«Էլեկտրիկ Երեւան»-ի գործով մեղադրանք է առաջադրվել Ոստիկանության 7-րդ վարչության բաժնի պետի նախկին տեղակալին

«Էլեկտրիկ Երեւանի» գործը նոր զարգացում է ստացել. օրեր առաջ՝ հունվարի 16-ին, այս գործով մեղադրանք է առաջադրվել Ոստիկանության 7-րդ վարչության բաժնի պետի նախկին տեղակալ Արման Ավագյանին: Նրա նկատմամբ որպես խափանման միջոց է ընտրվել երկրից չհեռանալու մասին ստորագրությունը:

«Հայկական ժամանակ»-ի այս տեղեկությունը հաստատեց Ավագյանի պաշտպան Ղեւոնդ Պապոյանը: Նա  մեր զրույցում ասաց, որ առաջադրված մեղադրանքում իր պաշտպանյալն իրեն մեղավոր չի ճանաչել: Հարցին, թե մեղադրանքի հիմքում ի՞նչ ապացույցներ են դրված, պաշտպանը չցանկացավ պատասխանել՝ նշելով, որ ոչինչ չի կարող ասել նաեւ տարածված տեսանյութի վերաբերյալ: Նշենք, որ այդ տեսանյութում երեւում էր, թե ինչպես են քաղաքացիական հագուստով ոստիկանները բռնություն գործադրում «Էլեկտրիկ Երեւան»-ի ակտիվիստ, գործով արդեն տուժող Ֆիլիպ Արզումանյանի նկատմամբ: Նշենք, որ Ավագյանն «Էլեկտրիկ-Երեւանի» ժամանակ զբաղեցրել է Ոստիկանության 7-րդ վարչության բաժնի պետի նախկին տեղակալի պաշտոնը: Թե ինչ պաշտոն է զբաղեցրել դրանից հետո, հայտնի չէ: «Ես չգիտեմ՝ նախկինում ինչ պաշտոն է զբաղեցրել, բայց հիմա, եթե չեմ սխալվում, նա չի պաշտոնավարում, այլ տեղեկություններ չունեմ»,- մեր հարցին ի պատասխան՝ ասաց Ղեւոնդ Պապոյանը: Նա մեղադրանքի վերաբերյալ այլ հարցերի չպատասխանեց:

Տուժող Ֆիլիպ Արզումանյանն էլ մեր զրույցում ասաց, որ օրեր առաջ հրավիրվել է հարցաքննության եւ վերահաստատել իր այն ցուցմունքը, որը տվել է 2015 թվականին. «Դրվագը հետեւյալն է. ես այդ օրը (հունիսի 22-ին) քայլում էի Հյուսիսային պողոտա-Թումանյան խաչմերուկով, դա այն ժամանակ էր, երբ բոլորին արդեն հավաքել, տարել էին: Տեսա, որ քաղաքացիական հագուստով մի երեք-չորս տղամարդ մի աղջկա մազերից են քաշում, տանում, աղջիկն էլ գոռում էր, ես նրանց բարձր նկատողություն արեցի, եւ նրանք հարձակվեցին ինձ վրա: Մի քանի հոգով ինձ պահեցին, մեկը մի քանի անգամ հարվածեց մարմնիս տարբեր հատվածներին, նաեւ՝ դեմքիս»:

Տուժողի խոսքով՝ հարվածողը եղել է հենց Արման Ավագյանը. «Դրանից հետո ոստիկանության մեքենայով ինձ տարան Էրեբունու բաժին, այդ ժամանակ առավոտյան ժամը 6-ն էր, այնտեղ պահել են մինչեւ երեկոյան ժամը ինը-տասը, այսինքն՝ պահել են անօրինական, քանի որ, ըստ սահմանված կարգի, 3 ժամվա մեջ պիտի ազատեին, բայց այնտեղ արդեն վերաբերմունքը նորմալ է եղել»: Հարցին՝ իրեն հայտնի՞ է քաղաքացիական հագուստով այդ մյուս երեք անձանց ինքնությունը, Ֆիլիպ Արզումանյանը բացասական պատասխան տվեց. «Չէ՛, մնացածների ինքնությունը պարզ չէ: Ես նրանց մի քանի անգամ տեսել եմ քաղաքի տարբեր սրճարաններում, բայց համոզված չէի, որ հենց այդ մարդիկ էին, որովհետեւ տեսանյութում շատ-շատ էին, գուցե ֆիքսվել եմ»: Արզումանյանը նշեց, որ մեղադրանքի առաջադրումից հետո իր եւ Ավագյանի միջեւ առերեսում տեղի չի ունեցել, ինքն Արզումանյանին հանդիպել է օրեր առաջ նախաքննական մարմնում եւ պարզապես բարեւել:

Թե որքանով էր սպասելի այս զարգացումը, Արզումանյանը դժվարացավ նշել. «Գիտեք, էնպես չէ, որ անսպասելի է եղել, էնպես էլ չէ, որ սպասելի էր: Երբ զանգեցին, ասացին, ես, իհարկե, մի քիչ զարմացա, որ ընդհանրապես հիշեցին այս գործի մասին, բայց, իմ կարծիքով, այս հինգ տարվա ընթացքում Ոստիկանությունը տիրապետում էր բոլոր հնարավորություններով այդ մարդուն իդենտիֆիկացնելուն եւ նրա ինքնությունը ՀՔԾ-ին փոխանցելուն: Ինձ թվում է՝ ինչ-որ պատճառներ են եղել, որ ոչ թե հեղափոխությունից միանգամից հետո սա եղավ, այլ 2 տարի անց»,- ասաց տուժողը՝ հավելելով, որ ուրախ է՝ արդարադատությունը կվերականգնվի:

Նա, սակայն, նշեց՝ չի ուզում, որ Արման Ավագյանն ազատազրկման տեսքով պատիժ կրի. «Իմ դիրքորոշումը հետեւյալն է. ես չեմ ուզում, որ մարդն ազատազրկվի, որ լուրջ պատիժ կրի կատարվածի համար, իմ պահանջն այն է, որ նա ընդհանրապես չաշխատի իշխանության որեւէ ճյուղում կամ ուժային կառույցներում, քանի որ պրոֆեսիոնալ հատկանիշներ չունի»:

Արման Ավագյանի մասով քրեական գործի նախաքննությունն ավարտվել է: Դատախազության հանրային կապերի բաժնի պետ Արեւիկ Խաչատրյանը մեր հարցին ի պատասխան՝ տեղեկացրեց, որ քրեական գործն իրենց դեռեւս չի ուղարկվել:

2015-ին էլեկտրաէներգիայի սակագնի բարձրացման դեմ փողոց դուրս եկած քաղաքացիների խաղաղ ցույցերը ոստիկանները ցրել էին՝ կիրառելով անհամաչափ ուժ ու գործի դնելով ջրցան մեքենա: Ոստիկանության ծառայողների կողմից բռնության գործադրմամբ զուգորդված պաշտոնեական լիազորություններն անցնելու, պաշտոնեական դիրքն օգտագործելով՝ լրագրողի մասնագիտական օրինական գործունեությանը խոչընդոտելու, ուրիշի գույքը դիտավորությամբ ոչնչացնելու կամ վնասելու դեպքերի առթիվ հարուցվեց առանձին քրեական գործ, որով 4 ոստիկան դատապարտվեց դրամական տուգանքի:

2019 թվականի մարտի 8-ին Հատուկ քննչական ծառայությունը հայտնեց, որ մայր գործը կասեցնում է որպես մեղադրյալ ներգրավվելու ենթակա անձանց անհայտ լինելու հիմքով: Տուժող ճանաչված լրագրողներից երեքը դատարանում բողոքարկեցին վարույթը կասեցնելու մասին որոշումը, եւ նրանց բողոքը մասնակի բավարարվեց: Կասեցման մասին որոշումը վերացվելուց հետո՝ մայիս ամսին, Դատախազությունը գործը վերադարձրեց ՀՔԾ-ին՝ նախաքննությունը շարունակելու:

Տպել
12036 դիտում

Աբովյան քաղաքի Տիեզերագնացների հրապարակում բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք