Թուրքիայում հայտնված հայկավանցու տրակտորը վերադարձվել է ամբողջապես թալանված

2018 թվականի սեպտեմբերի 30-ին հայ-թուրքական սահմանից անհետացած տրակտորը տիրոջը՝ Գոռ Կարապետյանին է վերադարձվել ամբողջովին թալանված եւ վնասված: Հիշեցնենք, որ տրակտորի հայտնաբերման մասին հայկական կողմը տեղեկացել էր դեռ փետրվարի սկզբներին: Խոստացել էին, որ տրակտորը կվերադարձնեն, եթե գյուղացին կարողանա ապացուցել, որ այն իսկապես իրեն է պատկանում: Իսկ սա, պարզվում է, լուրջ խնդիր է, քանի որ գյուղացիական այդ տեխնիկաները սովորաբար չունեն համապատասխան փաստաթղթեր: Գոռ Կարապետյանը, սակայն, կարողացել է ապացուցել, որ մեքենան իրենն է:«Փետրվարի 6-ին ռուսական զորամասից եկան, տեղյակ պահեցին, որ տրակտորի ու պռեսպատբոռչիկի նկարը սայթ է քցած, տեսցնենք քեզի, կճանչե՞ս, քու տրակտորն է, թե չէ: Գնացինք Ախուրիկի ուղեկալը, տեսա նկարը, տրակտորիս վրա ջարդած, փոխած բաներ կային, էլի, ես մանրամասն նկարագրեցի, հավատացին, որ հա, իմս է: Բայց տրակտորը տեսնելու ընձի չտարան: Թուրիքայի կողմեն բերին էս տրակտորը, գռուզավիկի բրա բարձած, իրանց T-150-ի հետեւից կապած, բուկսիռով, ու ոչ մի բան չկա մեջը: Էն հասարակ բոլտ ու գայկեքից բռնած, կլյուչներից բռնած, խոտհնձիչի պահեստամաս ունեի, որը դրված էր կաբինկի մեջ, ամեն բան թալանած է, նույնիսկ հայլիները, սաղ ջարդած, փչացրած է, շարժիչն էլ տեղն է, բայց տրաքած է, պիտանի չէ, բդի հանեմ, շպրտեմ»,-պատմեց Կարապետյանը:Տրակտորը սեպտեմբերին անհետացել էր մամլիչի հետ: Սակայն հայ-թուրքական սահմանից վերադարձվել է միայն թալանված եւ վնասված տրակտորը: Ասել են՝ մամլիչը չենք գտել:  

«Մամլիչի համար հարցրեցի, ասին՝ դեռ չենք գտել, հետո ինչ որ դակումենտ է, ինչ է գուզեն, չգիտեմ: Բայց տրակտորն, որ տարել են, էդ էլ հետն է էղել, ախր: Ասի՝ տրակտորը ուրդի՞ց եք գտել, ասին՝ ամայի տարածքից: Բայց ըդպես բան հնարավոր չէ: Նախ ամայի դաշտի մեջից չեն գտել, որովհետեւ եթե ըդպես եղնիր, ըդքան անձրեւը, ձյունը, վերն գուկար ու հմի բդի սաղ սառուց էղնիր: Տրակտորը խոտի դեզի տակն են պահել, սաղ մեջը ծղոտ է, ու սաղ ձեռքի վրձինով ներկած է»:Տրակտորն ու մամլիչը Կրապետյանի ապրուստի միակ միջոցներն էին: Դրանցով գյուղացիական աշխատանքներ էր իրականացնում: Ամիսներ առաջ, հույս ուներ, որ տրակտորը կգտնեին, կվերադարձնեին, կշարունակեր աշխատանքը: Այսօր, սակայն, հայ-թուրքական սահմանից տրակտորը վերադարձվել է ջարդոնի վերածված, իսկ այն նորոգելու եւ թալանված ավտոպահեստամասերը գնելու համար վերջինս գումար չունի:«Եթե շարժիչը վերանորոգեմ, 2000 դոլարից շատ կնստի վրես, չհաշված էն մյուս բաները: Թալանված մասերը, որ գտնեմ, գնեմ, մինչեւ 3000  դոլարի կհասնի: Բայց ես միջոց չունիմ: Ան գարնանային աշխատանքները կսկսվին, ես էլ էս տարկտորով գումար կաշխատեի, հմի չիդեմ, ինչ բդի էղնի: Քանիմ հատ ոչխար ունիմ, 4 հատ կով, որ ծախեմ, ըդքան չի էլ  էղնի, որ էդ գումարով ես գոնե տրակտորմ առնիմ»:Գոռ Կարապետյանն ասում է՝ կամ փոխմարզպետը, կամ գոնե նոր մարզպետը իր խնդրին հետամուտ լինի: Հնարավորության դեպքում նաեւ մամլիչը պահանջեն:

Դեպքով Հայաստանի կայազորային քննչական բաժնում նոյեմբերի 5-ին քրեական գործ է հարուցվել անհայտ անձի կողմից ուրիշին պատկանող առանձնապես խոշոր չափի գույքը գաղտնի հափշտակելու դեպքի առիթով: Եւս մեկ քրեական գործ էլ հարուցվել էր անհայտ անձի կողմից ՀՀ պահպանվող պետական սահմանը հատելու մասով: Այնուհետ քրեական գործը կասեցվել էր՝ որպես մեղադրյալ ներգրավված անձի ինքնությունը հայտնի չլինելու հիմքով:

Տպել
1248 դիտում

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասի

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)

Կայացել է ՀՀ նախագահի եւ ՀՀ վարչապետի հերթական աշխատանքային հանդիպումը (տեսանյութ)

Մանվել Գրիգորյանի դատավոր դուստրը, որին մակագրել էին Էջմիածնի քաղաքապետի դեմ հայցը, ինքնաբացարկ է հայտնել

ՀՀ-ի կողմից Հալեպի Հայ ծերանոցին և զինհոսպիտալին բժշկական պարագաներ են անհատույց տրամադրվել

ԵՊԲՀ պրոֆեսորադասախոսական կազմն արժանացել է ՀՀ ՊՆ պարգևների

Յուրի Խաչատուրովի որդին նորից հայց է ներկայացրել Սուրիկ Խաչատրյանի եւ Լորետա Բարսեղյանի դեմ. պահանջը նույնն է