Նիկոլ Փաշինյանը մամուլի ասուլիսի ընթացքում բարկացավ. պատճառը «խոպանչի» բառն էր

Առաջիկայում նախատեսվում է Սեւանի շաքարի գործարանի վերագործարկում: Այս մասին լրագրողներին տեղեկացրեց Նիկոլ Փաշինյանը:

«Ո՞վ կարող էր նման բան երեւակայել 7 ամիս առաջ, չէր կարող լինել նման բան»,- ասաց Փաշինյանը՝ հավելելով, որ նաեւ առաջիկայում նախատեսվում է Հայաստանում բացել կենցաղային տեխնիկայի արտադրության գործարան:

Փաշինյանը նշեց, որ մի քանի խոշոր ներդրումների շուրջ այս պահին բանակցություններ են ընթանում:

Վարչապետը հայտարարեց, որ արտագնա աշխատողների հարկման մեխանիզմ գործող կառավարությունը չի քննարկում՝ անդրադառնալով արտագնա աշխատողներին հարկելու մասին հարցին։ Փաշինյանն ընդգծեց՝ չի կարող այնպես լինել, որ առաջնային հարկ վճարող 350 հազար վճարող հարկատուները հոգան երկրի անվտանգության, կրթության եւ պետական ողջ ապարատի ծախսերը։

Այնուհետ նա բարկացավ, երբ լրագրողն օգտագործեց «խոպանչի» բառը։ Լրագրողը, մասնավորապես, իր հարցում նշեց. «Աղմուկ է բարձրացրել ՊԵԿ-ի հայեցակարգը, որ քննարկվում է «խոպանչիներին» հարկելու խնդիրը, ՊԵԿ-ը հերքեց, բայց Կառավարության նիստից հետո ՊԵԿ նախագահն ասաց, որ գալու է մի օր, այդպես է լինելու, ստացվում է, որ մարդը դրսում հարկ է տալիս, հետո էլ կինը պետք է այստեղ հարկ տա»։

Հարցին Փաշինյանն արձագանքեց հետեւյալ կերպ. «Հարց, պատասխան, դատապարտում, քաջալերանք, ամեն ինչ կար ձեր հարցի մեջ, ինձ մնում է հիանալ ձեր ելույթով։ ՊԵԿ-ը պարզաբանում տվել է, ասել է, որ այդպիսի բան չկա։ Չի կարող մարդը մի տեղ հարկվի, հետո գա Հայաստան հարկվի, հետո բնակավայրի մոտ հարկվի, հետո էլ տնից դուրս գա, հարկվի, նման համակարգ չկա ու չի կարող լինել։ Ի՞նչ բառ է այդ բառը, արժանապատիվ անուն տվեք, հետո նրանց իրավունքները պաշտպանեք։ Այդպիսի նախագիծ եւ հայեցակարգ չկա, իսկ ընդհանրապես մենք ասել ենք՝ ուղիղ ժողովրդավարական կառավարություն ենք, չի կարող հարկային բեռի ավելացում լինել՝ առանց ժողովրդի քաջալերանքի»։

Նշենք, որ նախօրեին մամուլում լուրեր էին շրջանառվում, որ ՊԵԿ-ը ներկայացրել է մի հայեցակարգ, որով առաջարկվում է մտցնել համընդհանուր հայտարարագրման համակարգ եւ 23 տոկոս եկամտային հարկով հարկել արտագնա աշխատանքի մեկնածների ուղարկված գումարները, նաեւ հողից եկամուտ ստացող բոլոր գյուղացիներին: ՊԵԿ-ը հերքել է մամուլի այդ տեղեկությունները։

Տպել
2548 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան