Ադրբեջանը չի կարող խանգարել, որ «Արցախը» մասնակցի բասկետբոլի ՀՀ առաջնությանը

Ադրբեջանը ոչնչով չի կարող խանգարել, որպեսզի Արցախի Հանրապետության «Արցախ» բասկետբոլային թիմը հանդես գա ՀՀ կանոնավոր առաջնությունում՝ Ա լիգայում: Այս մասին այսօր՝ դեկտեմբերի 18-ին, լրագրողների հետ հանդիպման ժամանակ ասաց Հայաստանի բասկետբոլի ֆեդերացիայի փոխնախագահ, Ա լիգայի տնօրեն Արա Պողոսյանը: Նա նշեց, որ Ադրբեջանը բողոքի նոտա է հղել Բասկետբոլի միջագային ֆեդերացիա (ՖԻԲԱ), սակայն արդյունքի չի հասել, քանի որ Ա լիգան ներկայացված է որպես անկախ լիգա, որին կարող է մասնակցել ցանկացած թիմ:

«ՖԻԲԱ-ն վարում է մեր առաջնության ստատիստիկան, ՖԻԲԱ-ն է անում, մենք չենք: ՖԻԲԱ-ի կայքում կարող եք նայել, «Արցախի» վիճակագրությունը կա հենց ՖԻԲԱ-ի կայքում: Մենք այս հարցում ռիսկի գնացինք, ու արդարացվեց. ունենք Ա լիգա, ունենք «Արցախ Ստեփանակերտը», որն այս պահին ընթանում է 2-րդ տեղում»,- ասաց նա:

Արա Պողոսյանը գնահատեց նաեւ ՀՀ անդրանիկ առաջնության ընթացքը: 1-ին շրջանն արդեն ավարտվել է, եւ նրա խոսքով՝ կա հետաքրքիր պայքար, դրամատիկ սցենարով բազմաթիվ մրցավեճեր են լինում, սակայն խնդիրները նույնպես ակնհայտ են:

«Օրինակ՝ մրցավարությունը: Ուզում ենք դա շտկել՝ Եվրոպայից մասնագետներ հրավիրելով, սեմինարներ անցկացնելով: Պարզ դարձավ, որ մարզչական շատ սուր պրոբլեմ ունենք. եւ՛ մանկապատանեկան, եւ՛ բարձրագույն խմբի թիմերի մարզիչների մարզիչների պակասություն կա»,- ասաց նա:

Անհանգստացնում են նաեւ մարզադահլիճների պայմանները: Որոշ թիմերի դահլիճներ անմխիթար վիճակում են, ու դրանից տուժում է նաեւ բասկետբոլի որակն ու դիտարժանությունը: Խոսքն առաջին հերթին «Արթիկի» ու «Շիրակի» մասին է:

««Արթիկը», «Շիրակը» խաղեր են անցկացնում շատ վատ պայմաններում: Չէի էլ պատկերացնում, որ դաշտերի այդպիսի պրոբլեմ կա: Յութուբով կարող եք նայել. թվում է՝ խաղացողի պրոբլեմն է, որ գնդակը վարելիս այն թռնում է 5 մետր այն կողմ, բայց իրականում դա հատակի խնդիրն է»,- ասաց նա՝ ավելացնելով, որ վերանորոգման հարցերով իրավասու են զբաղվելու տեղական ինքնակառավարման մարմինները, քանի որ դահլիճները նրանցն են:

Ամեն դեպքում Պողոսյանին գոհացնում է մարզաձեւում դրական տեղաշարժը: Նրա խոսքով՝ ՀՀ-ում բասկետբոլի նկատմամբ ուշադրությունը մեծանում է: Թե մարզաձեւով զբաղվել ցանկացողների թիվն է աճում, եւ թե հովանավորներն են սկսում հետաքրքրություն ցուցաբերել: Ըստ նրա՝ այդպիսով թե՛ գործող թիմերի վիճակը կարող է բարելավվել եւ թե՛ կարող են թիմեր ավելանալ:

Մասնակիցների քանակն ավելանալու նախադրյալներ կան: Մյուս տարվանից Ա լիգային կարող են մասնակցել «Հոմենեթմենը», թիմեր կարող են ներկայացնել Դիլիջանի միջազգային դպրոցը, որը հիանալի պայմաններ ունի, եւ « Դինամո ՄՀԿ»-ն, որը նույնպես հնարավորություններ ունի:

Ֆինանսական պատճառներով ոչ մի թիմ դուրս չի մնա առաջնությունից, քանի որ մասնակցությունը մեծ փողերի հետ կապված չէ ՝ հիմնականում ճանապարհածախս եւ համազգեստի գումար, որը ՀՀ ֆեդերացիան հոգում է, եթե դիմում են: Թիմերը կարող են հեռացվել միայն վատ որակի բասկետբոլի պաճառով: Այս պահին նման բան սպառնում է միայն «Ինժեներին», որը 6 պարտություն ունի, եւ ըստ Արա Պողոսյանի՝ նույնիսկ չի երեւում, թե ինչի հաշվին թիմը կարող է շտկել իրավիճակը:

Տպել
2649 դիտում

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 37.5 հա տարածք

«Տնաքանդությունը մեղք է». բռնել եւ տկլորացնել

Ի՞նչ արժեն մեր մատնահետքերը. փող տպելու մեքենա

Սենատոր Լինսի Գրահամը «վետո» կիրառեց Ցեղասպանության բանաձևի նկատմամբ. Սուրեն Սարգսյան

«Մի բուռ ոսպով, առանց յուղի». նրանց կյանքը ուրիշ է

Բացահայտվել են օտարերկրացիների կողմից երեխաների ապօրինի որդեգրման բազմաթիվ դեպքեր (տեսանյութ)

Մեր աղոթքն ենք մատուցում համայնքի հոգևոր հովվի և նրա հոր հոգիների խաղաղության համար. Գարեգին Բ

Ապարանի ոստիկանները ապօրինի ծառահատման դեպք են բացահայտել (տեսանյութ)

Հայտնաբերվել է Արենիին պատկանող և 2 մլն դրամ արժողությամբ խողովակները գողացած անձը (տեսանյութ)

Նոյեմբերի 14-ին Աջափնյակի մի շարք հասցեներում 12 ժամով կդադարեցվի ջրամատակարարումը

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան