Իսրայելական ընկերությունը Գյումրիում ազատ առեւտրի գոտի կստեղծի եւ դուրս կգա ԵԱՏՄ շուկա

21/02/2018 schedule15:28

Իսրայելական «Լոջիստիք էֆ թի զի» ընկերության եւ Գյումրու քաղաքապետարանի միջեւ այսօր կնքված փոխըմբռնման հուշագրով ընկերությանը հանձնվեց 330 հա հողատարածք՝ Գյումրու Մարմաշենի խճուղու աջ ու ձախ հատվածները: Այն բաժանված է լինելու 4 մասի, որոնց վրա կառուցվելիք շինություններում աշխատանքներ են ծավալելու ոչ միայն իսրայելական, այլեւ համաշխարհային հայտնի ընկերությունները:

«Այս տարածաշրջանում նախագիծն  ընտրված է այն մտքով, որ պետք է ծառայի Եվրասիական միության շուկային, ոչ թե Հայաստանի, կամ Գյումրիի: Եվ այն ընկերությունները, որոնք գալու են այստեղ աշխատելու, իրենց շուկան լինելու է ամբողջ Եվրասիական միությունը»,- նշեց նախագծի հեղինակ, Իսրայել-Հայաստան առեւտրային պալատի նախագահ Ցվի Կան-Տորը:

Գյումրին ծրագրի հիմքում է, քանի որ այստեղ կա օդանավակայան, նաեւ հանգիստ քաղաք է: Սրանք կարեւոր նախապայմաններ են լոգիստիկ կենտրոնի հիմնման համար: Գյումրին նախագծից իր օգուտը կունենա աշխատատեղերի մասով: Միլիոնավոր դոլարների ներդրմամբ իրականացվող ծրագրով թե ինչքան աշխատատեղ կբացվի, դեռ հստակ չէ, մի քանի հազարի մասին է խոսքը: Սկզբի համար Գյումրի կգան եւ տեղում կաշխատեն ընկերությունների արտասահմանյան մասնաճյուղերի աշխատակիցները, նրանք նաեւ տեղում կիրականացնեն վերապատրաստումներ, որպեսզի գյումրեցի աշխատակիցները եւս կարողանան  գործի անցնել:

Ընկերությունները եւ իրենց պատրաստի ապրանքը կբերեն Գյումրի, կփաթեթավորեն, այնուհետ օդային ճանապարհով կարտահանեն, որոշ մասը նաեւ տեղում կարտադրեն:

«Մենք պետք է Գյումրիում ինչ-որ բան արտադրենք, որպեսզի կարողանանք օգտվել հարկային արտոնություններից: Ծրագրի նպատակն է ստեղծել ազատ առեւտրի գոտի հիմնականում լոգիստիկ գործառույթ իրականացնող ընկերությունների համար, խոշոր ցանցային ընկերությունների համար, որոնք գալիս են էլեկտրոնային առեւտրի ոլորտից, նաեւ ընկերություններ կգան, որոնք զբաղվում են դեղերի փաթեթավորմամբ կամ կենցաղային ու էլեկտրոնային սարքավորումների հավաքմամբ, դրանք խոշոր միջազգային ընկերություններ են, որոնք ունեն իրենց մասնաճյուղերն աշխարհի տարբեր երկրներում: Գյումրին ընտրված  է Հայաստանում որպես կենտրոն Եվրասիական շուկան սպասարկելու համար եւ այն  ընկերությունները, որոնք գալիս են Գյումրի, աշխատելու են Եվրասիական շուկայի վրա»,- ասաց Ցվի Կան-Տորը:

Իսրայելական ընկերությունը տարածքի ընտրությունը քաղաքապետարանի հայեցողությանը չի թողել: 2017-ի հոկտեմբերին, երբ հանդիպել են քաղաքապետի հետ, հստակ Մարմաշենի խճուղու աջ եւ ձախ կողմերն են ուզել: Հուշագրի ստորագրումից հետո, վաղվանից կողմերն անցնելու են փոխադարձ պարտավորությունների կատարմանը: Քաղաքապետարանը ձեռնամուխ է լինելու Շիրակ օդանավակայանից  դեպի Մարմաշենի խճուղի շրջանցիկ ճանապարհի կառուցմանը, «Լոջիստիք էֆ թի զի»-ն՝ ընկերությունների հետ պայմանագրերի հստակեցմանը: Կառավարությունը Գյումրի-Իսրայել այս  համագործակցության պայմանագիրը կստորագրի 3 ամսից:

Տպել
3082 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան