«Բզում եք, մի բան է դուրս գալու»
«ՀԺ»-ին տված հարցազրույցում «Հայռուսգազարդ» ընկերության գլխավոր տնօրենի տեղակալ, գլխավոր ինժեներ Հրանտ Թադեւոսյանը նկատեց, որ բացի իրենց լաբորատորիաներում ստուգվելուց, «Հայռուսգազարդի» խոշոր սպառողները` ՋԷԿ-երը, «Արարատցեմենտ» ընկերությունը, ունեն սեփական լաբորատորիաներ եւ այնտեղ ստուգում են մատակարարվող գազի որակն ու չեն բողոքում: Ուրեմն, նաեւ բնակիչները պետք է համոզված լինեն, որ գազի որակը բարձր է:
- Պարոն Թադեւոսյան,
հայաստանյան սպառողները
դժգոհում են,
որ վերջին
տարիներին սկսել
են ավելի
շատ գազ
ծախսել, հետեւաբար`
ավելի շատ
գումար վճարել,
ասենք, սենյակում
միեւնույն ջերմաստիճանը
ստանալու համար:
Բողոքում են
գազի կալորիականությունից, ճնշումից,
գույնից, եւ
որ կրակը
ոչ թե
կապույտ է
լինում, այլ
շատ հաճախ`
կարմիր, որ
միանգամից գազը
չի վառվում:
Ինչպե՞ս կմեկնաբանեք
սա:
- Մենք կարո՞ղ
ենք ձեզ
հետ միասին
գնալ ինչ-որ մի
բնակարան, որտեղից
դժգոհություն կա
ու փորձարկում
իրականացնել: Ես
խնդրում եմ
կազմակերպել դա:
Մենք ունենք
նաեւ շարժական
լաբորատորիա, որը
վկայագրված է
համապատասխան` էկոնոմիկայի
նախարարի կողմից:
Ցանկացած ժամանակ` գիշեր կլինի, ցերեկ կլինի, գնանք Հայաստանի գազատրանսպորտային համակարգի ցանկացած կետից միասին չափումներ անելու: Նախապես ինձ տեղյակ մի պահեք, որպեսզի հատուկ այդտեղ ուրիշ գազ չուղարկեմ, չնայած` չեմ էլ կարող:
- Այսօր, առանց
գնալու եւ
փորձարկելու, կարո՞ղ
եք վստահեցնել,
որ սպառողներին
մատակարարվող գազը
համապատասխանում է
պետական ստանդարտներին:
- Ես, ուրեմն,
վստահեցնում եմ
մի քանի
անգամ եւ
ֆիքսում եմ,
որ գազի
կալորիականությունը, ըստ
ԳՕՍՏ-ի,
պետք է
լինի ոչ
պակաս, քան
7 հազար 600 կիլոկալորիա` 1 խմ-ից: Այսօրվա
պայմաններում ՀՀ-ում վաճառվող
գազի համար
բազային արժեք
է որոշվել
7 հազար 900 կիլոկալորիայի համար:
Ես պաշտոնապես
հայտարարում եմ,
որ իմ
25 տարվա աշխատանքային
փորձի ընթացքում
(զբաղեցրել եմ
տարբեր պաշտոններ),
Ռուսաստանից Հայաստան
ներկրվող գազը
երբեւիցե չի
եղել 8 հազար
կիլոկալորիայից պակաս:
Եւ այս
պարագայում մենք
«Երեւան» ՋԷԿ-ի, «Հրազդան»
ՋԷԿ-ի
եւ մյուս
խոշոր սպառողների
համար գազը
թանկացնում ենք,
որովհետեւ կալորիականությունը ավելի
բարձր է
(ՋԷԿ-երը
վճարում են
ըստ կալորիականության): Իրենք
ամեն օր
ստուգում են
ստացված գազի
որակը, մեզ
հետ ունեն
աշխատանքային կարգ:
Եւ երբեք,
բացառությամբ եզակի
դեպքերի, խնդիրներ
չեն առաջանում:
Այսօրվա դրությամբ,
մեզ մոտ
գազի կալորիականությունը նվազագույնը
8 հազար է,
առավելագույնը` 8 հազար
600: Ես կարող եմ
որպես մասնագետ
ենթադրել, թե
ինչով է
պայմանավորված բնակիչների
դժգոհությունը: Դա
երեւի թե
անշնորհակալ գործ
է, բայց
փորձեմ մեկնաբանել:
Օրինակ, մի
բնակչի մոտ
գազը կարմիր է
վառվում: Թող
բարի լինի
իր գազասարքը
ստուգել: Իսկ
հարցնենք այդ
բնակչին` քանի՞
տարի առաջ
է ինքը
կարգաբերել այդ
սարքը կամ
քանի՞ տարեկան
սարք է:
Ընդ որում,
ՕԳԳ-ի
խնդիր գոյություն
ունի, այսինքն`
մի գազը
կարող ենք
այրել մի
տեղ, ստանալ
ավելի շատ
ջերմություն, մեկ
այլ տեղ`
ավելի քիչ:
Բայց այդ
գազի կալորիականությունը նույնն
է, գազը
չփոխվեց: Կամ
բնակիչը վրդովվում
է շատ
վճարելու համար:
Գազի թանկացում
է եղել,
եկեք խոստովանենք:
Այդ մարդիկ
կարող է չեն
սովորել ավելի
թանկ վճարելուն:
Երկրորդ` ես
նոր նայում
եմ ամեն
օրվա մեր
օդերեւութաբանական տվյալները,
որովհետեւ մենք
պլանավորում ենք
ներկրվող գազի
քանակը, եւ
տեսնում եմ`
10 աստիճանի տարբերություն կա
անցած տարվա
նույն օրվա
համեմատությամբ: 10 աստիճան ցուրտ
է: Դուք
պատկերացրեք, եթե
դրսում 10 աստիճանով
ցուրտ է,
իսկ ներսում
ես նորից
պետք է
պահեմ 18-20 աստիճան, ինչքա՞ն
ավելի շատ
գազ կծախսեմ:
- Բայց մարդիկ
նկատում են,
որ նաեւ
ամռանն են
ավելի շատ
ծախսում, երբ
բնակարանը չեն
ջեռուցում:
- Կարող է
մարդ միշտ
կասկածել: Դա
չի նշանակում,
որ նա
իրավացի է
այս պարագայում:
Դրա համար
ես խոսում
եմ ձեզ
հետ փաստաթղթերով:
Կա այս
նորման, իմ
գազը այսպիսին
է, չգիտեմ`
ով որտեղ
է տաքացնում,
ինչ է
անում, ոնց
է անում:
Բայց եթե
խնդիր լինի,
կարող եմ
ցանկացած բնակարանում
վերցնել փորձանմուշը:
Կրկնում եմ,
դժվար չէ
Հայաստանում գտնել
քիմիկոսներ, գտնել
համապատասխան սարքեր
աշխատացնողներ` որպես
անկախ փորձագետ:
Թող գան,
մենք փորձարկում
անենք կամ
իրենք անեն,
դուք համոզվեք:
Եթե բնակիչը
ծախսում է
օրական 5-10 խմ գազ,
խոշոր սպառողները
1 մլն 200-300 հազար խմ
գազ են
վառում եւ
չեն դժգոհում:
Իրենք ի
վնաս իրե՞նց
են աշխատում:
Բոլորը սեփականաշնորհված, բոլորը
շահույթ հետապնդող
հիմնարկներ են:
- Իսկ հնարավո՞ր
չէ ՋԷԿ-երին մի
գազ մատակարարել,
բնակիչներին` մեկ
այլ:
- Հնարավոր է:
Օրինակ, «Երեւան»
ՋԷԿ-ին
մի գազ
ենք տալիս,
«Հրազդան» ՋԷԿ-ին` մեկ
այլ գազ:
Երրորդը չկա:
Հայաստան գազը
մտնում է
երկու կետից`
Պարսկաստանից ու
Ռուսաստանից: «Երեւան»
ՋԷԿ-ին
գալիս է
պարսկական եւ
ռուսական գազի
խառնուրդ (նաեւ
ինքը ամեն
օր չափումներ
է կատարում
եւ ստանում),
«Հրազդան» ՋԷԿ-ը ստանում
է միայն
ռուսական գազ:
Երբ որ
կա խոշոր
սպառող, որն
էլ ունի
իր համապատասխան
լաբորատորիաները եւ
հսկում է,
դրանից այն
կողմ վերահսկողություն գոյություն
չունի ուղղակի:
Այլ հարց
է` 630 հազար բաժանորդները
ոնց հսկեն
ինձ: Թող
գնան «Հրազդան»
ՋԷԿ` ստուգեն:
Խնդրում եմ,
գնացեք «Հրազդան»
ՋԷԿ, «Երեւանի»
ՋԷԿ, «Արարատցեմենտի» լաբորատորիա,
համատեղ փորձեր
արեք, ստացեք
թվերը: Կարող
եք մասնագետների
խումբ ստեղծել:
Բայց ուղղակի
այդ լաբորատորիաներում գումար
կպահանջեն, որովհետեւ
փորձարկումն իրականացվելու համար
ծախս են
անելու: Հիմա
հարց. ուզո՞ւմ
եք «Հայռուսգազարդը» վճարի:
Ամեն թաղամաս
թող մի
մասնագետի լիազորի,
գան մի
քանի անգամ
մասնակցեն փորձերին:
Ում որ
վստահում եք,
ով որ
հասկանում է
գործից:
Հ.Գ. Հետաքրքիր է, որ երբ ոլորտի պատասխանատու պետական մարմիններից փորձում ես պարզել` վերահսկողություն իրականացվո՞ւմ է Հայաստան ներմուծվող եւ բնակիչներին մատակարարվող գազի որակի նկատմամբ, նրանք չեն ասում` եթե, ասենք, խոշոր սպառողներ հանդիսացող ՋԷԿ-երն այդ առումով դժգոհություններ չունեն, իրենց միջամտությունը գործին անիմաստ է: Նրանք միայն հայտարարում են, որ բնակիչներից բողոքներ ստանալու դեպքում կուսումնասիրեն գազի որակը: Ի դեպ, «Հայռուսգազարդի» փոխտնօրենը երեկ ընդգծեց, որ մտադիր է հասնել այն բանին, որպեսզի բնակիչներն էլ գազի դիմաց վճարեն ըստ կալորիականության: Քանի որ, նրա պնդմամբ, գազի կալորիականությունն ավելի բարձր է, քան նախատեսված է, ուստի սակագինն էլ ավելի բարձր կլինի: «Բզում եք, մի բան է դուրս գալու վերջը` ես լավ գիտեմ, բայց դրանից, հաստատ իմացեք, բնակիչը չի շահելու»,- ասաց նա:
Կարծիքներ
Հայտնեք ձեր կարծիքը