«Էրեբունի պլազա» ներխուժած երիտասարդը ցանկացել է Սեդրակ Քոչարյանից պարզել, թե ինչու են իրեն ծրագրավորել. պաշտպան

«Էրեբունի պլազա» բիզնես կենտրոն ներխուժած եւ կրակոցներ արձակած 32-ամյա Արթուր Թորոսյանը ցանկացել  է հանդիպել Ռոբերտ Քոչարյանի ավագ որդուն՝ Սեդրակ Քոչարյանին, եւ պարզել, թե իրեն ինչու են ծրագրավորել:

«Հայկական ժամանակ»-ի հետ զրույցում ասաց նրա պաշտպան Էդուարդ Աղաջանյանը:

Հիշեցնենք՝ հունվարի 23-ին Արթուր Թորոսյանը ներխուժել էր «Էրեբունի պլազա» եւ կրակոցներ արձակել: Նրա հետ բանակցություններ էր վարել անձամբ ՀՀ ոստիկանապետի պաշտոնակատար Արման Սարգսյանը, ինչի արդյունքում նա հանձնել էր զենքը, ապա վնասազերծվել: Դեպքի առթիվ հարուցվել է քրեական գործ ՀՀ ՔՕ-ի 218-րդ, 235-րդ (ապօրինի կերպով զենք-զինամթերք պահելը, կրելը կամ փոխադրելը) եւ 185-րդ հոդվածներով, եւ Թորոսյանի նկատմամբ որպես խափանման միջոց էր ընտրվել կալանավորումը:

Պաշտպանի հետ ՀԺ-ի զրույցը՝ ստորեւ.

-  Պարոն Աղաջանյան, ի՞նչ հոդվածներով է Ձեր պաշտպանյալին մեղադրանք առաջադրվել:

- Արթուր Թորոսյանին մեղադրանք է առաջադրվել ՀՀ քրեական օրենսգրքի 2 հոդվածով՝ 185-րդ հոդվածի 2-րդ մասի 1-ին կետով (գույքի դիտավորյալ վնասումը, որը կատարվել է վտանգավոր եղանակով), եւ 218-րդ հոդվածի 2-րդ մասի 2-րդ, 3-րդ, 7-րդ կետերով (պատանդ վերցնելը, որը կատարվել է զենքի գործադրմամբ՝ երկու ավելի անձանց նկատմամբ կյանքի կամ առողջության համար վտանգավոր բռնություն գործադրելով): Ինչ վերաբերում է ապօրինի զենք-զինամթերք կրելուն, որով հարուցվել էր քրեական գործը, դրանով մեղադրանք չի առաջադրվել, քանի որ պարզվել է, որ զենքը (Սայգա տեսակի,-խմբ.) որսորդական խանութից ձեռք է բերվել օրինական ճանապարհով դեպքից օրեր առաջ՝ հունվարի 8-ին:

-  Ի՞նչ դիրքորոշում ունի Թորոսյանը առաջադրված մեղադրանքի վերաբերյալ:

-  Նա մեղադրանքը չի ընդունում, այսինքն՝ ընդունում է, որ այդ գործողությունները ինքն է կատարել, մտել է, կրակել է, պատանդ է  վերցրել, բայց առաջադրված մեղադրանքում իր մեղքը չի ընդունում: Նա ունի իրավաբանական կրթություն, ավարտել է Մանկավարժական ինստիտուտի իրավագիտության ֆակուլտետը եւ բերում է շատ հետաքրքիր պատճառաբանություն: Բանն այն է, որ 218-րդ հոդվածը ունի խրախուսական նորմ, որը նախատեսված է նույն հոդվածի 4-րդ մասով: Համաձայն դրա՝ երբ պատանդ վերցրած անձը կամովին ազատում է պատանդին եւ հրաժարվում իր պահանջից, այլեւս ենթակա չէ քրեական պատասխանատվության, եթե իհարկե նրա գործողություններն այլ հանցակազմ չեն պարունակում: Արթուր Թորոսյանը գտնում է, որ ինքը հենց այդպես էլ վարվել է. պատանդ վերցնելուց հետո կամովին ազատել է նրան, հրաժարվել իր պահանջից, ուստի նա ենթակա չէ քրեական պատասխանատվության վերոնշյալ հոդվածով:

- Նրա անհամաձայնությունը մեղադրանքի հետ կոնկրետ ա՞յդ մասով է, գույքի վնասման վերաբերյալ առարկություններ չունի՞:

- Գույքի վնասման հետ կապված եւս իրեն մեղավոր չի ճանաչում, բերում է այն պատճառաբանությունը, որ իր դիտավորությունը ուղղված չի եղել գույք վնասելուն, որ չի գնացել այդ կենտրոն՝ պատերին կրակելու եւ գույքը վնասելու: Դա նրա նպատակը չի եղել, այլ եղել է միջոց՝ հիմնական նպատակին հասնելու համար:

- Ո՞րն է եղել նրա հիմնական նպատակը:

- Պատանդ վերցնելը եւ դրանով համապատասխան պահանջ ներկայացնելը: Նա պահանջել է, որ իր մոտ ներկայանա ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը, բայց նրանց միջեւ որեւէ կապ չի եղել, նա երբեք այնտեղ չի աշխատել եւ գույքային որեւէ հարաբերություն, որեւէ պահանջ չի ունեցել:

- Այդ դեպքում ինչո՞ւ է պահանջել հանդիպում Վիկտոր Սողոմոնյանի հետ:

- Ճիշտն ասած, այստեղ նա բերում է ոչ տրամաբանական պատճառաբանություն. գտնում է, որ իրեն ծրագրավորել են, եւ ինքը փորձում էր Վիկտոր Սողոմոնյանի միջոցով կանչել նաեւ Ռոբերտ Քոչարյանի ավագ որդուն՝ Սեդրակ Քոչարյանին, եւ նրանից պարզել, թե իրեն ինչու են ծրագրավորել: Ամեն դեպքում, դա է իր պատասխանը:

- Ի՞նչ նկատի ունի՝ ասելով, թե իրեն ծրագրավորել են:

- Այդ հարցը ինձ էլ է հետաքրքրում, գործը քննող քննիչին էլ, դատարանում կալանքի սանկցիան քննարկող դատավորին էլ: Ամեն դեպքում, ելնելով նրա պատասխաններից եւ բացատրություններից՝ երեւի թե անհրաժեշտություն առաջանա նրա նկատմամբ դատահոգեբուժական-հոգեբանական ստացիոնար փորձաքննություն նշանակել: Դրանից հետո պարզ կլինի՝ ինչպես պետք է վերաբերվել նրա ցուցմունքներին: Այս պահին ես չեմ բացառում, որ նա հոգեկան առողջության հետ կապված խնդիրներ ունենա: Ամեն դեպքում, նրա գլխում եղած խառնաշփոթը պարզելու համար անհրաժեշտ են դատահոգեբուժական բնագավառին հատուկ մասնագետների գիտելիքներ:

- Բայց նա չի՞ պարզաբանել, թե ինչն է ի վերջո հանգեցրել նման քայլի դիմելուն:

- Որեւէ տրամաբանական պատասխան այդ հարցին նա չի տվել, այդ իսկ պատճառով ես գտնում եմ, որ պետք է նշանակվի դատահոգեբուժական փորձաքննություն:

- Օրեր առաջ մեր զրույցում Թորոսյանի նախկին աշխատավայրի տնօրենն ասել էր, որ նրա վարքագծում որեւէ խնդիր չի եղել, դրանից բացի, աշխատանքի ընդունվելիս Թորոսյանը համապատասխան բժշկական զննություն էր անցել:

-Ի միջի այլոց, ասեմ. ըստ սահմանված կարգի՝ օրինական զենք ձեռք բերելու համար եւս պետք է ներկայացվի տեղեկանք՝ հոգեբուժական համապատասխան հաստատությունից, նարկոլոգիական դիսպանսերից, որպեսզի պարզ լինի՝ անձը հոգեկան որեւէ հիվանդությամբ տառապում է թե՝ ոչ: Այդ տեղեկանքները նա ներկայացրել է կամ անցած տարվա դեկտեմբերի վերջին, կամ այս տարվա հունվարի սկզբին, այսինքն՝ մոտավորապես 2 շաբաթ-մեկ ամիս առաջ: Ես ուզում եմ հավատալ, որ այդ տեղեկանքը ներկայացնելուց առաջ իրեն հետազոտել են, որովհետեւ եթե վաղը պարզվի, որ առանց հետազոտելու անձին տեղեկանք են տալիս, եւ դրա հիման վրա նա հրազեն է ձեռք բերում, ապա շատ վատ է: Ես չեմ կարծում, թե այդ տեղեկանքը կարող է կեղծված լինել: Ամեն դեպքում, այս դեպքից հետո պիտի վերանայվեն զենքի թույլտվություն տալու չափանիշները:

- Պատանդը, որի մասին նշեցիք սկզբում, կոնկրետ մե՞կն է եղել, թե՞ նկատի ունեն, որ տարածքում գտնվող անձանց ազատ տեղաշարժման իրավունքը սահմանափակվել է:

- Չէ, կոնկրետ մեկ անձի պահանջ է ներկայացրել, ինքն էլ է ընդունում, որ ասել է՝ դու գտնվում ես պատանդի կարգավիճակում, զգա պահի լրջությունը, իմացիր, որ այս պահին պատանդ ես: Պատահական անձ է եղել, նրանից որեւէ պահանջ չի ունեցել, ուղղակի զգուշացրել է:

- Իսկ Ձեր պաշտպանյալը չի՞ տվել որեւէ մեկի անունը, ով իրեն կարող էր դրդած լինել նման քայլի:

-Ոչ, նա պնդում է, որ գործել է միայնակ:

- Պարոն Աղաջանան, դեպքից հետո մամուլում տարբեր տեղեկություններ հրապարակվեցին. նախ նշվեց, որ նա աշխատել է Ռոբերտ Քոչարյանի գրասենյակում, ապա՝ որ գնացել է իր չստացած աշխատավարձի հետեւից

- Նման ցուցմունք նա չի տվել, եւ այս պահի դրությամբ նման վարկած նախաքննության մարմնի կողմից չի էլ հաստատվել, ընդհակառակը նա հերքել է, որ երբեւէ աշխատել է Ռոբերտ Քոչարյանի գրասենյակում եւ որ գումար է ստացել, նույնիսկ գրասենյակի տեղը չի իմացել, Սեդրակ Քոչարյանին էլ անձամբ չի ճանաչել: Համենայն դեպս, նա այդպես է նշել:

- Իսկ ներկայումս որտե՞ղ է աշխատում:

- Ներկա պահին որեւէ տեղ չէր աշխատում:

- Այժմ պատրաստվո՞ւմ եք որեւէ միջնորություն ներկայացնել:

- Նախապատրաստում եմ բողոք՝ խափանման միջոց կալանավորման դեմ, քանի որ գտնում եմ, որ դատական նիստի ընթացքում չի հիմնավորվել ողջամիտ կասկածը առ այն, որ նա կատարել է նշված հանցագործությունը՝ հենց իր կողմից բերված հիմնավորումներով:

Տպել
30295 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից