Մենք ժպտում ենք. Արսեն Թորոսյանը՝ Արա Մինասյանի հայցադիմումների մասին

«Մենք ժպտում ենք»: Առողջապահության նախարար Արսեն Թորոսյանը այսպես արձագանքեց մեր հարցին, երբ հետաքրքրվեցինք, թե ինչ փուլում են Երեւանի «Սուրբ Գրիգոր Լուսավորիչ» բժշկական կենտրոնի նախկին տնօրեն Արա Մինասյանի դատական հայցերը, որոնք նա ներկայացրել էր ընդդեմ նախարարության ու նախարարի:

Հավելելով՝ նախարար Թորոսյանը նաեւ ասաց. «Ամեն ինչ արվել է օրենքի շրջանակներում եւ այդ ամեն ինչը կհաստատվի դատարանում, հուսով եմ: Իմ արած արտահայտությունների մեջ ներողություն խնդրելու բան չկա, այդ ամեն ինչը կներկայացվի դատարանում, եթե պետք լինի, հանրային էլ կներկայացվի»:

Պրոֆեսոր Արա Մինասյանը, որը, հիշեցնենք, նաեւ Սերժ Սարգսյանի խնամին է, զբաղեցրած պաշտոնից ազատվել էր իր ղեկավարած բուժհաստատությունում իրականացված ստուգումներից հետո: Դատական հայցերից մեկով նա պահանջում է վերականգնել իրեն նախկին աշխատանքում, մյուսով նախարարից պահանջում է ներողություն խնդրել վիրավորանքի համար եւ հրապարակայնորեն հերքել զրպարտություն հանդիսացող տեղեկությունները:

Առողջապահության նախարարությունը մինչ այդ հայտարարել էր, որ նշված բուժհաստատությունում իրականացված ուսումնասիրությունների արդյունքում հայտնաբերվել է, որ պետական բյուջեին հասցվել է շուրջ 545 միլիոն դրամի վնաս: Համապատասխան նյութերն ուղարկվել էին իրավապահ մարմիններին:

«Մարդիկ, որոնք մասնակցել են կեղծիքին, հիմա ցույց են անում: Ո՞նց չասես: Սա կազմակերպված հանցավորություն է, ու այդ կազմակերպած բանդայի մի մասը հիմա ցույց է անում, որ բանդայի պարագլուխը հանկարծ չզրկվի աթոռից: Ճի՞շտ եմ հասկանում: Երեւի ճիշտ եմ հասկանում: Ինչ վերաբերում է քրեական գործին եւ իրավական հետեւանքներին. 99 տոկոս վստահ եմ, որ այստեղ կան քրեական տարրեր, որովհետեւ այդ գումարները փաստացի շորթվել են պետությունից»,- նաեւ ասել էր նախարարը:

Մինասյանի հայցերի վերաբերյալ դատական նիստ առայժմ չի հրավիրվել: Նաեւ որեւէ օր դեռ նշանակված չէ:

Ինչ վերաբերում է տեղեկություններին, որ Արա Մինասյանն այլ աշխատանքի է անցել «Տաշիր Գրուպի» Մոսկվայում գտնվող կլինիկաներից մեկում, Արսեն Թորոսյանն ասաց, որ լսել է այդ մասին: «Լսել եմ նաեւ, որ Ռուսաստանի հարավային մարզերից մեկում ինչ-որ առողջարան են առել ու ինքը տնօրեն է, բայց դրանք բամբասանքների մակարդակի են, փաստեր չունեմ: Դա մեզ ճիշտն ասած քիչ է հետաքրքրում, մենք մեր գործով ենք զբաղվում»,- նշեց Արսեն Թորոսյանը:  

Տպել
4026 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան