Կարեն Կարապետյանը եւ 7000 գազպրոմականները

Վարչապետ Կարեն Կարապետյանը անդամագրվեց հանրապետական կուսակցությանը: Իհարկե, սրա մեջ սենսացիա չկա, բայց փաստը առավել հետաքրքրական է դառնում, երբ այն համադրում ենք ըստ էության հաստատված այն տեղեկատվության հետ, որ Կարապետյանի հետ ՀՀԿ են մտել 7 հազար հոգի, որոնց մեծամասնությունը «Գազպրոմ Արմենիա» ընկերության աշխատակիցներ:

Սա թերեւս առաջին դեպքն է, որ 100 տոկոս օտարերկրյա բաժնեմասով ընկերության մի քանի հազար աշխատակիցներ դառնում են որեւէ կուսակցության անդամ: Նրանք, իհարկե, ՀՀ քաղաքացիներ են, բայց եթե հաշվի առնենք, թե վարչական լծակը ինչպիսի մեծ ազդեցություն ունի հայաստանցիների քաղաքական կամ ընտրական կողմնորոշումների վրա, պատկերը այլ երանգներ կստանա:

Ինչու՞ է Կարեն Կարապետյանը այսպես մտնում ՀՀԿ. նա ուզում է ցույց տալ, որ ինքը հերթական զոհ-վարչապետը չէ, որին Սերժ Սարգսյանը երբ ուզենա պաշտոնանկ կանի: Կարապետյանն այսպիսով, ի ցույց է դնում, որ ինքը որոշակի սոցիալական հենարան ունի Հայաստանում, համախոհների բանակ: Եւ այն փաստը, որ այդ համախոհների կազմակերպված մասը գրեթե 100 տոկոսով աշխատում է ռուսական ամենահզոր ընկերությունում, թափանցիկ ակնարկ է, թե ում հետ գործ ունենք ի դեմս գործող վարչապետի:

Վերջինս այս կոմբինացիայով ֆիքսում է իր առանձին քաղաքական գործոն լինելը ոչ միայն Հայաստանում, այլեւ իշխող կուսակցության ներսում: Եւ այդ գործոնը կարող է դառնալ բեւեռ, որը կարող է կամաց-կամաց իր ձեռքում կենտրոնացնել իշխող կուսակցության լծակները:

Սերժ Սարգսյանը այս նրբությունները չի կարող չհասկանալ: Բայց նա դրան հանդարտ է վերաբերվում եւ լավատեսորեն. ի վերջո Կարեն Կարապետյանը եւ 7000 նորագիրներն այն գործոնն են, որ պիտի ապահովեն Մոսկվայի ցանկությունը՝ իշխող կուսակցության դերում շարունակել տեսնել ՀՀԿ-ին: Մանավանդ որ, Սերժ Սարգսյանը հայտարարեց, որ եթե 2017 թվականի խորհրդարանական ընտրություններում ՀՀԿ-ն հաղթի, կառավարությունը ղեկավարելու է Կարեն Կարապետյանը:  

Նշանակու՞մ է այս հայտարարությունը արդյոք, որ Սերժ Սարգսյանը իշխանությունը փոխանցելու է Կարեն Կարապետյանին: Ի վերջո չմոռանանք. փոփոխված Սահմանադրությամբ վարչապետն է այլեւս լինելու պետության առաջին դեմքը: Նման բան, սակայն, տեղի է ունենալու 2018 թվականի ապրիլից: Մինչ այդ ժամկետը Սերժ Սարգսյանը կարող է մնալ Բաղրամյան 26-ում, պահպանելով այսօր ունեցած բոլոր լիազորություններն ու լծակները:

Իսկ այն պահին, երբ Սերժ Սարգսյանի լիազորությունները կավարտվեն, եւ կընտրվի նոր՝ սահմանափակ լիազորություններով նախագահ, ահա այդ նույն օրը համաձայն փոփոխված Սահմանադրության, կառավարությունը պետք է հրաժարական տա եւ պետք է նշանակվի նոր վարչապետ: Եթե ՀՀԿ-ն իրոք մեծամասնություն լինի ԱԺ-ում, պիտի որոշի՝ ո՞վ է իր վարչապետը: Թեկնածուները հասկանալիորեն երկուսն են լինելու. Սերժ Սարգսյան եւ Կարեն Կարապետյան:

Այս իրավիճակում ՀՀԿ անդամ դարձած 7000 նորագիրները դժվար թե կարողանան օգնել Կարեն Կարապետյանին, եթե վերջինս ԱԺ ՀՀԿ խմբակցությունում մեծամասնություն չունենա: Իսկ ԱԺ-ում սեփական մեծամասնություն ունենալու համար նա պետք է ՀՀԿ համամասնական ցուցակ, ապա եւ խորհրդարան մտցնի իր մարդկանց: Իսկ իր մարդիկ դժվար թե ներկուսակցական պայքարում ի վիճակի լինեն հաղթել Շարմազանով-Աշոտյան+երկրապահական+օլիգարխ+կրիմինալ թեւին:

Դեռ հարցականի տակ է. արդյո՞ք ինքը Կարապետյանը կկարողանա որպես պատգամավորի թեկնածու ընդգրկվել ՀՀԿ համամասնական ցուցակում: Նա վերջին 5 տարիներին աշխատել է Մոսկվայում` որպես «Գազպրոմբանկի» նախագահի առաջին տեղակալ: Եթե այս պաշտոնում իրոք աշխատել է, ուրեմն չէր կարող վերջին հինգ տարում մշտապես բնակվել Հայաստանում, ինչը պարտադիր պայման է պատգամավորի թեկնածու լինելու համար: Իսկ եթե այդ ընթացքում Երեւանում է եղել, ու փաստացի չի աշխատել, ինչու՞ է մոսկովյան բանկը նրան աշխատավարձեր վճարել: Մի՞թե որպես քաղաքական դիվերսանտ: Դժվար թե:

Ծառուկյանի պահը

Կարապետյանի 7000-անոց վոյաժը կարող է էապես ազդել Գագիկ Ծառուկյանի քաղաքականություն վերադառնալու որոշման վրա: Եթե Ծառուկյանը հաջորդ խորհրդարանում էական ներկայություն ունենա, նա կարող է 2018-ին միանալ Կարեն Կարապետյանի ռուսական կառավարության ձեւավորմանը: Ի վերջո, Ծառուկյանը ռուսական ազդեցության տիրույթում է:

Եթե Սերժ Սարգսյանը նման հեռանկարի վտանգ տեսնի, միանշանակ Ծառուկյանին կարգելի վերադառնալ քաղաքականություն: Եթե, իհարկե, կարողանա Մոսկվայում իր այս արգելքի նկատմամբ ըմբռնում ձեւավորել:

Հիմա, ի դեպ, Սերժ Սարգսյանի համար Մոսկվային տրվելու ժամանակաշրջան է. երկարատեւ դիմադրությունից հետո նա զիջում է լեզվի հարցով, Մոսկվայի վստահելի մարդուն վարչապետ է նշանակում եւ ՌԴ մայրաքաղաքում պատերազմի հանցագործ համարվող Գարեգին Նժդեհի գաղափարներով առաջնորդվող կուսակցությունում բաժնեմաս է տալիս «Գազպրոմին»:

Ի դեպ, ՀՀԿ վերջին համագումարում տեղի ունեցան ծրագրային փոփոխություններ: Հանրապետականները համարել էին, որ Աստծո անունը ինչ-որ շատ է հիշատակված իրենց ծրագրում. պետք է քչացնել: Սա թերեւս նախերգանքն է՝ Նժդեհի անունից կուսակցության ծրագրի հետագա մաքրազերծումների համար: Եթե Աստծուն կարելի է հանել, Նժդեհն ո՞վ է, որ չհանեն:

Իսկ վերջինիս արձանը դեռ էն գլխից բոլոր նմանեցնում էին Պետրոս 1-ինին: Այս պարագայում ընդամենը պատվանդանի անունը փոխելու հարց է:

Արման Կարապետյան
վերլուծաբան

Տպել
3916 դիտում

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է