Հայկական սպորտը զարգացնելու համար անհրաժեշտ գումարներ կան. պետք է ուղղակի «տեսնել»

Վարչապետ Կարեն Կարապետյանը վերջերս հանձնարարել էր սպորտի եւ երիտասարդության նախարարին ուսումնասիրել պետական բյուջեից սպորտին հատկացող գումարների ծախսման արդյունավետությունը եւ կրճատել չհիմնավորված ծախսերը: Բնականաբար, չհիմնավորված անարդյունավետ ծախսեր չպետք է լինեն, եւ դա ոչ թե պետք է կատարվի վերին օղակի հանձնարարությամբ, այլ դառնա պետական ցանկացած պաշտոնյայի առօրյա գործը:

Կարեն Կարապետյանը նաեւ հանձնարարել է խնայված միջոցները ուղղել առողջ ապրելակերպի մասսայականացմանը: «Մասսայական սպորտին, առողջ ապրելակերպին ուղղված ամեն օր պետք է քայլեր կատարել: Խոսել ենք նախարարի հետ, նա պետք է ներկայացնի ծրագիր: Ամպագոռգոռ բաներ չեմ ուզում ասել, բայց պետք է նույնիսկ ազգային ծրագիր, հանրապետական ծրագիր, որպեսզի դա դառնա մեր կյանքի ապրելաոճը»,- հայտարարել էր վարչապետը հոկտեմբերի 13-ին կայացած կառավարության նիստի ընթացքում:

Իհարկե, կարող է մի փոքր զավեշտալի թվալ, որ 25 տարվա պատմություն ունեցող երկրում վարչապետը հանձնարարում է որեւէ ոլորտի ղեկավարին զբաղվել մի գործով, որը տվյալ ոլորտի հիմնական, գերակա նպատակներից է: «Բնակչության առողջացման, ֆիզիկական դաստիարակության գիտականորեն հիմնավորված համակարգի ստեղծում»,- սա հատված է դեռ 2007 թվականին հաստատված ՀՀ սպորտի եւ երիտասարդության հարցերի նախարարության կանոնադրությունից, ընդ որում, այն առաջնային նպատակների թվում է: Բայց սա հարցի մեկ այլ կողմն է, իսկ այսօր փորձենք հասկանալ հայկական սպորտի վրա պետբյուջեից կատարվող ծախսերի չափը, նպատակահարմարությունը եւ հնարավոր լուծումները: 

Պետբյուջեից «Սպորտի եւ հանգստի ծառայություններ» հոդվածով հատկացվում է 1,84 միլիարդ դրամ (մոտ 3,8 միլիոն ԱՄՆ դոլար)՝ այս թիվն անփոփոխ է վերջին տարիներին եւ ամրագրված է նաեւ 2017 թվականի ՀՀ պետական բյուջեում: Այս գումարից 885 միլիոն դրամը (1,865 միլիոն ԱՄՆ դոլար) սպորտի նախարարությունը հատկացնում է մարզական մոտ 30-32 ֆեդերացիաներին՝ «ՀՀ առաջնություններին եւ միջազգային մրցաշարերին մասնակցելու համար մարզիկների նախապատրաստման ու առաջնությունների անցկացման համար» հիմնավորմամբ: Ընդ որում, ֆեդերացիաների մեծ մասը ստանում է 5-15 միլիոն դրամ, որն ուղղակի ծիծաղելի թվեր են համաշխարհային սպորտում տեղ ու դիրք գրավելու համար եւ ընդամենը կարող են հանդիսանալ տվյալ ֆեդերացիաների գոյության պահպանման համար տրամադրվող միջոցներ:

«Փող չկա»՝ սա է մեր սպորտի բոլոր կարգի մեծ ու փոքր ղեկավարների հիմնական ասելիքը ցանկացած զրույցում, քննարկման ընթացքում: Ընդ որում, դա իրոք այդպես է: Չի կարող սպորտը զարգանալ, երբ պետությունը որեւէ կերպ չի ապահովում այդ զարգացման համար անհրաժեշտ պայմանները, չի ապահովում անգամ Օլիմպիական չեմպիոնի կոչումը նվաճած մարզիկի բարեկեցությունը եւ վերջինս ստիպված է լինում կախյալ վիճակում հայտնվել փող տվող որեւէ օլիգարխից: Մեծ հաշվով որեւէ օլիգարխ, մեծահարուստ պարտավոր էլ չէ պարգեւատրել որեւէ մարզիկի: Մեր Օլիմպիական չեմպիոն Արթուր Ալեքսանյանը հենց հիմա միլիոնավոր դոլարների առաջարկ ունի տասնյակ երկրներից, բայց յուրահատուկ, համեստ, պարկեշտ, չափազանց զուսպ, հայրենասեր Արթուրը չի թողնում անգամ հարազատ Գյումրին եւ չի վերաբնակվում Երեւանում:

Բայց զուտ հայրենասիրությամբ դժվար է երկար ապրելը, ընտանիք պահելը: Պետությունը պետք է կարողանա ոչ միայն առողջ ապրելակերպ սերմանել, մասսայականացնել սպորտը, այլ նաեւ ապահովել մեր երկրին փառք ու պատիվ բերած մարզիկներին: Իսկ դա անել տարեկան ամբողջ սպորտային համակարգին հատկացվող ընդամենը 3,8 միլիոն դոլարով՝ անհնար է ուղղակի: Եվ անգամ վարչապետի հանձնարարականը՝ կրճատել չհիմնավորված ծախսերը, չեն կարող որեւէ հարց լուծել: Դրանք կաթիլներ են ծովում եւ պետք է գտնել այլ լուծումներ: Իսկ լուծումները կան, ընդ որում՝ դրանք մեր քթի տակ են, հանդիպում են ամեն քայլափոխում: Այդ հնարավոր լուծումներին կանդրադառնանք առաջիկայում:

Տպել
2986 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ