենան: Հայկը հարցնում է՝ խախտում արե՞լ եմ: Պատասխանում են` ոչ, խախտում չեք արել, ուղղակի ԱՊՊԱ կտրոն չկա ձեր մեքենայի դիմապակու վրա: Հայկ Գեւորգյանը ավտոտեսուչին պատասխանում է, որ ԱՊՊԱ կլինի այն ժամանակ, երբ նման կտրոն կլինի ոստիկանության պետ Վովա Գասպարյանի ավտոմեքենայի դիմապակուն: Պետավտոտեսուչը փորձում է տուգանել Հայկին, բայց վերջինս բացատրում է, որ ինքը ԱՊՊԱ կտրոն փակցնելու հետ խնդիր չունի, տուգանվելու հետ էլ խնդիր չունի, բայց ոստիկանը իրեն կարող է տուգանել միայն այն բանից հետո, երբ նախ կտուգանվի Վովա Գասպարյանը` իր ավտոմեքենային ԱՊՊԱ կտրոն չունենալու համար: Այդ մասին, ի դեպ, հրապարակում կա արդեն մեր թերթի հունվարի 14-ի համարում: Հունվարի 13-ի երեկոյան Հայկ Գեւորգյանը գնում է էկոնոմիկայի նախարարություն: Երբ նախարարությունից դուրս է գալիս, մեքենան կայանված է լինում, ու երբ պատրաստվում է հետընթացով դուրս գալ կայանատեղիից, տեսնում է հետեւը մի մարդ է կանգնած: Ազդանշան է տալիս, բայց մարդը չի հեռանում:  Հայկը հետո պատմել է ինձ, ասում էր` տեսա` չի հեռանում, ապակին իջեցրի` ասացի՝ դուրս եմ գալիս, ճանապարհ տուր, որ դուրս գամ: Երբ  այսպես բանավոր խնդրում է, հորդորում է ճանապարհ տալ, որ դուրս գա, էդ մարդը մի փոքր էն կողմ է անցնում: Հայկը հետընթացով դուրս է գալիս: Պատկերացրեք` ինչ արագություն կարող է լինել կայանատեղիից հետընթացով դուրս գալու ժամանակ: Գրեթե զրո: Ինքը ասում է, որ իր տեսադաշտում էր էդ մարդը, եւ երբ մի փոքր հետ է գնում, մարդը, որը գտնվել է մեքենայի մերձակայքում, ոտքը բռնում է, ասում՝ վախ, վախ, վախ, վախ: Հայկը, հասկանալով՝ ինչ է կատարվում, դուրս է գալիս, ասում է՝ հիմա ոստիկանություն կկանչեմ, էս ինչ ես անում, ուզում էիր բա՞ն սարքել:

ԱԺ նախկին պատգամավոր Հակոբ Հակոբյանը` Ճոյտը, երեկ զանգահարել էր «ՀԺ» խմբագրություն. նա սրտնեղել էր մեր թերթի երեկվա համարում տպագրված այն լուրի առիթով, որտեղ նշել էինք, որ Մարգար Օհանյանի դատավարությանը մասնակցող ոչ մի հայտնի մարդ չի ընդունում, որ դատավարությանը մասնակցում է Օհանյանին աջակցելու համար: Ստորեւ ներկայացնում ենք Հակոբ Հակոբյանի հետ մեր հարցուպատասխանը.

- Նախօրեին դուք Օհանյանին աջակցելու համա՞ր էիք գնացել դատի:
- Այո: Սովի տարիներին ինքը Վրաստանի սահմանից ապրանքը բերում հասցնում էր Հայաստան: Ես այդ ժամանակ աշխատում էի պետական համակարգում, եւ բոլոր բեռները, որոնք մենք բերում էինք, Մարգար Օհանյանն էր, որը պետության կողմից նշանակված էր որպես ոստիկան, որը այդ ամենը ուղեկցում էր Վրաստանի սահմանից դեպի Հայաստան: Այդ ամեն ինչը ես տեսել եմ: Ու հիշում ենք իրա արածները: Այն ժամանակ Օհանյանը շարքային էր: Թող ժողովուրդը չմոռանա, որ էդ սովի տարիներին էդքան բան է արել: Հիմա թող դատարանը որոշի նրա մեղքի բաժինը: Ես կարծում եմ, որ գումարները վերականգնելուց հետո էս շոուն պետք է վերջացնել, հերիք է այդ շոուն անեն:

Նաեւ հայտնեց, որ Գեւորգյանի հետագա խափանման միջոցը կորոշվի եռօրյա ժամկետում` դատարանի որոշմամբ: Ստորեւ ներկայացնում ենք Այվազյանի հայտարարությունն ամբողջությամբ:

«Հունվարի 13-ին, ժամը 17.30-ի սահմաններում, Երեւանի Մհեր Մկրտչյան փողոցի թիվ 8 շենքի դիմաց ՎԱԶ-21214 մակնիշի ավտոմեքենան վրաերթի է ենթարկել Աշոտ Ֆրանգուլյանին, որը մարմնական վնասվածքներ է ստացել, իսկ վարորդը դեպքի վայրից դիմել է փախուստի: Փաստի առթիվ ՀՀ ոստիկանության ՔԳՎ Երեւան քաղաքի քննչական վարչության ՃՏՀ քննության բաժնում նախապատրաստվել են նյութեր: Ֆրանգուլյանը բացատրություն է տվել, որ հիշյալ ավտոմեքենան հիշյալ վայրում հետընթաց ընթանալով` վրաերթի է ենթարկել իրեն, վարորդը կանգնեցրել է մեքենան, իջել, սպառնացել է ոստիկանություն կանչել, հետո անպատվել է իրեն, ապա նստել մեքենան եւ իրեն անօգնական վիճակում թողնելով` դիմել է փախուստի:

Էջի ձեւավորումը չխախտելու համար այն դրվում է pdf տարբերակով: 5 էջ

Փետրվարի 12-ին համայնքի ղեկավարի ընտրություններ են նախատեսված 37 գյուղերում ու քաղաքներում: Այդ համայնքների թվում չկա որեւէ մեկը, որի նախկին ղեկավարը առաջիկա ընտրություններում առաջադրված չլինի: Ամենահետաքրքիրն այն է, որ 37 համայնքներից 16-ում մեկ թեկնածու կա, եւ դրանք համայնքների գործող ղեկավարներն են: Նրանց դեմ առաջադրված են եղել այլ թեկնածուներ, սակայն ընթացքում իրենց թեկնածությունները հանել են: Արագածոտնի մարզի Զարինջա գյուղում, օրինակ, ՀՀԿ գործող գյուղապետի դեմ առաջադրված անկուսակցական թեկնածուն է հանել իր թեկնածությունը: Սարալանջում ինքնաբացարկ են ներկայացրել ՀՀԿ-ական գյուղապետի դեմ առաջադրված երկու անկուսակցականներ:

- Պարոն Հովհաննիսյան, ովքե՞ր էին մասնակցում խորհրդակցությանը, ի՞նչ էր քննարկվում:
- Խորհրդակցությանը մասնակցում էին Կոնգրեսի տարածքային կառույցների ղեկավարները` մոտ 35 հոգի: Մի մասը ճանապարհները փակ լինելու պատճառով չէին կարողացել գալ: Կոնգրեսի ղեկավարությունից տեղեկություններ ստացանք Հրազդանում ընտրություններից առաջ ստեղծված իրավիճակի մասին, խոսեցինք փետրվարի 17-ի հանրահավաքի մասին, ինչպես նաեւ քննարկեցինք մեծամասնական ընտրակարգով թեկնածուների ցուցակը:  

- Սասուն Միքայելյանի ընտրության մասով տարածքային կառույցների ղեկավարները ի՞նչ աշխատանք են իրականացնելու, որեւէ պարտականություն կա՞:
- Սասուն Միքայելյանի շտաբը ոնց որ բավականին հաջող աշխատում է, շրջանների կազմակերպությունները հատուկ հանձնարարություն չունեն, տեղի ուժերը բավարար են: Փետրվարի 10-ին Հրազդանում մեծ հանրահավաք է տեղի ունենալու, ցանկացողները կարող են դրան մասնակցել, ուրիշ բան չկա: