Դաժան ծեծ ոստիկանությունում

30/11/2012 schedule12:02

Անդրեասյանը չի կարողանում նորմալ սնվել ու քնել, քանի որ երիկամների շրջանում սուր ցավեր ունի: Դրանք ոստիկանության Նոր Նորքի բաժնում դաժան ծեծի հետեւանք են:

Պաշտպան Անի Թորոսյանի փոխանցմամբ, նոյեմբերի 15-ին Մհեր Անդրեասյանը բերման է ենթարկվել ոստիկանության Նոր Նորքի բաժին` 308 հազար դրամ արժողությամբ ոսկե շղթա գողանալու կասկածանքով: Նախօրեին իր պաշտպանի` Թորոսյանի հետ հանդիպելով, Անդրեասյանը պատմել է, որ բաժնում ոստիկաններն իրեն ստիպել են ծնկի իջնել, գլուխը կախ պահել եւ ծեծել են քացիներով ու բռունցքներով: Անդրեասյանի հետ տեղի ունեցածի վերաբերյալ երեկ Հելսինկյան ասոցիացիան տեսագրություն տարածեց, որում պաշտպանը ներկայացնում է իր պաշտպանյալի պատմածն այն մասին, որ Անդրեասյանին տեղափոխելով քննիչ Ավագյանի սենյակ, ոստիկաններն այնտեղ շարունակել են ծեծը: Այլեւս չկարողանալով կանգնած մնալ` Մհերն ընկել է պատուհանի վրա, որը ջարդվել է եւ վնասվածքներ պատճառել երիտասարդին: Ծեծը դադարել է ոչ թե ոստիկանների «գթասրտության», այլ նրանց վախի հետեւանքով: Նրանք տեսել են, որ Անդրեասյանն ուշագնաց է եղել, ինչից հետո Շտապ օգնություն են կանչել: Դեպքի վայր հասած բժիշկները տեղում բուժօգնություն են ցուցաբերել ծեծի ենթարկվածին ու հեռացել:

Մհեր Անդրեասյանի հորաքույրը` Ռիտա Անդրեասյանը, երեկ պատմել է, որ երիտասարդը տնից դուրս էր եկել նոյեմբերի 15-ի առավոտյան` երեխային դպրոց տանելու համար եւ չէր վերադարձել: Ամբողջ գիշեր ընտանիքի անդամները զանգահարել են Մհերին, հեռախոսազանգին ոչ ոք չի պատասխանել, իսկ հետո դարձել է անհասանելի: Հաջորդ օրը տարբեր մարդկանց հարցուփորձ անելով պարզել են, որ նա Նոր Նորքի ոստիկանությունում է: Հարազատներն անմիջապես գնացել են ոստիկանություն: «Ես խնդրում էի` թույլ տային հանդիպել որդուս, երբ տեսա, որ շորերը քաշքշելով, ձեռքերից ու ոտքերից բռնած` վերեւից մի ութ հոգի մեկին բռնած իջեցնում են: Ես էդ պահին նայեցի իրա դեմքին, ասեց. «Մամ, չես ճանաչո՞ւմ»... Ասելուց հետո հասկացա, որ ծեծվածը Մհերն է: Ասեցի` տղա ջան, ի՞նչ ես արել, ի՞նչ է քեզ հետ կատարվել: Ասեց. «Մամ, ոչ մի բան: Ճանապարհից բռնել` բերել են», - պատմել է Անդրեասյանի մայրը` Ոսկի Գեւորգյանը: Կինը որդուն տեսնելուց հետո վատ է զգացել, գիտակցությունը կորցրել է: «Երեխու դեմքը մի հատ չէ, երկու հատ երեւաց իմ աչքին ու ամբողջությամբ ուռած»,- պատմում է մայրը: Մոր վիճակը տեսնելով` որդին բղավել է ոստիկանների վրա, որ նրանք շտապ օգնություն կանչեն: Ի վերջո, բժիշկ են կանչել: Դրանից միայն երկու ժամ հետո է կինը ուշքի եկել եւ հասկացել, թե ինչ է տեղի ունեցել իր հետ:

Անի Թորոսյանի խոսքով` Մհեր Անդրեասյանի հետ կատարվածի առնչությամբ նշանակված դատաբժշկական փորձաքննությունը իրականացվել է խախտումներով` չեն արձանագրվել Անդրեասյանի մարմնի վրա առկա բազմաթիվ վնասվածքներն ու վերքերը: «Մի քանի` ամենաշատը մեկ սանտիմետրանոց վերքեր են նշված այդ եզրակացության մեջ, իսկ Մհերի վնասվածքները շատ են: Կան մինչ օրս ցավացնող վերքեր, երիկամների ցավից չի կարողանում միզել: Մենք պահանջում ենք նոր փորձաքննություն»,- երեկ ասել է Թորոսյանը: Նրա փոխանցմամբ` քննիչը հերքում է, որ Մհերին խոշտանգել են. նա ասում է` իբր, Մհերը փորձել է փախչել եւ ընկել է ապակու վրա:  

Նշենք, որ պաշտպան Անի Թորոսյանը երեկ դիմել է ոստիկանություն` կրկնակի դատաբժշկական փորձաքննություն նշանակելու պահանջով: Մեր ունեցած տեղեկություններով, երբ պաշտպանը քննիչներին հարցրել է, թե ինչու չեն արձանագրել Անդրեասյանի մարմնի վրա պարզ երեւացող վնասվածքները, քննիչն ասել է. «Ախր ման էինք գալիս` վերքերը չէինք գտնում»: Իսկ ոստիկանությունը, կարծես, ծառայողական քննություն է սկսել տեղի ունեցածի հետ կապված: Այս տեղեկության վերաբերյալ երեկ պաշտոնական հաստատում ստանալ չհաջողվեց:

Արդեն հայտնել ենք, որ ոստիկանության Նոր Նորքի բաժինն այժմ ղեկավարում է տխրահռչակ Արթուր Մեհրաբյանը, որին բազմիցս առիթ ենք ունեցել անդրադառնալու: Վերջերս նաեւ հայտնել էինք, որ նախկինում նրա ղեկավարած ոստիկանության Արաբկիրի բաժնում տեղի ունեցած խախտումների հետ կապված` ՀՔԾ-ում քրեական գործ էր հարուցվել, եւ նախաքննությունն այժմ էլ ընթացքի մեջ է: Ու դա Մեհրաբյանի «գործերի» միայն հայտնի հատվածն է: Վերջերս զանգահարել էինք Մեհրաբյանին եւ հետաքրքրվել, թե հիմա է՞լ իր կողմից ղեկավարվող բաժնից աղմկոտ միջադեպերի սպասենք: Նա այս հարցին չէր պատասխանել: Ստացվում է, որ այս անգամ էլ իրականացան վատագույն կանխատեսումները:

Մհեր Անդրեասյանի ծեծի եւ խոշտանգման առնչությամբ մեկնաբանություն ստանալու համար երեկ զանգահարեցինք Մեհրաբյանին: Նա երկար ժամանակ հեռախոսազանգերին չպատասխանեց, ի վերջո` պատասխանեց եւ ասաց, որ խորհրդակցության է: Եւ` նրա հեռախոսն անջատվեց:

Տպել
796 դիտում

Չինարին այլևս չի կարող գնդակոծվել. Հայաստան մտնող գազամուղի անվտանգությունը ևս ապահովված է. Միրզոյան

Դանակով բազմաթիվ հարվածներ է հասցրել 46-ամյա տղամարդուն. բացահայտվել է Լոռիում տեղի ունեցած սպանությունը

Էջմիածնում մոտ 32 հեկտար ցորենի հնձած արտ է այրվել

ՊՆ-ը չի ուզում շատ բարձրաձայնել. դիրքերի բարելավումը մշտական գործընթաց է. Արծրուն Հովհաննիսյան

Միջադեպ Հյուսիսային պողոտայում` Վահագն Չախալյանի մասնակցությամբ. նրան եւ մի քանի հոգու բերման են ենթարկել

Ջերմուկցիները գալիս են Երեւան. սպասվում է թեժ քննարկում

Հատվել է 1462 հատ տարբեր տեսակի և տրամագծերի ծառ. մեղադրանք է առաջադրվել 16 անձի, մեկ անձ հետախուզվում է

Մեկնարկել է Ամուլսարի շահագործման դեմ ջերմուկցիների ավտոերթը դեպի Երեւան

Lոռու մարզպետարանի պաշտոնյան սպանվել է դանակի 17 հարվածով. նոր մանրամասներ (լուսանկարներ)

Հրդեհ՝ Շիրակի մարզում. այրվել է անասնագոմ եւ պահեստավորած անասնակեր

Նռնակ՝ իր պայթուցիչով, 37 հատ տարբեր տրամաչափի փամփուշտներ. կինը զինամթերք է հանձնել

«Թումանյան» կայարանից Օձունի խաչմերուկ ճանապարհը ժամանակավոր փակ է լինելու. ժայռը կպայթեցնեն

«Լիդիան Արմենիա»-ն ներկայացրել է բնապահպանական փորձաքննության եզրակացության առաջարկների մասին պատասխաններ

Շոգը չի նահանջելու նաև այս շաբաթ. ջերմաստիճանը կտատանվի +40-ի սահմաններում. Սուրենյան

Արեգնադեմ գյուղում տնակ է հրդեհվել, ապա պայթել գազի բալոն․ 1 հոգի այրվածքներով հոսպիտալացվել է

Գրանցվել է խոտածածկ տարածքներում բռնկված 48 հրդեհ` ներգրավելով 58 մարտական հաշվարկ, 3 օպերատիվ խումբ

Սերժ Թանկյանը միացել է SaveAmulsar արշավին

Ըմբշամարտի երիտասարդական ԱԱ․ Շանթ Խաչատրյանը դարձավ արծաթե մեդալակիր՝ հաղթելով թուրք ըմբիշին

Կառավարությունը 2.1 մլրդ դրամ կտրամադրի մարտական դիրքերը խմելու հոսող ջրով ապահովելու համար. վարչապետ

Էլիտար քեֆի էլիտար ներկայացուցիչների՝ մորաքույրի եւ հորաքույրի հետ. Նիկոլ Փաշինյան