Վարչապետի դիրքերը թուլացվում են. Սերժ Սարգսյանը ֆինանսական հոսքերն իր ձեռքում կպահի

Կառավարության այսօրվա նիստում գործադիրը հավանության արժանացրեց «Հայաստանի իրավազորություն» հիմնադրամ ստեղծելու մասին եւ «Հայաստանի իրավազորություն» ծրագրի մասին որոշումների նախագծերը, որոնք գործադիրին ներկայացրեց տնտեսական զարգացման եւ ներդրումների նախարար Սուրեն Կարայանը:

Ինչպե՞ս որոշվեց նման հիմնադրամ ստեղծել

Կառավարության որոշման նախագծից պարզ է դառնում, որ Սերժ Սարգսյանը դեռեւս նոյեմբերի 26-ին հրամանագիր է ստորագրել, որպեսզի «Հայաստանի իրավազորություն» հիմնադրամ ստեղծվի: Մինչ այս պահը նախագահականի կայքում հրամանագիրը հասանելի չէ: Այսօր կայացվեց որոշում՝ ստեղծել «Հայաստանի իրավազորություն» հիմնադրամ, որի հիմնադիրը կառավարությունն է, իսկ լիազոր մարմինը, նախագահին առընթեր «Հայաստանի իրավազորություն» ծրագրի խորհուրդը: Այսօր հիմնադրամի տնօրենի պաշտոնում ժամանակավորապես նշանակվեց Սերժ Սարգսյանի խորհրդական Աշոտ Ասլանյանը, որը պետք է երկու ամսում հիմնադրամը գրանցի:

Որտե՞ղ է գործելու հիմնադրամը եւ ովքեր են ղեկավար մարմնում

 Պարզվում է, Հիմնադրամի գտնվելու վայրը Երեւանի կենտրոնում գտնվող «Պիացցա Գրանդե» բիզնես կենտրոնն է, որը Կենտրոնական բանկի եւ առավել հայտնի՝ Փոստի շենքի, մեջտեղում է տեղակայված: Armtimes.com-ին հայտնի դարձավ, որ հիմնադրամը դեռ չգրանցած այդ բիզնես կենտրոնի 2-րդ հարկում գտնվող մի ընդարձակ տարածք վարձակալվել է:

Տնտեսական զարգացման եւ ներդրումների նախարարության լրատվական բաժնի ղեկավար Անահիտ Խեչոյանը Armtimes.com-ին փոխանցեց, որ իրականում սխալմունք է եղել եւ վրիպակի հետեւանքով կառավարության որոշման նախագծում տեղ է գտել Վազգեն Սարգսյան 10 հասցեն, իրականում հիմնադրամի համար տեղ է հատկացվելու նախարարության շենքում՝ Մհեր Մկրտչյան փողոցի վրա տեղակայված շենքում: Անդրադառնալով հիմնադրամի նախաձեռնող խմբի ցանկի վերաբերյալ մեր հարցին՝ նա ասաց, որ պաշտոնական ցանկ չկա:

Armtimes.com-ի հետ զրույցում, սակայն նախաձեռնող խմբի անդամ Աշոտ Ասլանյանն ասաց, որ հնարավոր է վարձակալեն տարածք «Պիացցա Գրանդե»-ում, սակայն այդ դեպքում իրենց միջոցներով եւ որեւէ գումար պետության միջոցներին չի կարող նախատեսվել այդ նպատակի համար:

Հիմնադրամն իրավաբանական անձի կարգավիճակ ձեռք կբերի պետական գրանցման պահից ու կգործի անժամկետ, իսկ արտերկրում կարող է ունենալ մասնաճյուղեր, կարող է անդամակցել միջազգային եւ օտարերկրյա ոչ պետական կազմակերպությունների:

Այս պահի դրությամբ, հիմնադրամի խորհրդի նախագահն է Սերժ Սարգսյանի խորհրդական Արամ Ղարիբյանը, խորհրդի կազմում են ֆինանսների նախարար Վարդան Արամյանը, Տնտեսական զարգացման եւ ներդրումների նախարար Սուրեն Կարայանը եւ «Անիվ» հիմնադրամի հոգաբարձուների խորհրդի նախագահ Արտյոմ Կոնստանդյանը:

Հիմնադրամի նպատակը

Հիմնադրամը կարող է ձեռնարկատիրական գործունեություն իրականացնել: Հիմնադրամի գույքը հիմնականում կձեւավորվի հիմնադրամի ներդրումներից, դրամաշնորհներից, հիմնադրամի եւ իր կողմից ստեղծված կամ իր մասնակցությամբ տնտեսական ընկերությունների ձեռնարկատիրական գործունեությունից ստացված, ինչպես նաեւ ՀՀ օրենսդրությամբ չարգելված այլ միջոցներից: Հիմնադրամի նպատակն է աջակցել`

ֆինանսական, հարկաբյուջետային եւ դատական ոլորտներում ենթակառուցվածքային լուծումներ նախապատրաստելու եւ խթանելու, օրենսդրական եւ ենթաօրենսդրական փոփոխությունների նախագծեր մշակելիu,

Ներգրավել ՀՀ ֆինանսական միջոցներ, տեխնոլոգիաներ, կոմպետենցիաններ

Նպաստել Հայաստանի միջազգային վարկանիշի որպես գրավիչ և մրցունակ բարձրացման, իրավազորություն,

Ապահովվել ֆինանսական հոսքերի արագ աճ,

Բարձրացնել երկրի ներդրումային ունակություններ, Խթանել Հայաստանի տնտեսության եւ մարդկային կապիտալի զարգացման համար:

Գործունեության ուղղություններն են`

Պատրաստել օրենսդրական ակտերի նախագծեր, առաջարկներ, կարծիքներ:

Ստեղծել ձեռնարկատիրական եւ տնտեսական գործունեություն ծավալող մարմիններ «Հայաստանի իրավազորություն» ծրագրի շրջանակներում, որոնք ֆինանսական միջոցներ կտրամադրեն հիմնադրամի նպատակներին ծառայելու համար.

Համագործակցել տարբեր կառավարական մարմինների հետ

Մշակել թիրախային լուծումներ թիրախային խմբերի համար

Մշտադիտարկել եւ ուղղորդել գործընթացները

Ստեղծել հաղորդակցության միջոցներ ծրագրի իրականացման համար:

Այսինքն՝ այս հիմնադրամն ունի բոլոր այն գործառույթները, որոնցով օժտված է կառավարությունը: Օրինակ՝ ներդրողներ բերել, օրենքներ ստեղծել, ստեղծել բարենպաստ միջավայր ձեռնարկատիրական գործունեության համար եւ այլն:

Հիմնադրամի մասին մինչեւ այս շշուկ անգամ չի եղել: Իսկ այն փաստը, որը ՀՀԿ համագումարի օրը՝ նոյեմբերի 26-ին, է Սերժ Սարգսյանը հիմնադրամ ստեղծելու հրամանագիրը ստորագրել, հետաքրքրական է: Քանի դեռ հիմնադրամի գործունեությունը տեսանելի չէ, միայն կարելի է ենթադրել, թե այն ինչ նպատակ կարող է ունենալ, սակայն հիմնադրամի հոգաբարձուների խորհրդի նախագահի անձի հանգամանքն արդեն վկայում է այն մասին, որ Սերժ Սարգսյանն անձամբ է վերահսկելու Հայաստանում ներդրումներին, ֆինանսական հոսքին, կապիտալի տեղաշարժին:

Տպել
4824 դիտում

29 Հրշեջ-փրկարար եւ 40 բնակիչ մարել են Արենի, Չիվա և Ռինդ գյուղերի միջնամասում բռնկված հրդեհը

Մարտունի քաղաքի արտահերթ ՏԻՄ ընտրություններում քաղաքապետ է ընտրվել Էդիկ Ավանեսյանը

Ազատամուտ գյուղում այրվել է փայտյա տնակ (տեսանյութ)

Ներքաղաքական պայքարի անվան տակ

Սևանավանքի տարածքում մարդկային կուտակումներ և անկանոն հերթեր չեն արձանագրվել․ ԲԸՏՄ

Վաղը քննությունների ամենածանրաբեռնված օրն է. մաթեմատիկայից քննություն կհանձնի ավելի քան 5000 դիմորդ. նախարար

Հուլիսի 7-ին տեղի կունենա Վորոնեժ-Երևան չվերթը

Սևանում և Գավառում խստացված ստուգումներ են. ՍԱՏՄ-ն շարունակում է մշտադիտարկումները սննդի շղթայի օբեկտներում

Աթլետիկայի համաշխարհային ֆեդերացիան պաշտոնապես հայտարարել է մի քանի համաշխարհային ռեկորդների վավերացման մասին

Եկեղեցու տոնացույցով այս տարի Վարդավառը հուլիսի 19-ին է

Հայ-ռուսական հարաբերությունների մասին

Հրդեհ Նուբարաշեն վարչական շրջանում. այրվել է մոտ 200 խմ տոլ (տեսանյութ)

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

ԱԻՆ ջրափրկարարները վերսկսել են հունիսի 26-ից կորած քաղաքացու ստորջրյա որոնողական աշխատանքները

Վթար Ապարան-Վարդենիս ավտոճանապարհին․ տուժածի վիճակը գնահատվել է բավարար

Կիևյան կամրջի տակ դի է հայտնաբերվել

Իրենց արշինով են չափում

Մոտ օրերին ուլտրամանուշակագույն ճառագայթումը նորմայից բարձր է լինելու․ խորհուրդ է տրվում խուսափել ուղիղ ճառագայթներից

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած