Մյուս տարի բժիշկների աշխատավարձը կբարձրացնենք. առողջապահության նախարար

2019 թվականի բյուջեով նախատեսվում է Հայաստանի բոլոր ամբուլատոր պոլիկլինիկակական հաստատությունների անձնակազմի աշխատավարձը բարձրացնել։ Այս մասին բյուջետային քննարկումների ժամանակ ասաց առողջապահության նախարարի պաշտոնակատար Արսեն Թորոսյանը՝ արձագանքելով ԵԼՔ խմբակցության ղեկավար Լենա Նազարյանի հարցին։

Պատգամավորը հիշեցրեց, որ նախատեսվում է բժշկի հաշվարկային միջին ամսական աշխատավարձը գործող 178 հազարի փոխարեն սահմանել 240 հազար դրամ, բուժքրոջ աշխատավարձը՝ 80 հազարի փոխարեն սահմանել 120 հազար դրամ, կրտսեր բուժաշխատակազմի համար սահմանել 100 հազար դրամ աշխատավարձ եւ հետաքրքրվեց, թե բարձրացումը խնայողությունների հաշվի՞ն է լինելու, թե՞ բյուջետային հատկացում է լինելու՝ առանձին տողով։

«Խոսքը առողջության առաջնային պահպանման անձնակազմի աշխատավարձին է վերաբերվում, որի բյուջեն ավելացնում ենք, էս տարի էլ ենք աշխատավարձ բարձրացրել, մյուս տարի էլ կբարձրացնենք»,-ասաց Թորոսյանը, ապա անդրադառնալով Լենա Նազարյանի բարձրաձայնած թվերին՝ ասաց․

«Դրանք դրույքաչափերն են, որ դուք նշեցիք, իրականում բժիշկները դրանից տարբերվող աշխատավարձ են ստանում, կարող են բժիշկներ լինել, որ դրանից բարձր կստանան եւ հակառակը»։ Պատգամավորն անդրադարձավ նաեւ նախարարի՝ ծխելու դեմ պայքարի նախագծին՝ հետաքրքրվելով, թե հայտարարված 100 միլիոն դրամն ինչպես է կիրառվելու։ Թորոսյանն արձագանքեց՝ գումարը հիմնականում ուղղվելու է հանրային իրազեկման միջոցառումներին։

«Այն իրականցվելու է մրցույթների միջոցով եւ նպաստելու է մեր ընդհանուր քաղաքականության հանրային աջակցմանը, երբ հանրության մոտ կարծիք կփոխենք տարբեր վնասակար սովորույթների նկատմամբ՝ ծխել, խմել, սննդի վատ օգտագործում, շրջակա միջավայրի աղտոտում»,-ասաց նա։

Ինչ վերաբերում է ծխախոտի սահմանափակումների մասին օրենքին՝ նախարարի պաշտոնակատարն ասաց, որ այն հիմա շրջանառության մեջ է դրվել կառավարությունում, ըստ դրա, ավելացվելու է այն տեղերի ցանկը, որտեղ ծխելը թույլատրված չէ։ «Վստահ չեմ՝ այս ԱԺ-ին կհասցնենք ներկայացնել, թե ո չ, եթե չհասցնենք՝ այն կլինի մյուս խորհրդարանում»,-եզրափակեց Արսեն Թորոսյանը։

Տպել
1455 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության