Գործադիրն ընդունեց կառավարության կառուցվածքի փոփոխության մասին նախագիծը․ այն կուղարկվի Ազգային ժողով

Կառավարության այսօրվա նիստում ՀՀ արդարադատության նախարար Արտակ Զեյնալյանը ներկայացրեց կառավարոթյան կառուցվածքային փոփոխությունների մասին նախագիծը:

Սա աղմկահարույց այն նախագիծն է, ըստ որի նախատեսվում է 17 նախարարությունից ունենալ 12 նախարարություն, երկու փոխվարչապետ՝ առանց առաջին փոխվարչապետի:

Նախագծով առաջարկվում է ունենալ հետեւյալ նախարարությունները․

1․ աշխատանքի եւ սոցիալական հարցերի նախարարությունը,
2․ առողջապահության նախարարությունը,
3․ արդարադատության նախարարությունը,
4․ արտակարգ իրավիճակների նախարարությունը,
5․ արտաքին գործերի նախարարությունը,
6․ կրթության, գիտության, մշակույթի եւ սպորտի նախարարությունը,
7․ շրջակա միջավայրի նախարարությունը,
8․ պաշտպանության նախարարությունը,
9․ տարածքային կառավարման եւ ենթակառուցվածքների նախարարությունը,
10․ բարձր տեխնոլոգիական արդյունաբերության նախարարությունը,
11․ Էկոնոմիկայի նախարարությունը,
12․ ֆինանսների նախարարությունը:

Նախատեսվող փոփոխությունների համաձայն՝ վարչապետի որոշմամբ կառավարության նիստերը կլինեն ամբողջությամբ դռնբաց:

Ինչպես ավելի վաղ հայտնել էինք՝ ամիսներ առաջ հրապարակած նախագծի նախնական տարբերակում նոր փոփոխություններ են արվել։ Մասնավորապես՝ բնապահպանության նախարարությունը վերանվանվել է շրջակա միջավայրի նախարարություն, բարձր տեխնոլոգիաների եւ ռազմարդյունաբերության նախարարությունը դարձել է բարձր տեխնոլոգիաների արդյունաբերության նախարարություն, գյուղատնտեսությունը դուրս է եկել տնտեսական զարգացման եւ գյուղատնտեսության նախարարության նախնական անվանումից եւ բուն կազմից։ Էներգետիկ ենթակառուցվածքների եւ բնական պաշարների նախարարությունն ու Տարածքային կառավարման եւ զարգացման նախարարությունը միաձուլման ձեւով վերակազմակերպվում են՝ ստեղծելով Տարածքային կառավարման եւ ենթակառուցվածքների նախարարություն:

Օրենքի նախագծի ընդունումից հետո նախատեսվում է Կառավարության որոշմամբ այս նախարարության ենթակայությանը հանձնել ոչ միայն միավորման արդյունքում համատեղ ենթակայությանը փոխանցված Ջրային կոմիտեն եւ Քաղաքացիական ավիացիայի կոմիտեն, այլեւ՝ Պետական գույքի կառավարման կոմիտեն:

Ըստ նախագծի՝ մշակույթի նախարարությունը, սպորտի եւ երիտասարդության հարցերի նախարարությունն ու կրթության եւ գիտության նախարարությունը միավորվում են եւ դառնում է Կրթության, գիտության, մշակույթի եւ սպորտի նախարարություն:

Սփյուռքի նախարարությունը միանում է վարչապետի աշխատակազմին: Վարչապետի աշխատակազմում ստեղծվելու է Սփյուռքի գործերի գլխավոր հանձնակատարի գրասենյակ:

Արտակ Զեյնալյանը նշեց, որ փաթեթի ընդունման եւ նախարարությունների վերակազմակերպման փուլում կրճատվող աշխատատեղերը հիմնականում վերաբերում են քաղաքական եւ հայեցողական պաշտոններին։

Նախարարությունների վերակազմակերպման գործընթացի սկզբնական արդյունքում թվաքանակի այլ փոփոխություն չի նախատեսվում, եւ միաձուլվող նախարարություններն իրենց բոլոր հաստիքներով տեղափոխվում են նոր ստեղծվող նախարարության կազմ՝ բացառությամբ վերը նշված պաշտոնների, ինչպես նաեւ կրկնվող, աջակցող ստորաբաժանումների ղեկավար հաստիքների։

Այսպիսով՝ նախագիծն ընդունվեց. այն կուղարկվի Ազգային ժողով:

Տպել
2007 դիտում

Զոհրաբ Մնացականյանը հանդիպում է ԵԱՀԿ ՄԽ համանախագահների և Անջեյ Կասպրչիկի հետ

ՊՆ փոխգնդապետ Արա Մխիթարյանի վիճակը դեռ ծայրահեղ ծանր է. հոսպիտալի պետի տեղակալ

Նիկոլ Փաշինյանի աշխատանքային այցն ԱՄՆ կատարվել է չարթերային չվերթով՝ մի քանի հանգամանքից ելնելով. խոսնակ

Ապօրինի պահվող հրացանով կաքավներ է որսացել. հանցագործությունը բացահայտվել է

ԼՀԿ խմբակցությունը որոշել է կողմ քվեարկել Հրայր Թովմասյանի լիազորությունները դադարեցնելու մասին նախագծին. Է. Մարուքյան

Նիկոլ Փաշինյանը ելույթ է ունենում Լոս Անջելեսի գործարար համաժողովին. ուղիղ

Կեցցե՚ս Հակոբ ջան. վարչապետը շնորհավորել է հայ ծանրորդին՝ հաղթանակի կապակցությամբ

Թբիլիսիի օդանավակայանում Հայաստանի քաղաքացու մոտ 1 կգ չհայտարարագրված ոսկի են հայտնաբերել

ՊԲ հրամանատար Կարեն Աբրահամյանին շնորհվել է գեներալ-լեյտենանտի զինվորական կոչում

ՀՅԴ-ն պետք է որոշակի վերագնահատումներ անի. վարչապետը՝ ՀՅԴ՝ ԱՄՆ Արևմտյան ափի ԿԿ ներկայացուցիչներին

Ճապկուտ գյուղում այրվել է մոտ 30 հա խոտածածկ տարածք

Դանակահարություն Լոռիում. 16-ամյա պատանին ներկայացել է ու խոստովանել

Արարատ Միրզոյանը Մոլդովայի խորհրդարանի նախագահի հետ քննարկել է համագործակցության հեռանկարները

Աշխարհի չեմպիոն հռչակվեց գյումրեցի ծանրորդ Հակոբ Մկրտչյանը

ԱԽ քարտուղարը հանդիպել է ԱԺ խմբակցությունների ղեկավարների հետ

Միջոցառումներ 100-ամյա ԵՊՀ-ում. ներկայացվել են դասախոսների եւ ուսանողների ձեռագործ աշխատանքները, գեղանկարները

«Գյումրի» ԲԿ-ն ճանաչվել է «Լավագույն մարզային բազմապրոֆիլ բժշկական կենտրոն»

Նման բան տեղի չի ունեցել առհասարակ. ՊՆ խոսնակը՝ վարչապետի որդու «կոնֆլիկտի» մասին

Վանաձորի բժշկական կենտրոնը՝ լավագույնս զարգացող մարզային բժշկական կենտրոն

Վերին Լարսի անցակետում հերթերը գոյացել են ՌԴ-ից եկող մեքենաներից. նախարարությունը կապի մեջ է