Հայերով` «զա Պուտինա»
Հավաստի աղբյուրները տեղեկացնում են, որ օրեր առաջ ռուսահայոց համայնքների ղեկավարները հրավիրվել են Մոսկվա` նախագահական ընտրություններում Վլադիմիր Պուտինին աջակցելու հրահանգ ստանալու համար: Հանդիպումը կազմակերպել են Ռուսաստանի հայերի միության նախագահ Արա Աբրահամյանը եւ Հայ Առաքելական եկեղեցու ռուսահայոց թեմի առաջնորդ Եզրաս սրբազանը: Նրանք Պուտինի մասին խոսել են որպես ընկերոջ եւ հայերի բարեկամի: Եվ ահա անցած շաբաթ օրը Սանկտ Պետերբուրգի Ապստամբության հրապարակում տեղի ունեցած մեծ հանրահավաքին` ի պաշտպանություն վարչապետ Պուտինի, տասը հազարից ավելի մասնակից ունեցող ակցիային կազմակերպված ձեւով ներգրավված են եղել նաեւ քաղաքի հայ համայնքի մտավորականության եւ վետերանների ներկայացուցիչները, Առաքելական եկեղեցուն կից կազմակերպություններ: Հայ համայնքի մեծամասնությունը կարծում է, որ չնայած Պուտինն առանձնապես մեծ գործեր չի արել հայության համար, այնուամենայնիվ, նրա ընտրվելու պարագայում Ռուսաստանի ազգային փոքրամասնությունների կյանքը կայուն ձեւով` առանց ցնցումների, ապահովված կլինի: Այսպես, մարտի չորսին ՌԴ փաստացի ղեկավարը բազմաթիվ քվեներ կստանա նաեւ Ռուսաստանի հայ համայնքներից: Այս մասին Սանկտ Պետերբուրգից հայտնում է մեր թղթակից Գագիկ Աղբալյանը:
Կարծիքներ
- Հարություն, 12 շաբաթ 1 օր առաջ
Իսկ ինչ է լինելու հետո, եթե պՈՒՏԻՆը չանցնի: Ինչու է եկեղեցին զբաղվում քաղաքականությամբ: Չմոռանանք. վերջին տարիներս հաճախակի են տեղի ունենում հայերի սպանությունները` հենց ազգային հողի վրա
Հայտնեք ձեր կարծիքը