Լոռու մարզպետի հետ հանդիպումը արդյունք չտվեց. վարորդները որոշեցին շարունակել գործադուլը

Վանաձորի քաղաքային երթուղիները սպասարկող վարորդները, երեկ վաղ առավոտից սկսած  գործադուլը շարունակեցին ողջ օրվա ընթացքում: Ոչ մի երթուղային տրանսպորտ օրվա ընթացքում չսպասարկեց քաղաքացիներին: Չնայած վարորդների՝ մարզպետի հետ հանդիպում պահանջելուն, Լոռու մարզպետը բազմաթիվ բանակցություններից հետո ընդունեց վարորդների 10 հոգանոց խմբին:

Հանդիպման եկած վարորդները Անդրեյ Ղուկասյանից նախ հետաքրքրվեցին՝ որտեղ էր նա առավոտվանից մինչ 18:00-ն եւ ինչու չցանկացավ իջնել ու հանդիպել իրենց հետ:

«Աշխատանքային հանդիպումներ ունեի, մեկնել էի Տաշիր՝ քաղաքացիների հետ հանդիպման»,-պատասխանեց մարզպետը՝ հավելելով. «Այն խնդիրը, որ դուք բարձրաձայնում եք, մարզպետարանի ենթակայության տակ չէ, ու ես լիազորված չեմ զբաղվել դրանցով… երբ վերադարձա, ասեցի, որ պատրաստ եմ հանդիպել»:

Վարորդները մարզի ղեկավարին տեղեկացրեցին, որ իրենք այնքան գումար են ծախսում, որ դրա մի մասն անգամ չեն կարողանում իրենց տուն տանել: Մի կողմից գծատիրոջ օրական հարկն ու անմխիթար ճանապարհները, մյուս կողմից՝ մեքենայի գազի խնդիրը, որն առաջացել է խորանարդ մետրից կիլոգրամի անցնելու հետեւանքով. «Մենք այս պայմաններով չենք կարող աշխատել: Դուք կարողանում եք, մենք՝ ոչ, դուք 8 ժամ եք կաբինետում աշխատում, իսկ մենք 12 ժամ ճանապարհներին: Օրական մենք 1500-2000 դրամ ավել ենք վճարում, ամսվա կտրվածքով դա մեծ գումար է կազմում»:

Հանդիպմանը ներկա Վանաձորի քաղաքապետը ճանապարհների մասով տեղեկացրեց, որ աշխատանքներն ընթացքի մեջ են, ինչ վերաբերվում է գազի խնդրին, մարզպետն ասաց.

«Դեռ տաքսու վարորդների իրականացրած ակցիայի ժամանակ մենք գրություն ուղղարկեցինք նախարարություն, որպեսզի մասնագետներ գան ու չափումներ անեն»:

Վարորդները մարզպետից պահանջեցին իրենց խնդրի մասին տեղեկացնել պատկան մարմիններին ու հայտնել արդյունքների կամ դրանց ընթացքի վերաբերյալ: «Մենք խնդրում ենք, որ տեղեկացնեք վարչապետին, թող էս խնդիրը իր ուշադրության տակ պահի, ինքը խոստացել էր, որ գազի փոփոխությունները մեր գրպանին չեն վնասելու, բայց այսօր հակառակ արդյունքն է»,-վարորդներից մեկի այս դիտարկմանը մարզպետն ասաց, որ եթե վարորդները գտնում են, որ գազալցակայաններում իրենց խաբում են, ապա ինքը կդիմի դատախազություն՝ թերի լիցքավորող, բայց ավել գումարներ գանձող լցակայանների տնօրեններին պատասխանատվության ենթարկելու համար: Սա եւս վարորդների սրտով չէր:

Շուրջ 40 րոպե տեւած քննարկման ժամանակ գազելների վարորդները մարզպետից հստակ պատասխաններ էին ակնկալում, մարզպետն էլ պարբերաբար հիշեցնում էր՝ անհրաժեշտ ուսումնասիրություններ են պետք՝ համապատասխան մասնագիտացված կառույցների կողմից:

Վերջնական հայտարարի չգալուց հետո վարորդները որոշեցին այսօր առավոտյան կրկին գործադուլ անել՝ հավաքվելով Հայքի հրապարակում: Վարորդների խոսքով՝ իրենք շարունակելու են պայքարել իրենց իրավունքների համար այնքան ժամանակ, քանի դեռ խնդիրը չի լուծվել, հակառակ դեպքում, ոչ միայն գործադուլ կանեն քաղաքային երթուղիները սպասարկող վարորդներով, այլ նաեւ միջքաղաքայիններով, բողոքը տեղ կհասցնեն ընդհուպ մինչեւ ճանապարհներ փակելով:

Տպել
399 դիտում

Քոչարյանի Փաստաբանական թիմը պատրաստվում է բողոքարկել Վերաքննիչ քրեական դատարանի ակտերը

Ռոբերտ Քոչարյանի եւ մյուսների գործը կասեցնելու եւ ՍԴ դիմելու որոշումը բեկանվեց

Արարատ Միրզոյանը կողմ է ՀՀ-ի եւ Հնդկաստանի մայրաքաղաքների միջեւ ուղիղ օդային հաղորդակցության վերականգնմանը

Վերաքննիչ դատարանը կասեցրել է Քոչարյանի անմեղության կանխավարկածի խախտման վերաբերյալ գործի վարույթը. Պաշտպանական խումբ

Օտարերկրյա դեսպանությունների ռազմական կցորդներն այցելել են ՀՕՊ զորամաս

Կայացել է զորակոչի ընթացքում քաղաքացիների դիմումների և բողոքների քննարկման հանձնաժողովի առաջին նիստը

Վրացական լարին նորից ռեկորդային չափով արժեզրկվել է

Տնտեսական ակտիվության ցուցանիշը մայիսին աճել է 7.3 տոկոսով

Ռոբերտ Քոչարյանը կկալանավորվի. դատարանը հրապարակեց որոշումը

Դիտարկմանն ադրբեջանական կողմը ԵԱՀԿ առաքելությունը դուրս չի բերել առաջապահ դիրքեր. Արցախ

Նիկոլ Փաշինյանը շնորհավորել է Սլովենիայի վարչապետին Պետականության օրվա կապակցությամբ

Լեւոն Յոլյանը չի պատրաստվում հրաժարականի դիմում ներկայացնել․ պատմում է իր ունեցած բիզնեսների մասին

ՌԴ-ն, ԱՄՆ-ն և Իսրայելը Սիրիայի հարցով որոշ կետերի շուրջ համաձայնության են եկել. Պատրուշև

Փաշինյանի միակ որդին զինվորական ծառայություն է անցնում Արցախում, ինչը Քոչարյանի 2 որդիներից ոչ ոք չի արել. Կարապետյան

Ստեփանավանի ողջ աղբը թափվում է Ձորագետի կիրճ. Տուրիզմը այդտեղ արհեստական մեռցնում են (լուսանկարներ)

Սերժ Սարգսյանի հետ ունեցել եմ շատ լավ հարաբերություններ․ Հաշվեքննիչ պալատի նախագահ Լեւոն Յոլյան

Ոտքերս ուռել են. Մանվել Գրիգորյանը հայտարարեց, որ իրեն լավ չի զգում. նիստը հետաձգվեց

Ուրիշի ցավ չկա. եթե շուրջդ սխալ բան է կատարվում, մի օր այն դիպչելու է նաև քեզ

Երկուսիս աղոթքն էլ նույնն է՝ հարատև խաղաղություն մեր երկրին. Աննա Հակոբյանն Արցախում հանդիպել է իր որդուն

Ում դեմ են բողոքում վրացիները և ինչ կարող է անել Հայաստանը