Սենատում տապալվեց Թրամփի որոշումն արգելափակող օրինագիծը․ Արմենալի վրա ճնշումը կթուլանա

ԱՄՆ-ի Սենատում տապալվեց դեմոկրատական կուսակցության կողմից նախաձեռնած օրենքի ընդունումը, որը նախատեսում էր արգելափակել Միացյալ Նահանգների նախագահ Դոնալդ Թրամփի որոշումը՝ հանել պատժամիջոցները ռուս օլիգարխ Օլեգ Դերիպասկային նախկինում պատկանող Ռուսալ, EN+ եւ ԵվրաՍիբԷներգո ընկերություններից:

Ինչպես հայտնում է Ամերիկայի ձայնը, ու թեեւ Սենատում 100-ից 47 տեղ ունեցող դեմոկրատներին հաջողվեց համոզել իրենց նախաձեռնությանը կողմ քվեարկել եւս 11 հանրապետական սենատորի, հավաքելով 57 ձայն, անհրաժեշտ 60 ստանալ չհաջողվեց եւ նախաձեռնությունը տապալվեց: Հատկանշական է, որ նախաձեռնության կողմ հրաժարվեց քվեարկել նաեւ դեմոկրատ Բերնի Սանդերսը:

Հանրապետականներին այս քվեարկությունից հետ պահելու համար նախագահ Դոնալդ Թրամփն այս շաբաթ Կոնգրես էր ուղարկել ֆինանսների նախարար Սթիվեն Մնուչինին, ով սենատորներին հավաստիացնում էր, որ նշված երեք ընկերությունների դեմ ամերիկյան պատժամիջոցները կարող են հանվել, քանի որ օլիգարխ Դերիպասկան այլեւս դրանց բաժնեմասի 50 տոկոսից ավելին չի տիրապետում: Բոլոր սենատորներին սակայն համոզել չհաջողվեց: Ֆլորիդայից ազդեցիկ հանրապետական սենատոր Մարկո Ռուբիոն նշեց, մասնավորապես, որ Դերիպասկան հանձնել է բաժնետոմսերի մի մասը Ռուսաստանի պետական բանկերին՝ իրականում պահպանելով այդ ընկերությունների վրա ազդեցությունը:

Քվեարկությունից առաջ դիմելով գործընկերներին՝ Սենատում դեմոկրատական փոքրամասնության ղեկավար, Նյու Յորքի սենատոր Չաք Շումերն ասաց. «Կարծո՞ւմ եք արդյոք, որ Ամերիկան պետք է կոշտ քաղաքականություն որդեգրի Պուտինի նկատմամբ, թե՝ պետք է մեղմ վերաբերվենք Պուտինին ու նրա յուրայիններին»:

Հանրապետականների առաջնորդները սակայն մեղադրում են դեմոկրատներին քաղաքական շահերով առաջնորդվելու մեջ: «Նրանց հիմնական առաջնահերթությունը քաղաքական խառնաշփոթն է: Հենց դրանից են բխում բոլոր քայլերը», - հայտարարել է Սենատի հանրապետական մեծամասնության ղեկավար Քենթաքիի սենատոր Միտչ Մքքոնելը:

Արամ Համբարյանի կարծիքով, նախագահ Թրամփի որոշումը, որը չհաջողվեց խափանել Սենատում, թույլ կտա թուլացնել ճնշումը Հայաստանում գործող Արմենալ գործարանի նկատմամբ: Գործարանն աշխատանքով է ապահովում 700 մարդու եւ արտահանում է արտադրանքը Միացյալ Նահանգներ եւ այլ միջազգային շուկաներ, նշում է Համբարյանը:

Նրա խոսքով, Ամերիկայի Հայ դատի հանձնախումբը, չմասնակցելով պատժամիջոցների հանման վերաբերյալ բանավեճին, այնուամենայնիվ, շարունակելու է աշխատել թե՛ հանրապետական եւ թե՛ դեմոկրատ օրենսդիրների հետ, որպեսզի ապահովագրի Հայաստանը ԱՄՆ-ի որեւէ պատժամիջոցների հետեւանքներից:

Տպել
7306 դիտում

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու

Զարեհ Սինանյանը հանդիպել է Ռուսաստանի փոխարտգործնախարար Գրիգորի Կարասինի հետ

Նիկոլ Փաշինյանը ցավակցական հեռագիր է հղել Յուկիյա Ամանոյի մահվան կապակցությամբ

Մեկ ամսից երանի ենք տալու այս օրերին. Գագիկ Սուրենյան

«Փյունիկը» «Յաբլոնեցին» հաղթելու դեպքում կարող է խաղալ «Վուլվերհեմփթոնի» դեմ