Կարեն Կարապետյանը չի կարող լինել ՀՀԿ համամասնական ցուցակում. նա 4 տարի ապրել է ՀՀ-ից դուրս

Վարչապետ Կարեն Կարապետյանը հինգշաբթի օրը կառավարության նիստի ժամանակ հայտարարեց, որ Հանրապետական կուսակցությանն անդամակցելու դիմում է գրել:

Իսկ այսօր ՀՀԿ համագումարի ժամանակ նա կընտրվի գործադիր մարմնի անդամ եւ չի բացառվում, որ դառնա կուսակցության փոխնախագահ: Այսքանից հետո արդեն տրամաբանական է, որ նա առաջիկայում ընդգրկվի ՀՀԿ՝ 2017թ. խորհրդարանական ընտրությունների համար ձեւավորվելիք համամասնական ցուցակում: Անգամ հարցադրումներ կան՝ նա՞, թե Սերժ Սարգսյանն է գլխավորելու այդ ցուցակը: Բայց արդյոք Կարեն Կարապետյանն ունի՞ համամասնական ցուցակում ընդգրկվելու իրավունք. սա այն ցուցակն է, որում ընդգրկվածը դառնում է պատգամավորի թեկնածու: Ընտրական օրենսգրքի 84-րդ հոդվածի համաձայն՝ պատգամավորի թեկնածուն պետք է ներկայացնի «տեղեկանք՝ ընտրական ցուցակներում ընդգրկված պատգամավորի թեկնածուների` վերջին չորս տարում միայն ՀՀ քաղաքացի հանդիսանալու եւ վերջին չորս տարում ՀՀ-ում մշտապես բնակվելու մասին»:

Իսկ Կարեն Կարապետյանը վերջին չորս տարիներին ՀՀ-ում մշտապես բնակվե՞լ է: Նրա կենսագրությունից տեղեկանում ենք, որ 2011թ. Երեւանի քաղաքապետի պաշտոնից հրաժարվելուց հետո նշանակվել է «Գազպրոմբանկ» ՓԲԸ-ի առաջին փոխնախագահ, այնուհետեւ 2012-2016թթ., այսինքն մինչեւ ՀՀ վարչապետ դառնալը եղել է «Գազպրոմ Մեժռեգիոնգազ» ընկերության գլխավոր տնօրենի տեղակալը:

Հիշեցնենք, որ նա 2016թ. սեպտեմբերի 13-ին է նշանակվել ՀՀ վարչապետ: Այս ժամանակագրությունը ցույց է տալիս, որ Կարապետյանը 2012թ. մինչեւ այս տարվա սեպտեմբերի 13-ը, այսինքն ավելի քան 5 տարի մշտապես Հայաստանում չի բնակվել: Ճիշտ է, երբեմն եկել է հայրենիք, բայց դժվար թե կարողանար այստեղ ապրել: «Գազպրոմ» ընկերության համակարգում վերը նշված բարձր պաշտոններ զբաղեցնելը ենթադրում է, որ Կարապետյանը անցած այդ տարիներին մշտապես բնակվել է ՌԴ-ում: Որքան էլ ցանկանանք, չենք կարող պատկերացնել, որ նա այդ պաշտոններում իր աշխատանքը կատարել է Հայաստանից: Ահա առաջիկայում ՀՀԿ-ն եւ Կարեն Կարապետյանը կանգնելու են այս դժվարին խնդրի առջեւ:

Երեկ ԱԺ պետաիրավական հանձնաժողովի նախագահ Հովհաննես Սահակյանին հարցրինք՝ Կարապետյանն իրավունք ունի՞ ընդգրկվել ՀՀԿ համամասնական ցուցակ, չէ՞ որ նա վերջին 4 տարիներին ՌԴ-ում բարձր պաշտոններ է զբաղեցրել: «Ես լավ չգիտեմ, վարչապետի փաստաթղթերը: Հասկանում եմ հարցի շեշտադրումն ու նրբությունը, բայց այդ հարցին չեմ կարող պատասխանել»,- պատասխանեց Սահակյանը:

«Մեր Սահմանադրությունը եւ Ընտրական օրենսգիրքը չի նախատեսում, որ Գազպրոմում լինելը հիմք է, որ նա ցուցակում չլինի»,- Հ. Սահակյանի խոսքը կտրելով՝ փորձեց սրամտել ԱԺ աշխատակազմի ղեկավար Հրայր Թովմասյանը:

Բայց չէ՞ որ այդ նույն Սահմանադրությունն ու օրենսգիրքը մշտական բնակություն ունենալու պահանջ են ներկայացնում՝ մեր դիտարկմանը Թովմասյանն արձագանքեց. «Ճիշտ է, ՀՀ մշտական բնակիչ պետք է լինի: Մշտական բնակության դեպքում տեսեք, թե ԸՕ-ն ինչ է սահմանել»:

Վերջինիս հիշեցրինք ԸՕ-ի վերը նշված հոդվածն ու իր պահանջները: «ՀՀ քաղաքացին կարող է նաեւ այլ տեղ աշխատել, կարող է նաեւ ժամանակավոր այնտեղ ապրել: Բայց նայեք մշտական բնակության ցենզը»,- նորից հակադարձեց Թովմասյանը:

Այս խնդիրը փորձեցինք պարզել նաեւ ՀՀԿ կազմակերպչական հանձնաժողովի նախագահ Ռուբեն Թադեւոսյանից, որը ընդունում է անդամակցության դիմումները, հետո նաեւ ցուցակներն է կազմավորում ու ներկայացնում Կենտրոնական ընտրական հանձնաժողով: «Չեմ կարծում, որ վարչապետն այդ առումով խնդիր ունի, որքան ինձ հայտնի է, նա շատ կարճ ժամանակով է բացակայել»,- պատասխանեց Թադեւոսյանը:

«Եթե մենք դա դիտարկում ենք ոչ իրավական պետության ներքո, որտեղ չի գործում դատական անկախ համակարգը, գործում է մեկ անձի ցանկությունների համակարգ, հետեւաբար ամեն ինչ կարող է լինել, ինչը մենք տեսել ենք: Մեր դեպքում Րաֆֆի Հովհաննիսյանին, որն ապրում էր ՀՀ-ում, չտվեցին մշտական բնակության տեղեկանք, քաղաքացիություն չտվեցին Ժիրայր Սեֆիլյանին, որը հերոս է եւ սպա է եղել զինված ուժերում: Բայց այն անձը, որը դիմում է ներկայացնում ՀՀԿ, եւ որին նման տեղեկանք չտալու իրավական հիմքերը առկա են, կշրջանցեն օրենքի այդ պահանջը: Իհարկե, ՀՀԿ-ն նրան կարող է ընդգրկել իր ցուցակում, բայց նրա թեկնածությունը պետք է մերժի ԿԸՀ-ն»,- հակադարձեց «Ժառանգություն» խմբակցության պատգամավոր Զարուհի Փոստանջյանը:

ԿԸՀ նախագահ Տիգրան Մուկուչյանն էլ, անդրադառնալով այս հարցին՝ պարզապես ընթերցեց ԸՕ 84-րդ հոդվածը. «Պատգամավորի թեկնածուն պետք է ներկայացնի «տեղեկանք՝ ընտրական ցուցակներում ընդգրկված պատգամավորի թեկնածուների` վերջին չորս տարում միայն ՀՀ քաղաքացի հանդիսանալու եւ վերջին 4 տարում ՀՀ-ում մշտապես բնակվելու մասին»:

Այդ դեպքում արդեն ՀՀԿ-ական Կարեն Կարապետյանն առաջիկայում ինչպե՞ս պետք է ընդգրկվի այդ կուսակցության համամասնական ցուցակում: Տիգրան Մուկուչյանը հրաժարվեց պատասխանել:

Իհարկե, կան նաեւ «Բնակչության պետական ռեգիստրի մասին» օրենքը եւ «Բնակչության պետական ռեգիստրի համակարգ ներդնելու մասին» կառավարության որոշումը, որոնք պահանջում են, որ թեկնածուն տարվա գոնե 6 ամիսը պետք է ապրի ՀՀ-ում: Բայց կրկին դժվար է պատկերացնել, որ Կ. Կարապետյանը իր այդ բարձր պաշտոններում ՀՀ-ից է աշխատել: Մեր երկրում, իհարկե, անհնար բան այսպիսի պարագաներում չկա:

Հիշեցնենք, որ մոտ երկու տասնամյակ առաջ էլ Ռոբերտ Քոչարյանը ՀՀ տեղափոխվելուց ընդամենը ամիսներ անց առաջադրվեց նախագահի թեկնածու: Նա ներկայացրել էր պահանջվող՝ ՀՀ-ում 10 տարի մշտական բնակություն ունենալու տեղեկանք: Հետո պարզաբանելով իրավական այդ հակասությունը՝ ասել էր, թե ոչ ոք դեռ չեղյալ չի համարել 1989թ. դեկտեմբերի 1-ի Խորհրդային Հայաստանի Գերագույն խորհրդի եւ ԼՂՀ Ազգային խորհրդի համատեղ նիստում կայացված Հայաստանի եւ Արցախի վերամիավորման որոշումը: Այս դեպքում էլ հավանաբար կարող ենք ասել, որ ԵՏՄ-ն մեր մեծ հայրենիքն է:

Տպել
3965 դիտում

Տոնածառ, լուսային զարդարանքներ. Երևանի որ վարչական շրջանն ինչպես է դիմավորելու Նոր տարին, և որքան գումար է հատկացվել

Շահումյան գյուղի տներից մեկում բռնկված հրդեհից հետո ծխահարված դի է հայտնաբերվել

Մեխը խփել, հագնել սրբի շորեր, սկսել պայքարել մշակութային արժեքներ մեխողների դեմ. Դավոյանը՝ 5-րդ ալիքի օպերատորի մասին

««Եվրատեսիլ»-ի իրական կախարդանքը». լուսանկարներ՝ տոնական Երևանից

Հիմնանորոգվում է Գոշավանքի հանրապետական նշանակության ավտոճանապարհը

Ողբերգական դեպք Արմավիրի մարզի գյուղերից մեկում. 2․5 ամսական տղա երեխան մահացած տեղափոխվել է հիվանդանոց

Պետք է մարդիկ զգան տոնական տրամադրությունը. շոուբիզնեսի ներկայացուցիչները՝ քաղաքի ամանորյա զարդարանքի մասին

Տեսնես Ժուռնալիստների միությունն ու Սաթիկ Սեյրանյանը կանդրադառնա՞ն սույն լրագրողական շեդեվրին. Ստյոպա Սաֆարյան

Հայաստանը դարձնել ավելի դիմակայուն երկիր. տեղի է ունեցել «Թվինինգ» ծրագրի փակման արարողությունը

Բյուրեղավանի գործող համայնքապետը լեգիտիմ չէ. «քաղաքական կրկնագողությանը» վերջ ենք դնելու. Վլադիմիր Վարդևանյան

ԿԳՄՍ նախարարի տեղակալ Կարեն Թռչունյանն առցանց ձևաչափով մասնակցել է Տոկիոյի կոնվենցիայի չորրորդ համաժողովին

Երկրաշարժ Մեղրիից 7 կմ հյուսիս-արևելք․ ցնցումները զգացվել են Ագարակում, Կապանում, Շվանիձորում ու Ալվանքում

«Դատապարտյալների հիվանդանոց» և «Սևան» ՔԿՀ-ներում կանխել են արգելված իրերի փոխանցումները

Նիկոլ Փաշինյանի գլխավորությամբ կայացել է Հաշմանդամություն ունեցող անձանց հարցերով զբաղվող ազգային հանձնաժողովի նիստ

Շահումյան գյուղի տներից մեկում ծուխ է․ ներսում քաղաքացի կա

ՀՀ վարչապետին ներկայացվել է Տարածքային կառավարման և ենթակառուցվածքների նախարարության 2022թ. գործունեության կատարողականը

Պեստիցիդների ներմուծման պահանջները կխստացվեն․ թունաքիմիկատների գրանցման համար սահմանվել է հստակ ժամկետ

Մեծ պատիվ է Հայաստանում ներկայացնել Եգիպտոսը․ Սերենադ Սոլիման Գամիլը իր հավատարմագրերի պատճենն է հանձնել

ՀՀ մարդու իրավունքների պաշտպանի աջակցությամբ քաղաքացին ստացել է ԽՍՀՄ Խնայբանկի իր ավանդի փոխհատուցումը

Արցախը չի լինելու Ադրբեջանի կազմում, հայ-ադրբեջանական հարաբերության կարգավորումը չպետք է կապված լինի ԱՀ կարգավիճակի հետ

Պաշտպանության նախարարը և ԶՈՒ ԳՇ պետը հանդիպել են ուսումնական գումարտակի զինծառայողների հետ (լուսանկարներ)

Հերիքյանը, չլսելով հարցը, ասաց՝ երեկոյան կանդրադառնան Կառավարության շենքի պատի մեջ «բոլտ» մտցնող օպերատորի տեսանյութին

«Մանկական Եվրատեսիլ»-ի ո՞ր հաղթողներն են ժամանում Երևան

Ամերիաբանկը The Banker ամսագրի կողմից ճանաչվել է 2022 թ. տարվա բանկը Հայաստանում

Ողբերգական դեպք Երևանում․ Կիևյան կամրջի տակ հայտնաբերվել է 24-ամյա երիտասարդի դի․

ԿԳՄՍՆ-ում պարգևատրվել են մասսայական սպորտի միջոցառումների այս տարվա հաղթողներն ու մրցանակակիրները

Քաղաքացին իրավունք չունի մետաղական ձողով հարձակվել ոստիկանի վրա. Ֆիդանյանը՝ Լոռիում տեղի ունեցած միջադեպի մասին

ԿԸՀ-ն ձևավորել է Ընտրատարածքային ընտրական հանձնաժողովների կազմերը․ նշանակվել է առաջին նիստի օրը

Շարունակվում են Սուրեն Պապիկյանի այցերը զորամասեր

Հայտնվել են կադրեր՝ ինչպես է օպերատորը Կառավարության շենքի պատերից մեկի մեջ հեղույս մտցնում ու նկարահանում (տեսանյութ)

Ժամը 17։00-ի դրությամբ Ապարանի տարածաշրջանի ավտոճանապարհներին մառախուղ է, տեսանելիությունը՝ 80-100 մետր

Ադրբեջանն առավելապաշտական ձգտումներով խոչընդոտում է տարածաշրջանում խաղաղության հաստատմանը․ Միրզոյանը՝ Գալագերիին

Նոր նշանակում ՀՀ քննչական կոմիտեում

Վաղը ՀՀ լեռնային մարզերում առատ ձյուն կտեղա, կցրտի. սպասվում են մառախուղ, ցածր տեսանելիություն

Քննարկվել է Բելառուսում հայկական առևտրի տան ստեղծման հնարավորությունը. Վահան Քերոբյանը Մինսկում էր

Դեկտեմբեր ամսվա կենսաթոշակի վճարումը կսկսվի այսօրվանից

Քրիստիննե Գրիգորյանը Ֆիլիպ Ռիքերին է ներկայացրել ռազմագերիների ու անհետ կորած անձանց ընտանիքների խնդիրները

ՊՆ զորամասի հրամանատարը յուրացրել է զորամասի դիզվառելիքը. դատախազը միջնորդել է քննարկել նրա հետագա պաշտոնավարումը

Միրզոյանը ԵԱՀԿ գործող նախագահին ներկայացրել է Հարավային Կովկասում խաղաղության հասնելու հայկական կողմի մոտեցումները

Շոուբիզնեսում միշտ պետք է լինել մրցավազքի՝ «գոնկայի» մեջ. Արսեն Գրիգորյանը արդեն իրագործված ու սպասվող պրոյեկտների մասին