Երևան
14 °C
Երեկ ՀՀ Կենտրոնական բանկի խորհուրդն իր նիստում որոշել է կրկին նվազեցնել վերաֆինանսավորման տոկոսադրույքը: Այդ որոշման արդյունքում տոկոսադրույքը նվազել է 0.25 տոկոսով եւ այսուհետ կկազմի 6.5 տոկոս:
Սա վերաֆինանսավորման ամենացածր տոկոսադրույքն է վերջին վեց տարվա ընթացքում: Այլ կերպ ասած, Հայաստանում փողը վերջին 6 տարվա ընթացքում երբեք այսքան էժան չի եղել, որքան՝ հիմա: Իսկ սա նշանակում է, որ հենց այդպիսի ցածր տոկոսով բանկերը, պատկերավոր ասած, կարող են վարկ վերցնել Կենտրոնական բանկից եւ վարկավորել տնտեսությանն ու բնակչությանն ավելի ցածր տոկոսներ ունեցող վարկերով, քան՝ այժմ:
Միայն այս տարվա ընթացքում ԿԲ խորհուրդը 7 նիստ է հրավիրել տոկոսադրույքի հարցով եւ այդ բոլոր նիստերի ընթացքում նվազեցրել տոկոսադրույքը: Հինգ անգամ ԿԲ խորհուրդը նվազեցրել է տոկոսադրույքը 0.25 տոկոսով եւ երկու անգամ` 0.5 տոկոսով: Այլ կերպ ասած, այս ողջ տարվա ընթացքում տոկոսադրույքի հարցում ԿԲ-ն իրականացրել է տոկոսադրույքի նվազեցման հետեւողական քաղաքականություն եւ անցած 11 ամսվա ընթացքում վերաֆինանսավորման տոկոսադրույքը նվազել է 2 տոկոսով:
Փողի էժանացման հիմնական նպատակը տնտեսության աշխուժացումն է: Տեսականորեն, եթե վարկերի տոկոսադրույքները ցածր են, ապա բիզնեսն ավելի է շահագրգռված վարկեր վերցնել, ընդլայնվել, արդիականանալ եւ այլն: Գործնականում, սակայն, իրավիճակը այլ է: Նույնիսկ վերաֆինանսավորման տոկոսադրույքի այսպիսի հետեւողական նվազեցումը չի հանգեցնում տնտեսության աշխուժացմանը: Բիզնեսին բանկերի տված վարկերի տոկոսներն ամենեւին էլ համարժեք չեն նվազում: Համարժեք չեն նվազում նաեւ սպառողական վարկերի տոկոսադրույքները: Վարկերը շարունակում են մնալ շատ թանկ:
Ո՞րն է սրա պատճառը: Պատճառները բազմաթիվ են: Նախ հնարավոր պատճառներից մեկը թերեւս հենց Կենտրոնական բանկի «դանդաղաշարժությունն է»: Որպեսզի տոկոսադրույքի նվազեցումը տա իր ցանկալի արդյունքները, պետք է սպասել մի քանի ամիս: Այսինքն՝ այսօր նվազեցրած տոկոսադրույքը տեսականորեն իր ազդեցությունը կթողնի ոչ թե վաղը առավոտյան, այլ ամիսներ անց: Իսկ դա նշանակում է, որ այսօր տնտեսական աշխուժություն ունենալու համար պետք էր փողն էժանացնել, ասենք, ամռանը:
Ամբողջ տարվա ընթացքում Հայաստանում արձանագրվում էր գների նվազում, ինչը հրաշալի հնարավորություն էր փողն էժանացնելու: Սակայն ԿԲ-ի երկչոտ քայլերն ազդակ չէին հաղորդում բիզնեսին, որ տոկոսադրույքների նվազեցման հետեւողական քաղաքականություն է վարվում, եւ բիզնեսն էլ կարողանար իր պլաններում հաշվի առնել դա:
Բացի դրանից, Կենտրոնական բանկը թերեւս չափազանց բարձր է պահում այսպես կոչված պարտադիր պահուստավորման տոկոսը: Որպեսզի բանկը ձեզ 10 միլիոն դրամի վարկ տա, պարտադրված է դրա 18 տոկոսը, այսինքն՝ 1.8 միլիոն դրամ տանի-դնի Կենտրոնական բանկի «նկուղում»: Սա սահմանափակում է բանկերի ռեսուրսները եւ թանկացնում վարկերը: Իհարկե, ընդամենը 2 տարի առաջ այդ ցուցանիշը 24 տոկոս էր, հետո՝ 20 տոկոս, սակայն հիմա գործող 18 տոկոսն էլ է շատ բարձր:
Բայց ստեղծված իրավիճակի համար միայն Կենտրոնական բանկին մեղադրելը, թերեւս, այնքան էլ արդար չէ: Խնդիրը մեր ամբողջ տնտեսության մեջ է: Եթե կոպիտ արտահայտվենք, ապա ԿԲ-ի կողմից նույնիսկ զրոյական տոկոսադրույք սահմանելու դեպքում մենք հաստատ չենք ունենա երկնիշ կամ եռանիշ աճեր: «Խորհուրդն արձանագրում է, որ տնտեսական ակտիվության տեմպերը շարունակում են դանդաղել՝ հիմնականում պայմանավորված առաջարկի գործոններով, ինչպիսին է արդյունաբերության եւ գյուղատնտեսության ճյուղերի աճի տեմպերի դանդաղումը»,- նշված է տոկոսադրույքի վերաբերյալ ԿԲ-ի տարածած պաշտոնական հաղորդագրության մեջ: Ավելի պարզ լեզվով ասած, արդյունաբերությունն ու գյուղատնտեսությունը շատ դանդաղ են աճում, կամ կարելի է ասել՝ նույնիսկ չեն աճում: Եվ դա փողի էժանացման ընթացքում:
Այլ կերպ ասած, խնդիրները շատ ու շատ ավելի խորն են, քան ԿԲ-ի «դանդաղկոտությունը»: Նախ Հայաստանում ոչ մի կերպ չեն մեղմվում եւ առավել եւս չեն վերանում տնտեսության զարգացման առաջ կանգնած հիմնական խոչընդոտները: Խոսքը, իհարկե, տնտեսության չափազանց կենտրոնացվածության, կամ ինչպես ասում ենք՝ մոնոպոլիաների, կոռուպցիայի, հովանավորչության, բիզնեսի եւ քաղաքականության սերտաճման մասին է: Այսպիսի խոչընդոտների առկայության պայմաններում վարկերի տոկոսադրույքների նվազումը ցանկալի արդյունք չեն կարող տալ այսպես թե այնպես:
Մասնավորապես, դրանից կօգտվեն առաջին հերթին հենց նույն մոնոպոլիաները, որոնք ավելի էժան ֆինանսական ռեսուրսներ կարող են ներգրավել: Դրա արդյունքում էլ ավելի կմեծանա նրանց մրցակցային առավելությունն ավելի փոքր բիզնեսի նկատմամբ: Եվ ինչպես ցույց է տալիս փորձը, այդ մոնոպոլիաները գերանարդյունավետ տնտեսվարողներ են, քանի որ նրանց եկամուտները ձեւավորվում են հիմնականում ներքին շուկայում իրենց ապրանքներն ու ծառայությունները վաճառելու շնորհիվ: Ունենալով հսկայական ռեսուրսներ, նրանք ի վիճակի չեն արդիականանալ, իրականացնել տեխնոլոգիական ներդրումներ եւ դուրս գալ արտաքին շուկաներ:
Ու դեռ հարց է, թե ԿԲ-ի կողմից բանկերին տրվող ցածր տոկոսով վարկերը կհանգեցնե՞ն արդյոք այդ նույն բանկերի կողմից բիզնեսին տրվող վարկերի տոկոսների էական նվազմանը: Վարկերը Հայաստանում թանկ են նաեւ այն պատճառով, որ բանկերն էական ռիսկեր են տեսնում եւ որեւէ բիզնես վարկավորելիս անպայման հաշվի են առնում դա ու չափազանց զգուշավոր են:
Մի խոսքով, մեր տնտեսության վիճակը շարունակում է վատանալ, չնայած տեսական բոլոր նախադրյալները կան, որ այն պետք է աշխուժանա: Մասնավորապես, փողը էժանանում է, իսկ մեր տնտեսվարողները, պաշտոնական տվյալներով, շարունակում են գրավել Եվրասիական տնտեսական միության 180 միլիոնանոց շուկան:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ