Երեւանի Գրիգոր Լուսավորչի փողոցն անվանափոխվեց Սուրբ Գրիգոր Լուսավորչի. ավագանու նիստը թեժ է, վիրավորանքների պակաս չկա

Երեւանի ավագանու «Լույս» խմբակցության անդամ Թեհմինա Վարդանյանն առաջարկում էր Երեւանի Մովսես Խորենացու փողոցն անվանափոխել Սուրբ Մովսես Խորենացու փողոց, Մաշտոցի պողոտան անվանակոչել Սուրբ Մեսրոպ Մաշտոցի պողոտա, Գրիգոր Լուսավորիչ փողոցը անվանափոխել Սուրբ Գրիգոր Լուսավորիչ փողոց: Համապատասխան նախագծերն ընդգրկված էին ավագանու այսօրվա նիստի օրակարգում:

Թեհմինա Վարդանյանն այդ մտադրության մասին բարձրաձայնել էր դեռ ապրիլի մեկին, որն, ի դեպ, շատերն ընդունել էին որպես ապրիլմեկյան կատակ: Ավագանու նիստում նշված առաջարկները բուռն քննարկումների առիթ դարձան: Իշխող «Իմ քայլը» խմբակցության անդամները մի շարք հարցեր ուղղեցին նախագծերի հեղինակին:

Էռնեստ Ավանեսովին հետաքրքրեց, թե նա հաշվարկե՞լ է՝ ինչ ֆինանսական ծախսերի հետ է կապված այս անվանափոխությունը՝ հաշվի առնելով շենքերի վրա ցուցանակների փոփոխությունը, անձնագրերում փոփոխությունները: Վարդանյանն ասաց, որ նման ուսումնասիրություն չունի: Խոստացավ, որ եթե ցուցանակներ փոխելու կարիք առաջանա, օգնության համար դիմել եկեղեցուն: «Ինչ վերաբերում է անձնագրային, կադաստրային կամ նոտարակական խնդիրներին, ինձ քաղաքապետարանի տվյալ վարչությունից ասացին, որ ընդունման պարագայում դիմումներ են գնում բոլոր ենթակա մարմիններ՝ նոտար, կադաստր, անձնագրային եւ այլն, որտեղ ասվում է, որ այսուհետ այս փողոցը կրում է հետեւյալ անունը: Այսինքն՝ այդտեղ եւս բնակիչների համար որեւէ խնդիր չի առաջանում: Իսկ եթե երբեմն առաջանա, քաղաքապետարանը տեղադրում է համապատասխան տեղեկանք»,- ասաց նա:

Դավիթ Խաչատրյանը հիշեցրեց, որ 2015 թվականին եկեղեցին սրբադասել է Ցեղասպանության 1.5 միլիոն զոհերին, որոնց թվում են, օրինակ Սիամանթոն, Դանիել Վարուժանը: Նրանց անուններով այսօր Երեւանում փողոցներ ու դպրոցներ կան, ուրեմն արդյոք Թեհմինա Խաչատրյանի մոտեցումը խտրական չէ՝ առաջարկելով «սուրբ» բառն ավելացնել միայն Խորենացու, Մաշտոցի եւ Լուսավորիչի անունը կրող փողոցների դեպքում:

«Սրանք այն պատմական կերպարներն են, որ առաջնային էին ինձ համար»,- նշեց Թեհմինա Վարդանյանը՝ պատրաստակամություն հայտնելով հաջորդիվ քննարկել նաեւ մյուս փողոցների հարցը: Իզաբելլա Աբգարյանը դիտարկում արեց, թե նման դեպքերում արդյոք չպե՞տք է առաջնորդվել երեւանցու, քաղաքի ու պետության համար կարեւորությամբ: Թեհմինա Վարդանյանը նրան հիշեցրեց, որ Աբգարյանը Մաշտոցին չի ընդունում եւ որ երեխան մեծանալով կարող է պարզել, որ նա բոլորովին էլ սուրբ չի եղել: Աբգարյանն արձագանքեց, թե իր ասածն այն է եղել, որ հարյուր տարի հետո տարբեր փոփոխություններ կարող են տեղի ունենալ, հետեւաբար պետք է ամենայն պատասխանատվությամբ մոտենալ այդ հարցին:

Նա էլ իր հերթին հիշեցրեց Վարդանյանի մեկնաբանությունները, թե նախագծին դեմ երեւանցիները աղանդավոր են: Ավագանու անդամն, ի պատասխան հայտարարեց, թե դա բոլորովին չի նշանակում, որ աղանդավոր կամ աթեիստ լինելն ինքը վատ բան է համարում:

«Ես ճիշտն ասած չեմ հասկանում՝ ինչ ենք քննարկում: Եթե կարող եք ունենալ ազնվություն եւ այս տակից գլխից նախադասություններն ու ձեւակերպումների փոխարեն ազնվորեն ասեք, որ այստեղ «սուրբ» բառը կա, դրա համար է մեր կռիվը, ես ձեզ կհասկանամ: Ինչն է խնդիրը, մեզնից որեւէ մեկը կարծում է՝ Խորենացին սուրբ չէ, Մաշտոցը կամ Լուսավորիչը սուրբ չե՞ն: Ասեք իմանանք, որ այդպես եք կարծում, մենք էլ ասենք՝ դե դա ձեր դիրքորոշումն է: Խոսում եք Ցեղասպանության սրբադասված 1.5 միլիոն զոհերի մասին: Մեսրոպ Մաշտոցը եղել է վարդապետ, արդեն իսկ հոգեւոր դասի ներկայացուցիչ, Խորենացին եպիսկոպոս, Լուսավորիչը ինքը հենց քրիստոնեության տարածողն է եղել եւ եղել է եպիսկոպոսապետ: Եթե չգիտեք, գնացեք հայոց պատմություն կարդացեք եւ միլիոնուկես զոհերին մի խառնեք այս դեպքի հետ: Սա բոլորովին այլ բան է: Խնդիրը սուրբ լինելո՞ւ հետ է: Ինչն է ձեզ տանջում»,- հայտարարեց «Բարգավաճ Հայաստան» խմբակցության քարտուղար Հռիփսիմե Առաքելյանը:

Նրան հակադարձեցին, որ «Սուրբ» բառի խնդիր չկա եւ պետք է չէ այս ամենին կրոնական ենթատեքստ տալ: Փոխադարձ մեղադրանքներն ու քննադատությունները դեռ բավական երկար շարունակվեցին: Ընդդիմությունը իշխանությանը մեղադրեց աթեիզմի, սրբապղծության մեջ, համեմատեց ՀՀԿ-ի հետ, անվանեց «դիշովկա»: Հնչեցին համերաշխության կոչեր ու առաջարկվեց աշխատել փոխադարձ հարգանքի մթնոլորտում:

Ի վերջո քվեարկության արդյունքները ցույց տվեցին, որ ավագանին դեմ է նախագծերից երկուսին, եւ Մեսրոպ Մաշտոցի պողոտան ու Մովսես Խորենացու փողոցները չեն անվանափոխվի: Ինչ վերաբերում է Գրիգոր Լուսավորչի փողոցին, ապա այսուհետ այն կկոչվի Սուրբ Գրիգոր Լուսավորչի փողոց: Ավագանու անդամներից 30-ը կողմ էր նախագծին, 7-ը դեմ եւ 12-ը՝ ձեռնպահ:

Տպել
3450 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)