Չխցկվեք թատրոն. Գյումրու Դրամատիկականը պատրաստվում է տնօրենի ընտրությանը

«Գյումրու Վ. Աճեմյանի անվան պետական դրամատիկական թատրոնն անմասն չի կարող մնալ այն ամենից, ինչն այս պահին կատարվում է հանրապետությունում: Եթե մեր կոլեգաները խնդիրներ ունեն, նշանակում է՝ դրանք նաեւ մեր խնդիրներն են»,- այսօր հրավիրված ասուլիսում հայտարարել է Դրամատիկականի գեղարվեստական ղեկավար, տնօրենի ժպ եւ թեկնածու Լյուդվիգ Հարությունյանը:«Մենք չպետք է անմասն մնանք այն դեպքերից, որոնք հիմա Երեւանում են տեղի ունենում: Խնդիրը, որը հիմա ունեն մեր կոլեգաները, դա նաեւ մեր խնդիրն է, մենք երբեք մեզ մեկուսացված չենք պահում: Նման մի խնդիր էլ մեր մոտ կա: Առաջիկայում Վարդան Աճեմյանի անվան դրամատիկական թատրոնում կայանալու է տնօրենի թափուր տեղի համար հայտարարաված մրցույթը: Ես թատրոնի գեղարվեստական ղեկավարն եմ եւ տնօրենի ժպ-ն: Նաեւ թատրոնի գեղարվեստական խորհրդի եւ մեծ կազմի որոշմամբ մրցույթին մասնակցելու եմ որպես տնօրենի թեկնածու: Հիմա կոլեկտիվը լուրջ անհանգստություններ ունի, քանի որ, ինչպես գիտեք, այսօր մենք ունենք օպերային թատրոնի խնդիրը, այն, որ թատրոնում չի կարող մեկ անձը լինել ե՛ւ տնօրեն ե՛ւ գեղարվեստական ղեկավար»,-ասաց Լյուդվիգ Հարությունյանը:

Գյումրու դրամատիկականը բաց է ցանկացած համագործակցության համար: Բոլոր դերասաններն ու ռեժիսորներն այս թատրոնում ունեն ստեղծագործելու հնարավորություններ: Սակայն կառավարման հարցում աճեմյանցիները զգուշավոր են եւ կտրուկ: Նրանց թեկնածուն Լյուդվիգ Հարությունյանն է: Այլ մարդու թատրոնի տնօրենի պաշտոնում տեսնել չեն ցանկանում:

Հիշեցնենք, որ երկու տարի առաջ, երբ դրամատիկականի տնօրենի պաշտոնավարման ժամկետը լրացել էր, որի մասին, ի դեպ, դերասանական կազմն իմացել էր անակնկալ ձեւով, երկու թեկնածու էր մասնակցության հայտ ներկայացրել, ինչն էլ հարուցել էր աճեմյանցիների բողոքը: Թեկնածուների դեմ հավաքվել էր ստորագրահավաք, խնդրին արձագանքել էր Մշակույթի նախարարությունը:

Հիմա նման խնդրիներից խուսափելու համար եւ թատրոնն արհեստական ցնցումներից հեռու պահելու նպատակով աճեմյանցիները խորհուրդ տվեցին պատահական մարդկանց չխցկվել թատրոն: «Մեր միակ թեկնածուն Լյուդվիգ Հարությունյանն է»,-միաձայն հայտարարեցին նրանք:«Կուզենամ բոլորն իմանան, որ մենք որեւէ մեկին չենք կարող արգելել, ասել՝ մի մասնակցեք թատրոնի ընտրությանը, բոլորն էլ իրավունք ունեն եւ կարող են մասնակցել: Մեր դռները փակ չեն, երբ խոսքը գնում է գեղարվեսատական արժեքների, որակի մասին, մեր դռները բաց են, յուրաքանչյուր ռեժիսոր կարող է գալ, այստեղ բեմադրություն անել, իսկ կառավարումը պետք է անի տվյալ հաստատության մարդ, որը երկար տարիներ ապրել է թատրոնում: Մենք այդպիսի խնդիր չունենք՝ «թող ոչ ոք չգա մեր թատրոն», գիտեք, ստեղծագործողների համար թատրոնի դռները միշտ բաց են. տաղանդավոր ռեժիսորներ, դերասաններ կարող են գալ և ստեղծագործել մեր թատրոնում, իսկ թատրոնի կառավարման մեջ մենք ունենք հստակ աշխատաոճ, որը դեռ մեր նախկին տնօրեն Տիգրան Վիրաբյանի ղեկավարման ընթացքում է ձևավորվել, և շարունակելու ենք աշխատել նույն եռանդով և բնականոն հունով տանելու մեր թատրոնն առաջ»,-ասաց Լյուդվիգ Հարությունյանը:

Հարությունյանը հաղթելու դեպքում նաեւ չի բացառում, ոչ կդադարի գեղարվեստական ղեկավարը լինելուց: Դրանից դրամատիկականը չի տուժի: Կան ռեժիսորներ, ովքեր կարող են իրենց ուսերին այդ պատասխանատվությունը վերցնել: Հովհաննես Հովհաննիսյան, Ասպրամ Բաղդասարյան, Նիկոլայ Ծատուրյան:

«Բայց եթե որեւէ մեկը կլինի, որ կարողանա ասել, որ թատրոնում հիմա սխալ ընթացք է, սխալ կառավարում է, ես պատրաստ եմ նորն առաջարկելու եւ ասելու՝ արի ու աշխատի, բայց ես կարծում եմ, ակնհայտ է մեր զարգացումն ու առաջընթացը»,- ասուլիսը եզրափակեց Լյուդվիգ Հարությունյանը:

Նշենք, որ Գյումրու դրամատիկական թատրոնի տնօրենի մրցույթը կանցկացվի ս/թ ապրիլի 26-ին։

Աճեմյանցիները հանդիպումն ավարտեցին ծափերով: Այսօր Խորեն Աբրահամյանի ծննդյան օրն է:

Տպել
4004 դիտում

Գեորգի Կուտոյանի անժամանակ մահվան բոթը խիստ ցավալի էր և ցնցող. Էդուարդ Մարտիրոսյան

Հրդեհ է բռնկվել «Մամուլի» շենքի առաջին հարկում. հայտարարվել է հրդեհի բարդության «1-ԲԻՍ» կանչ

ՀՀ ԱԺ-ում մեկնարկել է Հայաստան-Արցախ միջխորհրդարանական հանձնաժողովի ընդլայնված նիստը

Դերասան Հովհաննես Ազոյանի միջադեպի գործով մեղադրանք է առաջադրվել 31-ամյա երիտասարդի

Ադրբեջանը խորհրդարանական արտահերթ ընտրությունների նախաշեմին է․ ընդդիմադիրները կշահարկեն Արցախյան հակամարտության թեման

Արցախում 15.2 տոկոսով աճել են ներմուծված, 19.6 տոկոսով՝ արտահանված ապրանքների թվերը

Երեւանում եւ Աշտարակում արգելափակված ավտոմեքենաները դուրս են բերվել

Կոտրել են «Իմ քայլը» խմբակցության պատգամավորի մեքենայի ապակին եւ գողացել անձնական փաստաթղթերով պայուսակը

6-ամյա Տիգրան Ամիրխանյանի բուժմանն ուղղվել է 700.000 դրամ. Տաթեւիկ Ռեւազյան

Հրազդանում «BMW X6»-ը բախվել է պատին. տուժածների թվում 3 աղջիկ կա

ՃՏՊ Երեւանում. «Mercedes E» մակնիշի ավտոմեքենայի 24-ամյա վարորդը մահացել է

Փակ է Հ-31 ավտոճանապարհի Հարթաշեն-Տաշիր հատվածը, Սյունիքի մարզի ավտոճանապարհներին առկա է մերկասառույց:

Հունվարի 18-ին 2 երկրաշարժ է գրանցվել ՀՀ-ում. ցնցումները զգացվել են Լոռիում եւ Շիրակի մարզում

Երեկ տեղացած ձյան պատճառով ավտովթարների թիվը Հայաստանում էականորեն ավելացել է. ՃՈ պետ

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք

Արարատի մարզում նախատեսված է հիմնանորոգել միջպետական եւ հանրապետական նշանակության 23,4 կմ ավտոճանապարհ