Հուլիսյան «առեւանգումների» մասին ՄԻՊ արտահերթ զեկույցն առաջիկայում կհրապարակվի

03/11/2016 schedule12:07

ԱԺ պատգամավոր Ալեքսանդր Արզումանյանը ՄԻՊ Արման Թաթոյանին 2017 թվականի բյուջեի քննարկմանը հիշեցրեց հուլիսյան դեպքերը.

«Դուք հիշատակեցիք բերման ենթարկվածների իրավունքների պաշտպանության հարցը, մենք բոլորս ականատես եղանք մի նոր երեւույթի, երբ բերման ենթարկել հասկացության ներքո մարդկանց պարզապես առեւանգում էին: Եւ նոր բան, երբ նրանց տանում էին զորամաս, դա չլսված բան էր: Գիտեմ, որ ձեզ մի քանի տասնյակ բողոքներ ներկայացվել են նաեւ զորամասում վերաբերմունքի հետ կապված՝ մարդկանց կտտանքների հետ կապված»,- ասաց նա՝ հետաքրքրվելով, թե գործում ինչ-որ առաջընթաց կա՞:

Պատգամավորը նաեւ հարցրեց ՄԻԵԴ վճռի մասին, երբ Վճռաբեկ նախագահի անունը «ցիտվում է» վճռում եւ քննադատության ենթարկվում կողմնակալության համար.

«Ձեզնից քննադատություն ակնկալենք այս հարցում, որ հերիք չէ ֆինանսական հետեւանքներ են թողնում, նաեւ ծաղրուծանակ ենք դառնում՝ ամենակարեւոր դատարանի դատավորների վարքագծի առումով»,- ասաց Արզումանյանը:

Պատգամավորը նաեւ հետաքրքրվեց, թե արդյոք ՄԻՊ գրասենյակի բյուջեն բավարա՞ր է երկու առաջնահերթության՝ երեխաների եւ զինծառայողների իրավունքների պաշտպանության համար:

Անդրադառնալով հուլիսյան դեպքերի մասին հարցին, Թաթոյանն ասաց, որ այդ հարցում իր դիրքորոշումը միանշանակ է.

«Կարծում եմ՝ այդ օրերի ընթացքում բերման ենթարկելու ինստիտուտը ցույց տվեց, որ իր գործադրումը ՀՀ-ում արդյունավետ չէ, որովհետեւ, երբ վերլուծում էինք, ազատությունից զրկման առաջին փուլում խախտումներն ավելի շատ էին, քան՝ հետագայում: Ինչ վերաբերում է կոնկրետ վայր բերման ենթարկելուն, այո, ոստիկանության ներքին զորքեր էին տեղափոխում բերման ենթարկվածներին: Ուզում եմ ասել, որ այս մասին արտահերթ զեկույց եմ պատրաստում, մեկ ամսից ավարտին կհասցվի: Հիմա արդեն մեր աշխատակիցները հարցազրույցներ են իրականացնում լրագրողների եւ վնաս կրած քաղաքացիների հետ. այնտեղ սկզբունքային հարցեր է լինելու: Բավականին համապարփակ փաստաթուղթ է ստացվում»,- ասաց Թաթոյանը:

Թաթոյանը տեղեկացրեց, որ Ոստիկանությունից պարզաբանումներ պահանջել են, դրանք ներկայացվել են.

«Կան լիազորությունները դադարեցված ոստիկաններ, ինչպես նաեւ կարգապահական պատասխանատվության ենթակված ոստիկանության ծառայողներ: ՄԻՊ-ը նախաքննությանը միջամտելու լիազորություն չունի, բնականաբար, բայց մեր գործընկերների հետ լավ հարաբերություններ ունենալու հաշվին կարողանում ենք պարբերաբար լիարժեք տեղեկություններ ստանալ գործն ինչ փոլում է»,- ասաց նա:

Ինչ վերաբերում է ՄԻԵԴ կայացրած վճիռների որակական մասին, Թաթոյանը համաձայնեց, որ այդտեղ եւս կան մտահոգությունններ՝ «պաշտոնատար անձանց գործողությունների մասով».

«ՄԻԵԴ-ի ակտն ունի կատարման հատուկ մեխանիզմ: Այն նախատեսված է նաեւ մեր օրենսդրությամբ: Դատական օրենսգրքում ունենք դատավորի կարգապահական պատասխանատվության հիմք, եթե միջազգային դատարանի կողմից խախտում է արձանագրվել ՀՀ-ի մասնակցությամբ: Բայց թե ինչ ընթացք կստանա, այն իրավասու մարմինները պետք է կայացնեն, ես իրավասու չեմ գնահատական տալ»,- ասաց նա:

Ինչ վերաբերում է երեխաների եւ զինծառայողների մասով բյուջետային հատկացումներին, ՄԻՊ-ն ասաց, որ խորհրդարանի աջակցությունը պետք կգա նոր օրենքի քննարկման ժամանակ.

«Որովհետեւ նոր օրենքի նախագծում նախատեսված է, որ ՄԻՊ-ը նաեւ հանդիսանում է ոչ միայն խոշտանգումների կանխարգելման մեխանիզմ, ալ նաեւ երեխաների իրավունքների մասին կոնվենցիայի մոնիթորինգն իրականացնող մեխանիզմ: Կարծում եմ՝ այս դեպքում լրացուցիչ ֆինանսական միջոցներ են անհրաժեշտ լինելու»,- ասաց Թաթոյանը:

Տպել
23316 դիտում

Արցախում հաստատվել է կորոնավիրուսի 10 նոր դեպք, 9-ը՝ Ստեփանակերտից

Հոկտեմբերիի 1-ից բժշկական նշանակության որոշ ապրանքներ առանց մաքսատուրքի ներմուծելու արտոնությունն այլևս չի գործի. ՊԵԿ

Կորոնավիրուսի թվերը շարունակում են աճել. 1 օրում հաստատվել է 392 նոր դեպք. մահացել է 2 տղամարդ

Արթուր Ասոյանի անունը շնորհակալագիր ստացողների ցուցակից դուրս է եկել, քանի որ նրան ավելի բարձր պարգեւ է շնորհվելու

Այ, այստեղ Աճեմօղլուն կզայրանար, զայրացա և ես. Գոգյանի հրաժեշտի գրառումը

Նրա գործողությունները համարում եմ ոչ իրավաչափ․ Արեւիկ Պետրոսյանը՝ ՍԴ նախագահի պաշտոնակատարի մասին

Դիմակ չկրելու համար Նաիրա Զոհրաբյանը դատարանի բակում ոստիկաններին բժշկի տեղեկանք ներկայացրեց

Վարչապետի որոշմամբ՝ ԱԻՆ կազմում ստեղծվել է պետական ռեզերվների կառավարման վարչություն

Խունդկարյանի թեկնածության վերաբերյալ ունեմ իմ համոզմունքը, որը կարտահայտեմ քվեարկությամբ. Շաթիրյան

Վարչապետը Արթուր Ասոյանին զրկել է շնորհակալագրից

Արմեն Փամբուխչյանը նշանակվել է արտակարգ իրավիճակների նախարարի տեղակալ. պաշտոնական

«Եթե ինձ կալանավորելով՝ ժողովրդի վիճակը կլավանա, հարց չկա». Գագիկ Ծառուկյանը ժամանեց դատարան

«Զինառ»-ում ՊՎԾ ստուգումներն ավարտվել են. թեյարանները գործել են խախտումներով. 160 մլն դրամի խախտում է հայտնաբերվել

Պտղունք գյուղի 10-ը տան հրդեհի պատճառը պարզ կլինի Հրդեհային և տեխնիկական անվտանգության ուսումնասիրությունից հետո

Ճանապարհաշինարարական աշխատանքների նպատակով Ֆիոլետովո-Դիլիջան ավտոճանապարհը փակ է լինելու

Այլևս չի գործելու կազմակերպությունների գործունեության կասեցումների պրակտիկան. կլինեն միայն տույժեր. ՍԱՏՄ

Արտաշատ քաղաքում «Nissan»-ը դուրս է եկել ճանապարհից ու բախվել էլեկտրասյանը

Պտղունք գյուղի երկհարկանի բնակելի տանը բռնկված հրդեհը մարվել է. այրվել է 10 տուն (լուսանկարներ)

Օր 3-րդ․ Սահմանադրական դատարանում այսօր կշարունակեն նոր նախագահ ընտրել, նախկին նախագահը կբոյկոտի ընտրությունը

Կյանք չի, ելակի մուրաբա է. Սմբատ Գոգյանը՝ պաշտոնից ազատվելու եւ դրա համար երկրորդ դիմումը գրելու պատճառների մասին