10 լրատվամիջոց սփյուռքի նախարարությունից 20 մլն գումար է վերցրել. գործը ՔԿ-ում է

ՀՀ սփյուռքի նախարարության հաշվեկշռում գտնվող «Հայրենիք-Սփյուռք» պետական ոչ առեւտրային կազմակերպությունը հայտնվել է կոռուպցիոն աղմուկի կենտրոնում:

Այս տարվա օգոստոսի 31-ին ՀՀ քննչական կոմիտեն հաղորդագրություն տարածեց եւ տեղեկացրեց, որ կառույցի ՀԿԳ քննության գլխավոր վարչությունում հարուցվել է քրեական գործ՝ նշյալ ՊՈԱԿ-ի պաշտոնատար անձանց կողմից առերեւույթ չարաշահումներ կատարելու դեպքի առթիվ։

Բանն այն է, որ այս ՊՈԱԿ-ի կողմից 2015 թվականի ընթացքում պետական բյուջեով հատկացված դրամաշնորհի շրջանակներում հայտարարվել է մրցույթ՝ ծառայությունների գնման նպատակով: Մրցույթին մասնակցության հայտ է ներկայացրել երեք ընկերություն, որոնցից մեկը ներկայացրել է 21 մլն 244 հազար ՀՀ դրամով ցածր գնային առաջարկ, քան՝ մյուս ընկերությունները, ինչը մերժվել է։ Փոխարենը՝ ծառայությունների մատուցման պայմանագրերը կնքվել են մյուս երկու ընկերությունների հետ՝ պետությանը պատճառելով էական վնաս:

Վերոնշյալից զատ 2015-2018 թվականների ընթացքում ՊՈԱԿ-ը որոշ լրատվամիջոցների հետ կնքել է պայմանագրեր՝ վճարովի հեռուստաեթեր, հոդվածներ եւ այլ հրապարակումներ պատվիրելու նպատակով: Խոսքը, մասնավորապես, «Հայաստան-սփյուռք գործակցության թեմայով հեռուստահաղորդումների եւ տեսահոլովակների պատրաստում, հեռարձակում, ձեռք բերում եւ բազմացում» եւ «Արի տուն» դրամաշնորհային ծրագրերի մասին է:

«Հայկական ժամանակ»-ը, գրավոր հարցման միջոցով, սփյուռքի նախարարությունից ձեռք է բերել այն լրատվամիջոցների ցանկը եւ նրանց տրամադրված գումարի չափը, որոնք վճարովի ծառայություններ են մատուցել գերատեսչությանը: Լրատվամիջոցների ընդհանուր թիվը 10-ն է:

Այսպիսով՝ 2016 եւ 2017 թվականին սփյուռքի նախարարության բյուջեից յուրաքանչյուր տարվա համար «Արմնյուզ» հեռուստաընկերությանը տրամադրվել է 6 մլն դրամ, իսկ 2018 թվականի համար՝ 2 մլն 7 հարյուր հազար դրամ: Ընդհանուր առմամբ՝ 3 տարվա համար այդ գումարը կազմել է 8 մլն 7 հարյուր հազար դրամ: «Արմնյուզ» հեռուստաընկերությունը «ՊանԱրմենիան» մեդիա հոլդինգի մաս է կազմում, որի սեփականատերերից է Վատիկանում ՀՀ արտակարգ եւ լիազոր դեսպան Միքայել Մինասյանը՝ Սերժ Սարգսյանի փեսան:

Այս երեք տարիների ընթացքում 3 մլն 6 հարյուր հազար դրամ տրվել է «Գոլոս» ՍՊԸ-ին, որը իրականացնում է golosarmenii.am ռուսալեզու կայքի աշխատանքները: Նույն ժամանակահատվածում 1 մլն 200 հազար դրամ է փոխանցվել «Tert.am» էլեկտրոնային կայքին: Այս լրատվամիջոցը եւս «ՊանԱրմենիան» հոլդինգի խմբի լրատվամիջոց է: 1 մլն 840 հազար դրամ է տրամադրվել «Առավոտ» օրաթերթին: Միայն 2016 թվականին կես միլիոն դրամ է ստացել «Ասեկոսե» ՍՊԸ-ն: 

Սփյուռքի նախարարության հետ համագործակցել է «Ավանգարդ-Տաթև» ՍՊԸ-ն, որն իրականացնում է «Ավանգարդ» թերթի էլեկտրոնային եւ տպագիր տարբերակների թողարկումները: Այս լրատվամիջոցին 2016, 2017 եւ 2018 թվականներին բաժին է հասել 1 մլն 500 հազար դրամ: 1 մլն 300 հազար տրվել է «Հանրային» ռադիոյին, 750 հազար` «Մարինե Դումանյան» ԱՁ-ին եւ 1 մլն 100 հազար՝ «Յոր իմիջ» ՍՊԸ-ին:

Ի դեպ, «Յոր իմիջ» ՍՊԸ-ն պետռեգիստրի կայքում գրանցված է Արմենիկա Գեւորգի Կիվիրյան ՀՀ քաղաքացու անունով: Նույն քաղաքացու անունով է գրանցված նաեւ «Նյուզ ԷՅ ԷՄ» ՍՊՆ-ն, որն իրականացնում է News.am կայքի աշխատանքները:

Ընդհանուր հաշվարկով՝ 2016, 2017 եւ 2018 թվականներին այս լրատվամիջոցներին նախարարության կողմից փոխանցվել է 20 միլիոն ՀՀ դրամ:

Տպել
3568 դիտում

Գառնիի բնակիչը տան այգում կանեփ է աճեցրել՝ անձնական օգտագործման համար

Նախարար Արսեն Թորոսյանը պատասխանում է աշակերտների հարցերին

135 կենցաղային կանչ, 60 հրդեհի ահազանգ, 99 ՃՏՊ, 112 տուժած. 911-ն ամփոփել է անցած շաբաթը

Հայրենիք վերադարձած երիտասարդները ձեռնարկել են Հայաստանը աղբից մաքրելու գործը. նրանք ուզում են՝ ամեն ինչ ավելի լավ լինի

Քոչարյանի գործով դատավորն ինքնաբացարկ հայտնեց. դատարանը հրապարակեց որոշումը

ԿԳՄՍ փոխնախարար Գեւորգ Լոռեցյանը չի ընդունում իրեն առաջադրված մեղադրանքը. պաշտպան

Ձերբակալվել են մաքսային ծառայության պաշտոնատար 6 անձինք. ՊԵԿ

Խորհրդարանը քննարկում է փակ տարածքներում ծխելը սահմանափակելու օրինագիծը

Պայթուցիկի պայթյունից տուժած 10-ամյա Գարուշ Թարվերդյանը դուրս է գրվել հիվանդանոցից

Դանակահարված 16-ամյա պատանու կյանքին այլեւս վտանգ չի սպառնում

Իրաքում մեկ գիշերում 20-ից ավելի ցուցարար է սպանվել

«Ծննդատները ոչ մի առնչություն չունեն». Ռազմիկ Աբրահամյանը՝ երեխաների ապօրինի որդեգրման մասին

Երկրորդ դասարանցիները մաքրում են դասասենյակը. դա հավաքարարի՞, թե՞ աշակերտի գործը պետք է լինի

Զգում եմ, որ փոթորիկ է լինելու. Աննա Հակոբյանը հրապարակել է «Առաջին տիկինների ծնկների» լուսանկարները

Գազը մինչև 2020 թ. ապրիլ չի թանկանալու. Մհեր Գրիգորյան

Ապրիլյան պատերազմի քննիչ հանձնաժողովի աշխատանքների վերջնական փուլում լսելու են մոտ 40 պաշտոնյայի

Ինչո՞ւ պետք է աշխատողը վճարի՝ չաշխատող մարդու առողջության ապահովագրության համար

Կենտրոնի «թաղապետարանի» 184 աշխատակիցները Նոր տարին կտոնեն համայնքի միջոցներով. գումարը 5 միլիոնից կնվազեցվի 3 միլիոնի

Բեռնատար ավտոմեքենան արգելափակվել է ձյան մեջ

Բացահայտվել է ավտոմեքենաներից կատարված երկու տասնյակից ավելի գողության դեպք. մեկ անձ կալանավորվել է