«Գրագետ տղա էր». երեկ «Էրեբունի պլազա» ներխուժած տղամարդը «Բերկուտ» անվտանգության ծառայությունում պահնորդ է աշխատել

Երեկ զենքը ձեռքին՝ «Էրեբունի պլազա» հյուրանոց ներխուժած եւ կրակոցներ արձակած 32- ամյա Արթուր Թորոսյանը աշխատել է «Բերկուտ» անվտանգության ծառայությունում՝ որպես պահնորդ: Նա, իր դիմումի համաձայն, աշխատանքից ազատվել է 2019-ի հոկտեմբերին:

«Բերկուտ» անվտանգության ծառայության տնօրեն Վահագն Հարությունյանը մեզ հետ զրույցում ասաց, որ ազատվելու պատճառով չի հետաքրքրվել, մտածել է, թե բարձրագույն կրթություն ստացած տղա է, հավանաբար ուզում է իր մասնագիտությամբ աշխատել.

«Ինքը մի բուհ արդեն ավարտել էր, Կառավարման ակադեմիայում էլ սովորում էր, իմ կարծիքով՝ երեւի իր մասնագիտությամբ էր ուզում գնալ, աշխատել»,- իր երկուսուկես տարվա աշխատակցի մասին ասաց Հարությունյանը եւ շարունակեց. «Իմ շփումը իր հետ շատ չի եղել, բայց ինչքանով ես գիտեմ, որպես պահնորդ, նորմալ է իրեն դրսեւորել, գրագետ տղա, այսպես ասեմ: Անգամ ինձ համար զարմանալի էր, որ հնարավոր է՝ այսպիսի բան անի»:

Մեր հարցին՝ հոգեկան առողջության հետ կապված որեւէ խնդիր երկուսուկես տարվա ընթացքում չի՞ նկատվել նրա մոտ՝ Հարությունյանը պատասխանեց, որ ոչ միայն չի նկատել, այլեւ գիտի, որ աշխատանքի ընդունվելուց առաջ բժշկական զննություն է անցել, որ պահնորդի որակավորում ստանա:

«Այսինքն՝ այդ ամենը ինքը անցել է: Միգուցե ինչ-որ բաներ իր մոտ հետո ի հայտ են եկել, ես դա կարող էի չտեսնել, որովհետեւ մեր հարաբերությունները ամենօրյա չէին»,- հավելեց նա:

Խոսելով այն մասին, թե որտեղից զենք կարող էր հայտնվել Արթուր Թորոսյանի մոտ՝ «Բերկուտ»-ի տնօրենն ասաց, որ իրենց մոտ զենքով ծառայություն ընդհանրապես չկա. Արթուր Թորոսյանը պահնորդ է աշխատել «Բերկուտ»-ի համազգեստով, լոգոտիպով, բայց՝ առանց զենքի:

Փորձեցինք զրուցել նաեւ Արթուր Թորոսյանի մոր՝ Արտաշատի գրադարանում աշխատող տիկին Հասմիկի հետ: Թորոսյանի մորաքույրը մեզ փոխանցեց, որ իր քույրը շատ վատ է զգում, քիչ առաջ շտապօգնությունը նրան ներարկում է արել եւ քնած է: Մորաքույրն ասաց նաեւ, որ ոչինչ չունեն ասելու:

ՀՀ քննչական կոմիտեի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը մեր հարցին ի պատասխան՝ քիչ առաջ հայտնեց, որ ձերբակալված անձը ցուցմունք չի տվել եւ պահանջել է հանրային պաշտպան ներգրավել: 

Հիշեցնենք, որ երեկ՝ ժամը 14։40-ին, ՀՀ ոստիկանությունը ահազանգ էր ստացել, որ «Էրեբունի Պլազա»-ում զինված անձ կա, դեպքի վայր էին մեկնել օպերատիվ խմբեր: Զինված տղամարդու հետ բանակցություններ էր վարել անձամբ Հայաստանի ոստիկանապետի պաշտոնակատար Արման Սարգսյանը: Բանակցությունների արդյունքում անձը հանձնել էր զենքը, ոստիկանապետի մեքենայով տեղափոխվել ոստիկանություն: Ավելի ուշ հայտնի դարձավ, որ հյուրանոց ներխուժած անձը Արտաշատի բնակիչ Արթուր Թորոսյանն է: 

Քննչական կոմիտեում դեպքի առթիվ քրեական գործ հարուցվեց Քրեական օրենսգրքի 218-րդ հոդվածի 2-րդ մասի 2-րդ, 3-րդ և 7-րդ կետով՝ կյանքի կամ առողջության համար վտանգավոր բռնություն գործադրելով, զենք կամ որպես զենք օգտագործվող առարկաներ գործադրելով՝ երկու կամ ավելի անձանց պատանդ վերցնելը, 235-րդ հոդվածի 1-ին մասի՝ ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը և 185-րդ հոդվածի 2-րդ մասի 1-ին կետի՝ հրկիզման, պայթյունի կամ հանրավտանգ այլ եղանակով գույքը դիտավորությամբ ոչնչացնելու կամ վնասելու հատկանիշներով:

Տպել
2797 դիտում

Նոր Նորքում գտնվող 4000 տարեկան ժայռապատկերները վտանգված են. քաղաքագետը ահազանգում է, քաղաքապետի խոսնակը՝ արձագանքում

Շուտով կբեմադրվի փաստավավերագրական ներկայացում՝ նվիրված Մոնթե Մելքոնյանին. նախագիծն իրականացվում է Մոնթեի կնոջ հետ

«Հայի բախտ ասվածն այլևս չար բախտը չէ»

Ակունք համայնքում անցկացվել է «Գեղարքունյաց Ձմեռ -2020» մարզամշակութային միջոցառումը

Արմավիրի ոստիկաններն ապօրինի թմրաշրջանառության դեպք են բացահայտել (տեսանյութ)

Արմավիրի մարզպետը շնորհավորել է եզդիական համայնքին Սուրբ Խըդըր Նաբիի տոնի առթիվ

Իրանի խորհրդարանական ընտրությունները նշմարում են Ռոհանիի իշխանության ավարտը. իշխող ուժի շանսերը փոքր են

Վթար Կապանում. «Հունդայի Սանտաֆե»-ի 46-ամյա ուղևորը մահացել է

Արարատի ծննդօգնության ծառայություններ մատուցող բժշկական հաստատություններում հունվար ամսին ծնվել է 53 տղա եւ 71 աղջիկ

Քաղաքապետարանում տեղյակ չեն, թե Երեւանին նվիրաբերված սեքվոյա հսկա ծառի սերմերը որտեղ են պահվում

Նախագահական նստավայրում կայացել է ռուսական ռոմանսի երեկո՝ նվիրված Մեծ հաղթանակի 75-ամյակին

Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

Երևան-Սևան ավտոճանապարհին մեքենան բախվել է երկաթե արգելապատնեշներին. 37-ամյա վարորդը մահացել է

Դիլիջանի «Շլորկուտ» հանդամասում 5000 քմ խոտածածկույթ է այրվել. ԱԻՆ

Նոր Նորք վարչական շրջանում ոստիկանության ուժեղացված ծառայություն է իրականացվել

Ոստիկանությունը իդեալականին մոտ ցուցակներ է խոստանում. այս անգամ կհամագործակցեն նաեւ թաղման բյուրոների հետ

Ամփոփվել են Երեւանի 2019թ. բյուջեի եւ զարգացման ծրագրի հաշվետվությունների վերաբերյալ առաջարկներն ու դիտողությունները

Իրանում կորոնավիրուսը հասել է արդեն մայրաքաղաք Թեհրան. երկրում 18 հաստատված դեպք կա

Սահմանադրական փոփոխությունների հանրաքվեի քարոզարշավը Շիրակի մարզ դեռ չի հասել. Արամ Անտոնյան

Հայկ Մարությանն ընդունել է Հայաստանում Վրաստանի դեսպան Գիորգի Սագանելիձեին