Սունդուկյան թատրոնը մեկ ամսում տրամադրել է 300 անվճար տոմս. Կենսաթոշակառուների համար ծրագիրը մեկնարկել է

Նոյեմբերի 14-ից կենսաթոշակառուներն անվճար հիմունքներով ներկա են գտնվում պետական աջակցությամբ իրականացվող մշակութային միջոցառումներին: Նոյեմբեր ամսին 300 անվճար տոմս կենսաթոշակառուներին տրամադրվել է Գաբրիել Սունդուկյանի անվան դրամատիկական թատրոնը: Այս մասին ՀԺ-ի հետ զրույցում ասաց Սունդուկյան թատրոնի տնօրեն Վարդան Մկրտչյանը:

Ինչպես ավելի վաղ տեղեկացել էինք, ՀՀ աշխատանքի եւ սոցիալական հարցերի նախարարի պաշտոնակատար Մանե Թանդիլյանի եւ մշակույթի նախարարի պաշտոնակատար Լիլիթ Մակունցի կողմից ստորագրվել է համագործակցության հուշագիր, ըստ որի, կենսաթոշակառուներն անվճար կարող են ներկա լինել պետական աջակցությամբ իրականացվող մշակութային միջոցառումներին:

Լրագրողների հետ զրուցում Լիլիթ Մակունցը հայտարարել էր, որ ծրագրի մեկնարկը տրվելու է Սունդուկյան թատրոնից:

Վարդան Մկրտչյանի փոխանցմամբ՝ միայն նոյեմբեր ամսվա կտրվածքով 6 ներկայացումից 50 տեղ տրամադրվել է կենսաթոշակառուներին: «Մենք թվով 300 անվճար տոմս ենք տրամադրել: Նոյեմբերի 9-ին, 14-ին, 15-ին, 22-ին, 23-ին՝ այսօր եւ 28-ի ներկայացման համար 50-ական տեղեր ենք տրամադրել»,- ասաց Վարդան Մկրտչյանը:

Կենսաթոշակառուները Սունդուկյան թատրոնի նոյեմբերի խաղացանկից հասցրել են ներկա գտնվել հետեւյալ ներկայացումներին՝ «Ռիչարդ երրորդը», «Մուսա Լեռան 40 օրը», «Պատվի համար», «Պեպո»: Այսօր՝ նոյեմբերի 23-ին, ներկա կգտնվեն «Սասնա ծռեր»-ին, իսկ նոյեմբերի 28-ին «Մեծապատիվ մուրացկանները» ներկայացմանը:

Տնօրենից հետաքրքրվեցինք, թե որ օրերին է ավելի շատ եղել կենսաթոշակառուների թիվը, վերջինս, սակայն դժվարացավ պատասխանել. «Չեմ կարող այդպես հստակ ասել, որովհետեւ հիմնականում բոլոր ներկայացումներին էլ դահլիճը միշտ հագեցած է եղել, բայց վստահ կարող եմ ասել, որ օգտվում են իրենց մատուցված հաճելի նվերից»:

Վարդան Մկրտչյանն ասաց, որ դեկտեմբեր ամսին եւս նախատեսված է մի շարք ներկայացումների տոմսեր տրամադրել, վերջինս նաեւ նշեց, որ եթե հնարավորություն ունենան՝ 50-ից ավելի տոմսեր կտրամադրեն, բայց քանի որ նոյեմբեր, դեկտեմբեր ամիսները բավականին լավ ամիսներ են թատրոնների համար, դեռեւս շեմը 50-ն է:

Ծրագրի իրականացման նպատակով 2018 թվականի նոյեմբեր եւ դեկտեմբեր ամիսների ընթացքում նախատեսված եւ ծառայությանը (Սոցիալական ապահովության ծառայություն) տրամադրված մշակութային միջոցառումների տոմսերը ստանալու համար նոյեմբերի 13-ից կենսաթոշակառուներն անձը հաստատող փաստաթղթով եւ կենսաթոշակի վկայագրով կարող են այցելել Ծառայության տարածքային ստորաբաժանումներ եւ ստանալ միջոցառման տոմսը:

Հիշեցնենք, որ կենսաթոշակառուներին անհրաժեշտ է միջոցառման վայրում տոմսի հետ ներկայացնել նաեւ կենսաթոշակի վկայագիրը:

Տպել
1027 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը