Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Երեւանի թատրոնի եւ կինոյի պետական ինստիտուտի ուսանողների մի մասն այսօր դասադուլ էր անում եւ մասնավորապես պահանջում ռեկտոր Դավիթ Մուրադյանի հրաժարականը, իսկ նա հայտարարում է, որ իր անելիքը կորոշի՝ հարուցված քրեական գործի քննության ավարտից ու վերջնական իրավական եզրակացություն լինելուց հետո:  

Թատերական ինստիտուտում բողոքի այս ալիքը բարձրացել է ոստիկանության տարածած հաղորդագրության առիթով, որտեղ նշվում էր բուհում փաստաթղթեր կեղծելու եւ գումարներ վատնելու մասին: Ըստ այդմ, նախնական քննությամբ պարզվել է, որ 2012-2016 թթ․ ինստիտուտում անգլերենի դասախոս է հրամանագրվել անձնակազմի կառավարման, միջազգային համագործակցության եւ միջբուհական աշխատանքների գծով պրոռեկտորը։ Փաստացի չի դասավանդել, բայց ստացել է շուրջ 3 միլիոն 500 հազար դրամ աշխատավարձ: Մասնավորապես նաեւ պարզվել է, որ 2016 թվականի հունվարից, առանց հիմնավոր անհրաժեշտության՝ իբր ինստիտուտի կարիքների համար, տրանսպորտային միջոցի վարձակալության պայմանագիր է կնքվել պրոռեկտորներից մեկի կնոջ հետ։ Մեքենան շահագործել է պրոռեկտորը, իսկ ինստիտուտի ֆինանսական միջոցներից որպես վարձավճար եւ վարորդի աշխատավարձ վատնվել է շուրջ 8 միլիոն 150 հազար դրամ։

«Նորմալ է, որ ուսանողների արձագանքը պետք է բուռն լիներ ու հանգեր դասադուլի, որովհետեւ մայիսին մենք սկսեցինք խոսել այս խնդիրների մասին, որ տարեկան 600 հազար դրամ ուսման վարձ ենք մուծում, բայց դրա փոխարեն ոչինչ չենք ստանում, հավաքեցինք խնդիրների փաթեթը՝ կապված ծրագրերի հետ, ուսումնական տեխնիկայի պակասի, ամեն ինչի հետ, ինչ որ բուհի մեջ խանգարում է ուսանողին՝ լավ կրթություն ստանալու, պահանջեցինք ռեկտորի հրաժարականը, բայց իրավական հիմք չունենալու պատճառով չկարողացանք հասնել դրան»,- ասաց Թատերական ինստիտուտի ուսանողական խորհրդի նախագահի ժամանակավոր պաշտոնակատար Միլեն Բալդրյանը:

Լուսանկարում Միլեն Բալդրյանն է

Այսօր բողոքի ցույցին մասնակցող ուսանողները երկու պահանջ էին ներկայացնում՝ վերջին չորս տարվա ֆինանսական հաշվետվությունները եւ ռեկտորի ու երկու պրոռեկտորների հրաժարականը: Երրորդ պրոռեկտոր Հովհաննես Ավագյանն արդեն աշխատանքից ազատման դիմում է գրել: «Հաշվետվություններում մեզ հատկապես հետաքրքում է Մուրադյանի կառավարման շրջանը (2014 թվականից սկսած-խմբ.): Մեզ հուզում է, թե այդ շրջանում մեր վարձերը դեպի ուր են գնացել, բայց հստակ բացված տողատակերով: Ես կառավարման խորհրդի անդամ եմ եւ ունեմ այդ հաշվետվությունը, բայց այդ տարեկան հաշվետվությունները, որոնք ներկայացվում են, շատ ընդհանրացված են»,- շարունակեց մեր զրուցակիցը:

Նրա խոսքով, դասադուլին մասնակցում են բոլոր ֆակուլտետների առաջինից չորրորդ կուրսի ուսանողներ: Իսկ այն, որ հավաքվածների քանակը մեծ չէ, Միլեն Բալդրյանն այսպես պատճառաբանեց. «Հաշվի առնելով բուհի սպեցիֆիկան՝ մենք չենք փորձելու դասի պրոցեսին խանգարել, որովհետւ այնտեղ թատերական ներկայացումների կամ ֆիլմի նկարահանման աշխատանքներ են գնում, որոնք եթե ասենք այսօր չարվեն, ամբողջ այդ պլանավորածը ջուրն է ընկնելու: Դրա համար մենք չենք խանգարում: Ովքեր ազատ են, ովքեր ցանկություն ունեն, գալիս են եւ իրենց մասնակցությունը ունենում են: Ինչ-որ չափով հերթափոխի է նմանվում, բայց բոլորը իրենց ֆիզիկական ներկայությունը գոնե որոշ չափով ապահովում են այստեղ»: Անդրադառնալով վերը նշված բնույթի ու ծավալի չարաշահումներին ու այն հանգամանքին, որ դրանք, փաստորեն, առնչվում են պրոռեկտորին եւ ոչ ռեկտորին, Միլեն Բալդրյանը կարծիք հայտնեց, որ հրապարակված խախտումներն ամբողջը չեն, ու նաեւ նկատեց, որ բուհում կատարվող ամեն ինչի համար պատասխանատվություն է կրում ռեկտորը:  

Իսկ մինչ քրեական գործի քննությունը կավարտվի, ու դրա արդյունքում ռեկտոր Մուրադյանը կորոշի՝ շարունակե՞լ պաշտոնավարելը, թե չէ, նա առաջարկում է ուսանողներին գալ եւ ծանոթանալ իրենց հետաքրքրող հաշվետվություններին: «Յուրաքանչյուր ֆինանսական տարվա ավարտին մենք հաշվետվություն ենք տալիս կառավարման խորհրդին, որտեղ 25 տոկոսը ուսանողներ են՝ լիարժեք ձայնի իրավունքով: Տող առ տող հաշվետվությունը գրվում է, որովհետեւ այդ ամբողջը ներկայացվում է նաեւ հարկային մարմիններին, ֆինանսների նախարարություն, կրթության եւ գիտության նախարարություն: Երկու ժամից ավելի տեւում է այդ կառավարման խորհրդի նիստը: Մենք ներկայացնում ենք բոլոր ծախսերը: Եթե ուշադիր չեն եղել կամ այդքան լուրջ չեն վերաբերվել իրենց պարտականություններին կառավարման խորհրդում, կարող են հենց հիմա հինգ, վեց, յոթ հոգի ընտրել իրենց միջից, մտնել հաշվապահություն եւ ամեն ինչը տեսնել, կարդալ, համեմատել, ուսումնասիրել»,- ասաց Դավիթ Մուրադյանը: Լուսանկարում՝ ռեկտոր Դավիթ Մուրադյանը

Շեշտեց նաեւ, որ Թատերական ինստիտուտը միշտ է ունեցել արտաբյուջեի միջոցներով վարձակալված մեքենաներ, որովհետեւ բուհը հսկայական աշխատանքային կարիքներ եւ անհրաժեշտություններ ունի: «Եթե առավոտը պրոռեկտորներին բերում են տնից, իրիկունը տանում են, բա ամբողջ ցերեկը ինչ են անում: Եթե մենք այդքան արտասահմանյան հյուրեր ունենք, չեն գնո՞ւմ օդանավակայան՝ դիմավորեն, բերեն կամ, հակառակը, տանեն: Եթե հաշվապահությունը բանկ է գնում, որպեսզի գումար կանխիկացնի, ձեր կարծիքով այդ կանխիկացված գումարը ոտքո՞վ պիտի բերի: Պիտի բերի մեքենայով, որպեսզի պաշտպանված լինի»,- ասաց ռեկտորը: Իսկ հարցին, թե ինչպես է որոշվել՝ ումից վարձակալել ավտոմեքենան, նա պատասխանեց. «Որեւէ օրենք չի արգելում, որ եթե դա պրոռեկտորի տիկնոջ անունով է, վարձակալել չի կարելի: Գուցե այստեղ կա մի քիչ չարաշահման հանգամանք, բայց օրենքը չի արգելում: Մեքենան աշխատել է այս բուհի կարիքների համար, կատարել է բազմաթիվ, տարատեսակ հանձնարարություններ: Եթե առավոտը բերել է աշխատանքի, իրիկունն էլ տարել է տուն, դա էլ հանցանք չէ: Պրոբլեմը կարող է լինել բարոյական, թե ինչու հենց պրոռեկտորի կնոջ, բայց ցույց տվեք ինձ այն օրենքը, որը դա արգելում է»:

Հ.Գ. Թատերական ինստիտուտում հանդիպեցինք նաեւ ուսանողների, որոնք չեն շտապում միանալ դասադուլին: Երկրորդ կուրսում սովորող ապագա դերասան Հովհաննես Դիշչյանն ասաց, որ առայժմ չի համոզվել դրա անհրաժեշտության մեջ: «Եթե ես գամ այդ գաղափարին, որ պետք է մասնակցեմ, կմասնակցեմ: Բայց միայն ոստիկանության հաղորդագրությունը ինձ համար քիչ է: Մինչեւ քննությունը չավարտվի, ես չեմ կարող կարծիք կազմել կամ կարծիք հայտնել, որովհետեւ ամեն մեկը կարող է ինչ-որ մի բան ասել ու տարբեր կարծիքներ հնչեն»,- նկատեց նա: Հավելենք, որ Թատերականի դասադուլ անող ուսանողին իր աջակցությունն է հայտնել «Ռեստարտ» ուսանողական քաղաքացիական նախաձեռնությունը, որի անդամների մի մասն այսօր այս բուհում էր:

Տպել
4121 դիտում

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը