Զիբիլիքսի աղմկոտ գործով ամբաստանյալ, ՀՀԿ-ական Հրայր Անտոնյանն ընդունում է մեղադրանքը. գործը կքննվի արագացված կարգո՞վ

Երեւանի ավագանու ընտրություններից հետո «Զիբիլիքս» անվանումը ստացած սկանդալային գործով դատական նիստն այսօր երկար չտեւեց:

Այս գործով անցնում է 11 ամբաստանյալ, նրանց թվում են Տարոն Մարգարյանի ընտրական շտաբի պետ, ՀՀԿ-ական Հրայր Անտոնյանը եւ «ՍԱՍ» սուպերմարկետների ցանցի տնօրեն Ստեփան Սահակյանը:

Այս աղմկոտ գործը քննվում է Երեւան քաղաքի ընդհանուր իրավասության դատարանի Կենտրոնի նստավայրում՝ դատավոր Տաթեւիկ Գրիգորյանի նախագահությամբ: Այսօրվա նիստը հետաձգվեց Ստեփան Սահակյանի պաշտպանի բացակայության պատճառով. վերջինս գրություն էր ուղարկել դատարան՝ նշելով, որ վատառողջ լինելու պատճառով չի կարող ներկա գտնվել նիստին, ուստի, խնդրում է հետաձգել այն եւ նշանակել մեկ այլ հերթի: Միաժամանակ միջնորդությամբ դատարան էր դիմել նաեւ նրա պաշտպանյալը՝ «ՍԱՍ» սուպերմարկետների ցանցի տնօրեն Ստեփան Սահակյանը, խնդրելով թույլատրել իրեն որոշ ժամանակ բացակայել հանրապետությունից: Դատարանը, սակայն նշեց, որ առանց պաշտպանի այս միջնորդությունը չի քննվի, ինչին ի պատասխան Սահակյանը պարբերաբար կրկնում էր՝ միջնորդությունը քննել պաշտպանի բացակայության պայմաններում: Դատավորը չփոխեց որոշումը եւ նիստը հետաձգեց:

Թե՛ Ստեփան Սահակյանը եւ թե՛ Հրայր Անտոնյանն այսօր դատարանում հրաժարվեցին պատասխանել մեր հարցերին, բացի դրանից ամբաստանյալները պաշտպաններին նույնպես խոսելու թույլտվություն չէին տվել: Այլ կերպ ասած՝ Անտոնյանն ու մյուսները որոշել են քար լռություն պահպանել սույն գործով:

Հրայր Անտոնյանին ու Ստեփան Սահակյանին մեղադրանք է առաջադրվել այն բանի համար, որ նրանք 2017թ. մայիսի 14-ին Երեւանի ավագանու հերթական ընտրությունների նախընտրական փուլում՝ նախնական համաձայնությամբ, իրենց համախոհների օժանդակությամբ, ընտրողներին տվել են կաշառք` Հանրապետական կուսակցության օգտին քվեարկելու համար: Մեզ հաջողվեց ճշտել, որ Հրայր Անտոնյանը, գործով անցնող մյուս ամբաստանյալներ Ալեքսան Խաչատրյանը եւ Երվանդ Բեգլարյանը ընդունում են իրենց առաջադրված մեղադրանքը, ավելին՝ մեր տեղեկություններով, նրանք ցանկանում են, որպեսզի գործը քննվի արագացված կարգով:

Մեղադրական եզրակացության համառոտ բովանդակությունում, սակայն չի նշվում, թե կաշառքի չափը որքան է կազմում: Մեր ունեցած տեղեկություններով, այն հասնում է շուրջ 100 հազար դոլարի:

Անցած տարի Երեւանի ավագանու ընտրությունների քարոզչության վերջին օրը «Ելք» դաշինքը իրավապահներին հանցագործության մասին հաղորդում էր ներկայացրել՝ դրան կցելով Հանրապետական Տարոն Մարգարյանի նախընտրական շտաբի մոտ տեղադրված աղբամաններից հայտնաբերված սկանդալային փաստաթղթեր, որոնք, ընդդիմադիր դաշինքի պնդմամբ, վկայում են, որ Հանրապետականի կողմից ընտրակաշառքի բաժանումը կրել է համակարգված եւ կենտրոնացված բնույթ:

Ըստ ԵԼՔ-ի՝ մոտ 30-էջանոց այդ նյութերը իրենց մոտ հայտնվել են, երբ Երեւանի գործող քաղաքապետ Տարոն Մարգարյանի Կոմիտաս 56 հասցեում գտնվող ընտրական շտաբի աշխատակիցը դրանք նետել է աղբամանը: Մոտ 30 էջից բաղկացած այդ նյութերում առկա էին ընտրողների ցուցակներ, մանրամասն նկարագրված էր՝ որտեղ եւ ինչպես է հարկավոր ընտրողներին գումարը փոխանցել: 

Ընդ որում, ԵԼՔ-ի պնդմամբ, ընտրակաշառքի բաժանման գործընթացում ներգրավված են եղել նաեւ իրավապահները, մասնավորապես՝ թղթերից մեկը Հանրապետականի շտաբ է ուղարկվել ոստիկանության ֆաքսի համարից, որտեղ նշված են եղել ոստիկանների անուն-ազգանունները, կոչում, պաշտոն, եւ թե որը քանի ձայն է բերելու:

Այս քրեական գործը դեռ 2017-ի հուլիսին կարճվել էր՝ հանցակազմի բացակայության պատճառաբանությամբ: ԵԼՔ-ը բողոքարկել էր ՀՔԾ-ի որոշումը եւ այս ամսվա սկզբին Երեւան քաղաքի ընդհանուր իրավասության դատարանի որոշման հիման վրա՝ դատախազի կողմից որոշում է կայացվել քրեական գործով վարույթը կարճելու որոշումը վերացնելու մասին, որն ուղարկվել է Հատուկ քննչական ծառայություն` քրեական գործով նախաքննություն կատարելու համար: Մայր գործով նախաքննությունը դեռ շարունակվում է:

Սույն գործով մյուս 9 ամբաստանյալներից Արմեն Ազոյանին մեղադրանք է առաջադրվել այն բանի համար, որ նա օժանդակել է 2017թ. մայիսի 14-ին Երեւանի ավագանու հերթական ընտրություններում ավագանու անդամի թեկնածու առաջադրված Հրայր Անտոնյանի եւ վերջինիս ընկեր Ստեփան Սահակյանի կողմից ընտրողներին` հիշյալ ընտրություններին մասնակցելու եւ Հանրապետական կուսակցության օգտին քվեարկելու համար կաշառք տալու հանրորեն վտանգավոր արարքի կատարմանը: Արմեն Ազոյանը ավագանու ընտրությունների ժամանակ հանձնաժողովի նախագահ է եղել:
Գործով անցնող մյուս ամբաստանյալներին՝ Երվանդ Բեգլարյանին, Աշոտ Գեւորգյանին, Հովհաննես Գալստյանին, Մինաս Շահինյանին, Ալեքսան Խաչատրյանին, Տարոն Սարգսյանին, Սեյրան Հակոբյանին եւ Հեղինե Փոգրարյանին էլ մեղադրանք է առաջադրվել այն բանի համար, որ նրանք ՀՀԿ-ի օգտին քվեարկելու համար կաշառք են տվել:

Ավելի վաղ ԵԼՔ-ը հրապարակել էր փաստաթղթերից մի քանիսը, որտեղ անուն-ազգանունների դիմաց գրված է եղել գումարների չափը: Դրանց թվում կան նաեւ այս գործով ամբաստանյալներից Հովհաննես Գալստյանը եւ Մինաս Շահինյանը: Ըստ այդ փաստաթղթի՝ 4/14 ընտրատեղամասին պատասխանատու Հովհաննես Գալստյանը 6 միլիոն 250 հազար դրամ է ստացել 600 կողմ ձայն ապահովելու համար: 4/15 տեղամասի պատասխանատու Մինաս Շահինյանը 6 միլիոն 250 հազար դրամ է ստացել 600 ձայն ապահովելու համար:

Նշենք, որ 11 ամբաստանյալի նկատմամբ որպես խափանման միջոց է ընտրվել չհեռանալու մասին ստորագրությունը: Եթե 11-ն էլ ընդունեն առաջադրված մեղադրանքը, ապա չի բացառվում, որ գործը քննվի արագացված կարգով:

Տպել
5045 դիտում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի