ՀՅԴ նախաձեռնությամբ մոտ 500 կամավորական է հավաքագրվել. գումարտակը պարապմունքներ կանցկացնի

ՀՅԴ գերագույն մարմնի նախաձեռնած պահեստային գումարտակը գրեթե կազմավորված է եւ առաջիկայում ՊՆ համապատասխան մասնագետների աջակցությամբ ուսումնավարժական հավաքներ կսկսի՝ անհրաժեշտ պահին բանակի կազմում մեր երկրի տարածքը պաշտպանելու համար:

Այդ մասին մեզ հետ զրույցում հայտնեց ՀՅԴ Հայաստանի Գերագույն մարմնի անդամ Հրաչ Թադեւոսյանը:

- Պարոն Թադեւոսյան, հոկտեմբերի 13-ին ՀՅԴ ԳՄ ազատամարտիկների հարցերի հանձնախումբը հայտարարեց, որ կազմավորում է կամավորականների պահեստային գումարտակ, որի կիրառումը նախատեսվում է միայն լայնածավալ մարտական գործողությունների վերսկսման դեպքում: Ի՞նչ փուլում է այս գործընթացը:

- Այս պահին կազմավորման գործընթացն ընթացքի մեջ է, բայց շատ շուտով գործընթացը կամբողջանա, կավարտվի: Բնականաբար, արդեն կան անհրաժեշտ թվով կամավորներ, բայց դեռ հերթագրումն ընթացքի մեջ է:

- Երբ հերթագրումն ավարտվի, ի՞նչ է լինելու դրանից հետո:

- Զորամաս է ձեւավորվում եւ, Աստված մի արասցե, պատերազմի դեպքում՝ մեր բանակի կողքին է կանգնում հակառակորդի դեմ մարտնչելու համար:

- Կամավորները ուսումնավարժական պարապմունքներ անցկացնո՞ւմ են:

- Հիմա հավաքագրումները ավարտվում են արդեն, դրա հետ կապված որեւէ խնդիր չունենք: Գումարտակի կազմավորումն ավարտվելուց հետո ՊՆ համապատասխան մասնագետների աջակցությամբ պետք է սկսվեն ուսումնավարժական հավաքներ, որտեղ հերթագրված անձինք պետք է անհրաժեշտ պատրաստություն ստանան եւ կազմ ու պատրաստ լինեն՝ անհրաժեշտ պահին իրենց պարտականությունները կատարելու համար:

- Դուք նշեցիք, որ կան անհրաժեշտ թվով կամավորներ: Ո՞րն է այդ թիվը:

- Այս պահի դրությամբ 500 կամավորներ արդեն գրանցվել են, բայց մենք դեռ ստուգում ենք բոլորի առողջական վիճակը, այլ հանգամանքներ, որպեսզի ընտրություն կատարվի: Այսինքն՝ այնպես չէ, որ պետք է անպայման բոլորը լինեն գումարտակի կազմում:

- Հավաքագրված բոլոր մարդիկ դաշնակցակա՞ն են, թե՞ դա պարտադիր չէր:

- Դա պարտադիր չէր, մենք երբեք որեւէ գործ միայն մեզանով չենք արել:

- Հավաքները, ուսումնավարժական պարապմունքները որտե՞ղ են անցկացվելու:

- Այդ բոլոր հարցերը ՊՆ-ից ճշտեք, որովհետեւ այդ զորամասը լինելու է ՊՆ պահեստային զորամասը, նախարարության տրամադրության տակ է լինելու: Պաշտպանության նախարարությունը պետք է որոշի, թե որ զորամասում պետք է հավաքվեն, հավաքները որտեղ պետք է անցկացնեն:

- Պարոն Թադեւոսյան, երեկ «Պահեստազորի սպաների համահայկական միության» նախագահ, պահեստազորի գեներալ-մայոր Վարդան Ավետիսյանը հանդես եկավ հայտարարությամբ՝ աշխարհազորային ջոկատների հրամանատարներին խնդրելով մոբիլիզացնել կամավորական բոլոր ուժերը: Կապ ունե՞ն ձեր եւ Ավետիսյանի հայտարարություններն իրար հետ: Ձեր տեղեկություններով առաջիկայում հնարավո՞ր է ռազմական գործողություն:

- Մենք Վարդան Ավետիսյանի ՀԿ-ի հայտարարության հետ ոչ մի առնչություն չունենք: Որեւէ այլ տեղեկության ես չեմ տիրապետում:

Հիշեցնենք, որ ՀՅԴ ԳՄ տարածած հաղորդագրությունում մասնավորապես նշվում էր. «2016 թվականի ապրիլի 2-ից սկսված լայնածավալ մարտական գործողություններին հանպատրաստից կամավորականների մասնակցությունը վեր հանեց կազմակերպչական և պատրաստվածության մի շարք հարցեր, որոնք անհրաժեշտ է իրականացնել այս սպառնալից ժամանակաշրջանում, այդ իսկ պատճառով ՀՀ ՊՆ-ի հետ համաձայնեցված, ՀՅԴ Գերագույն Մարմինը որոշում է կայացրել՝ կազմավորել կամավորականների պահեստային գումարտակ, որի կիրառումը նախատեսվում է միայն լայնածավալ մարտական գործողությունների վերսկսման դեպքում»: 

Տպել
17622 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ