Թանկացրել են
Շուրջ երկու ամիս է` ՀՀ պետական եկամուտների տարածքային հարկային տեսչություններում շահող կտրոնների գինը 70 դրամով թանկացել է. տնտեսավարողները մեկ կապոցի համար վճարում են 420 դրամ: ՀՀ ՊԵԿ հարկային տեսչությունից չկարողացան պարզաբանել, թե ինչով է պայմանավորված կտրոնների թանկացումը եւ առաջարկեցին դիմել կտրոնները ներկրող «Ալեքս սերվ» ընկերությանը: Այստեղից պարզաբանում ստանալու մեր փորձը եւս ապարդյուն էր. մեզ հետ զրուցող գործավարուհու խոսքով, ինքն իրավասու չէր մեր հարցերին պատասխանել, իսկ մեկնաբանություն տալու իրավունք ունեցողների հետ էլ հնարավոր չէր կապվել: Հիշեցնենք, որ մինչեւ շահող կտրոնների ներդրումը ՀԴՄ-ի թուղթը տնտեսավարողները գնում էին մեկ կապոցը 70-80 դրամով, իսկ այժմ ստիպված են ավելի քան 5 անգամ թանկ վճարել:
Կարծիքներ
Հայտնեք ձեր կարծիքը