Մարտի 1-ի զոհերի իրավահաջորդները դատի են տվել Մարգարիտա Խաչատրյանին, Սաթենիկ Խլղաթյանին եւ Նարեկ Մութաֆյանին

Մարտի 1-ի 9 զոհերի իրավահաջորդները դատի են տվել «Զինվորի մայր» ՀԿ-ի նախագահ Մարգարիտա Խաչատրյանին, «Մեզ բացակա չդնեք» ՀԿ ղեկավար Սաթենիկ Խլղաթյանին: Այս մասին տեղեկանում ենք դատական տեղեկատվական համակարգից:

Հայցը ներկայացրել են Սարգիս Քլոյանը, Վաչագան Ֆարմանյանը, Ռուզաննա Հարությունյանը, Ալլա Հովհաննիսյանը, Էդիկ Հարությունյանը, Մարիամ Հովհաննիսյանը, Լիլիա Մինասյանը, Ջեմմա Վարդումյանը, Վարդուհի Բաղդասարյանը:

Նրանք պահանջում են պատվին եւ արժանապատվությանը պատճառված վնասի հատուցում:

Հայցը ներկայացվել է հունվարի 22-ին եւ մակագրվել Երեւան քաղաքի ընդհանուր իրավասության դատարանի դատավոր Լիզա Գրիգորյանին:

Մարտի 1-ի իրավահաջորդների ներակայացուցիչ Տիգրան Եգորյանը մեր զրույցում ասաց, որ Մարգարիտա Խաչատրյանից եւ Սաթենիկ Խլղաթյանից պահանջում են ներողություն խնդրել իրենց կատարած հայտարարության համար:

Հարցին՝ ի՞նչ հայտարարության մասին է խոսքը, Եգորյանը պատասխանեց. «Խոսքը վերաբերում է Մարտի 1-ի զոհերին եւ այդ հավաքներին դրսում տեղի ունեցող իրադարձությունների մասնակցության որակման մասին: Նրանք հայտարարել են, թե այդ մարդիկ դուրս էին եկել՝ փողոցային թալան իրականացնելու, իշխանակռիվ տալու: Մարտի 1-ին փողոց դուրս եկած՝ առնվազն Սահմանադրական պահանջ ներկայացնող քաղաքացիներին, այդ թվում՝ առնվազն իմ կողմից ներկայացվող 9 զոհերին, որեւէ կերպ չի կարելի վերագրել այդ գործողությունները»:

Փաստաբանը նշեց, որ, բացի ներողությունից, այլ պահանջ չունեն նրանցից:

Բացի դրանից Մարտի 1-ի զոհերի իրավահաջորդները նույն պահանջով դատի են տվել նաեւ Ռոբերտ Քոչարյանի աջակից Նարեկ Մութաֆյանին:

Անդրադառնալով հարցին, թե ինչո՞ւ են Մութաֆյանի դեմ հայց ներկայացրել, Եգորյանը պատասխանեց. «Նա հայտարարել էր իբր 30 միլիոն դրամով ազգականների շիրիմը վաճառելու մասին»:

Հարցին՝ ի՞նչ են պահանջում Մութաֆյանից, նա պատասխանեց. «Նարեկ Մութաֆյանը պետք է հատուցի գումարով: Մեր գնահատմամբ՝ դա պետք է լինի առավելագույն գումարը, որ հնարավոր է պահանջել վիրավորանքի համար՝ 1 մլն դրամ»:

Այս հայցն էլ մակագրվել է Երեւան քաղաքի ընդհանուր իրավասության դատարանի դատավոր Արմենուհի Բադիրյանին:  

Տպել
6080 դիտում

Վիճաբանության ժամանակ 39-ամյա տղամարդը դանակահարել էր եղբորը

Սահմանադրության փոփոխությունների հանրաքվեի շրջանակներում ՀՀ դատախազությունում թեժ գիծ է գործարկվել

Քանի որ կորոնավիրուսը շատ վտանգավոր վիրուս չի համարվում, շատ հատուկ միջոցառումների կարիք չկա. Թորոսյան

Աղամալ Հարությունյանի պաշտպանը միջնորդեց դատակոչել Պողոս Պողոսյանի դիակի եզրակացություն տված փորձագետին

Թրամփը դատի է տվել New York Times-ին. պահանջում է տեղեկատվության հերքում եւ մի քանի մլն դոլար

Օրենքներն արհեստականորեն այնքան են բարդացվել, որպեսզի կոռուպցիոն հնարավորություններ ստեղծվեն. Սինանյան

Ճանապարհատրանսպորտային պատահարներից տուժածների թիվը Երեւան քաղաքում նվազել է, հանրապետությունում՝ աճել. ՃՈ պետ

Աղամալ Հարությունյանի պաշտպանը միջնորդեց արգելել ԶԼՄ-ների կողմից դատական նիստի տեսա եւ լուսանկարահանումը

Լարսի ավտոճանապարհը բաց է բոլոր տեսակի տրանսպորտային միջոցների համար

ԼՀԿ-ն դատի է տվել Լեւոն Զուրաբյանին

ՀՀ պաշտպանության նախարարը հանդիպել է ՀԱՊԿ գլխավոր քարտուղարին

Հերիք է, այդ մարդիկ պետք է թողնեն գնան ու զբաղվեն ուրիշ գործով, կարող են ընդդիմադիր գործունեություն ծավալել. Փաշինյան

Պողոս Պողոսյանի սպանության գործով դատապարտված Աղամալ Հարությունյանը դատարանում է. քննվում է գործի վերաբացման հարցը

2020-ի հունվարի 1-ից նախատեսված մաքսատուրքերի բարձրացումը կհետաձգվի մեկ տարով՝ բացառությամբ ավտոմեքենաների

Երևանի Բուզանդի փողոցում գտնվող պետական սեփականության գույքը գնահատվել և օտարվել է հանցավոր խախտումներով. դատախազություն

Ատելության խոսքը խոսքի ազատություն չէ․ ԱԺ հանձնաժողովը քննարկում է բռնության կոչերը քրեականացնելու նախագիծը

Լոռու մարզում մարտի 2-ից 3-ը 24-ժամյա ջրանջատում է սպասվում

Կառավարությունն արգելեց փայտանյութի արտահանումը ԵԱՏՄ սահմաններից դուրս

Մենք 42 միլիարդ դրամ վերադարձրել ենք բիզնես, եւ բիզնեսից ազդակներ են գալիս, թե «որտե՞ղ եք ուզում մեզ գցել». վարչապետ

Արգելափակումից դուրս են բերվել ավտոմեքենաներ Գեղարքունիքում ու Կոտայքում