Սարգսյանը Ծառուկյանին խնդրել է վերադառնալ. «Ավել-պակաս կներես, բորբոքված էի»

Գագիկ Ծառուկյանը կրկին վերադարձավ քաղաքականություն: Այս մասին նա երեկ անձամբ հայտարարեց: Ճիշտ է, ամեն ինչ մի քիչ խուճուճ-մուճուճ ստացվեց, ինչպես նրա նոր սանրվածքը, բայց դրանից խնդրի էությունը չի փոխվում: Էությունն այն է, որ 2017 թվականի ընտրություններից առաջ Սերժ Սարգսյանը Ծառուկյանին խնդրել է կրկին ղեկավարել «Բարգավաճ Հայաստան» կուսակցությունը, եւ Ծառուկյանը մեծահոգաբար ընդառաջել է Սարգսյանի խնդրանքին:

Այլ հարց է, իհարկե, որ Ծառուկյանը, մեծագույն ցանկության դեպքում անգամ, չէր կարող մերժել: Նա, բնականաբար, կատարվածից հետո կնախընտրեր հեռու մնալ քաղաքականությունից: Ծառուկյանի մտահորիզոնը թույլ է տալիս հասկանալ, որ այս անգամ էլ իրեն կօգտագործեն այնքան, որքան դրա անհրաժեշտությունը լինի, իսկ հետո ամենատգեղ ձեւով կրկին դուրս կշպրտեն: Սակայն, ինչպես ասում են, լինում են առաջարկություններ, որոնցից անհնար է հրաժարվել:

Բացի այդ, Սարգսյան-Ծառուկյան զրույցում անպայման անդրադարձ եղած կլինի մեկ-երկու կարկառուն քաղաքական գործիչների, ովքեր Ծառուկյանին մոլորեցնելով՝ ներքաշեցին այլ պրոցեսների մեջ. Լեւոն Տեր-Պետրոսյանը Գագիկ Ծառուկյանի միջոցով փորձեց բուրժուադեմոկրատական հեղափոխություն իրականացնել եւ տապալվեց: Սերժ Սարգսյանի զինակից, Ծառուկյանի խնամի Հովիկ Աբրահամյանն էլ փորձեց Գագիկ Ծառուկյանի միջոցով պալատական հեղաշրջում անել եւ կրկին տապալվեց: Եւ երեկ ԲՀԿ առաջնորդը գլուխը բարձր հայտարարում էր, որ եթե իր վերադարձի «անհրաժեշտություն լինի, եթե կարկառուն քաղաքական գործիչները չեն կարողանում առաջ տանել», ինքը կվերադառնա, թեկուզ դրա կարիքը անձամբ չունի:

Սա չի նշանակում, որ Գագիկ Ծառուկյանը գալիս է անելու այն, ինչ չստացվեց Լեւոն Տեր-Պետրոսյանի եւ Հովիկ Աբրահամյանի մոտ: Ուղիղ հակառակը: Սերժ Սարգսյանն ու Գագիկ Ծառուկյանը, բնականաբար, փոխըմբռնման հասած կլինեն այն հարցում, որ Տեր-Պետրոսյանն ու Աբրահամյանն ավելի հայրենասեր չեն եւ ավելի շատ չեն մտածում երկրի ու ժողովրդի մասին, քան Սարգսյանը: Նրանք ընդամենը Սարգսյանին գահընկեց անելու եւ նրա տեղն անձամբ զբաղեցնելու նպատակ ունեին: Ու, որ ամենավատն է, դա փորձում էին անել իր` Ծառուկյանի միջոցով: Ուստի, եթե Ծառուկյանն ուզում է օգտակար լինել պետությանն ու ժողովրդին, պետք է փորձի դա անել Սերժ Սարգսյանի հետ միասին եւ ոչ թե նրա դեմ դուրս գալով:

Ահա, մոտավորապես, այսպիսին պետք է լիներ Ծառուկյանի վերադարձի շուրջ Սերժ Սարգսյանի հետ զրույցը, որի ժամանակ, բնականաբար, կհնչեին նաեւ փոխադարձ ներողության գեղեցիկ խոսքեր: Սարգսյանը կզղջար անցյալ փետրվարի 12-ին բորբոքվելու եւ ավելորդ բաներ ասելու համար` «դոդի Գագո», «քաղաքական չարիք» եւ այլն: Ծառուկյանը կզղջար կարկառուն քաղաքական գործիչների` Սերժ Սարգսյանի դեմ լարած դավերին մասնակցելու համար:

Երեկ Ծառուկյանն ասում էր նաեւ, որ ինքը ուժեղ եւ բարի է, ուստի, բոլորին ներում է (նկատի ուներ թե՛ Սարգսյանին, թե՛ տարբեր ՀՀԿ-ականների, ովքեր, ոգեւորվելով իրենց առաջնորդի ելույթից, հարձակվել էին Ծառուկյանի վրա): Էդուարդ Շարմազանովն էլ ասում էր, որ գալիս են ներելու եւ սիրելու ժամանակները: Ահա այս բարձր քրիստոնեական նոտայով Ծառուկյանը վերադարձավ քաղաքականություն եւ իր կուսակցությանը կառաջնորդի դեպի 2017 թվականի խորհրդարանական ընտրություններ:

Անցած ՏԻՄ ընտրությունները ցույց տվեցին, որ լուրջ ցնցումների ենթարկվելուց հետո անգամ ԲՀԿ-ն պահպանել է ընտրողների վրա իր լծակները եւ կարող է որոշիչ տեղ զբաղեցնել հաջորդ խորհրդարանում, անհրաժեշտության դեպքում օգնելով Հանրապետականին մեծամասնություն ձեւավորել: Այս խնդիրը լուծելու համար Սերժ Սարգսյանի ձեռքի տակ, իհարկե, այլ պահուստային տարբերակներ էլ կան: Սակայն Ծառուկյանը այս իմաստով ամենաանշառ եւ ձեռնտու տարբերակն է, որովհետեւ, ինչպես ինքը երեկ ներկայացրեց, պաշտոնի կարիք չունի, Հարվարդը չի ավարտել, դրսում հարգանք-պատիվ է վայելում եւ ծանրաբեռնվածության տակ աշխատում է: Իսկ մեծ քաղաքական ամբիցիաները, որոնց հետ միասին դուրս եկավ քաղաքականությունից, վերադառնալիս հաստատ հետը չի վերցրել: 

Հայաստանի ներքաղաքական կյանքն առանց Գագիկ Ծառուկյանի եւ նրա հետ, բոլորովին տարբեր է: Գագիկ Ծառուկյանն ու քաղաքականությունը, մեղմ ասած, իրարից հեռու երեւույթներ են: Երեկ արդեն ֆեյսբուքյան հայությունը սգում էր նրա վերադարձը եւ արձանագրում, որ Սերժ Սարգսյանը փաստորեն որոշել է «հայրենիքը նորից կրկեսի վերածել»: Հիշեցնենք` Ծառուկյանին քաղաքականությունից դուրս մղող իր հայտնի ելույթում Սարգսյանը հայտարարել էր. «Մենք կրկեսի վերածելու հայրենիք չունենք»: Կրկեսը վատ բան չէ, եւ նույնիսկ կարելի էր ծիծաղել, եթե ամեն ինչ այսքան վատ չլիներ:

Տպել
16252 դիտում

Դիլիջանի «Շլորկուտ» հանդամասում 5000 քմ խոտածածկույթ է այրվել. ԱԻՆ

Նոր Նորք վարչական շրջանում ոստիկանության ուժեղացված ծառայություն է իրականացվել

Ոստիկանությունը իդեալականին մոտ ցուցակներ է խոստանում. այս անգամ կհամագործակցեն նաեւ թաղման բյուրոների հետ

Ամփոփվել են Երեւանի 2019թ. բյուջեի եւ զարգացման ծրագրի հաշվետվությունների վերաբերյալ առաջարկներն ու դիտողությունները

Իրանում կորոնավիրուսը հասել է արդեն Թեհրան. երկրում 18 հաստատված դեպք կա

Սահմանադրական փոփոխությունների հանրաքվեի քարոզարշավը Շիրակի մարզ դեռ չի հասել. Արամ Անտոնյան

Հայկ Մարությանն ընդունել է Հայաստանում Վրաստանի դեսպան Գիորգի Սագանելիձեին

Թուրքիայի, Գերմանիայի, Ֆրանսիայի եւ Ռուսաստանի առաջնորդները Իդլիբի հարցով հանդիպում կունենան

Նիկոլ Փաշինյանը ցավակցական հեռագիր է հղել Անգելա Մերկելին՝ Հանաու քաղաքում տեղի ունեցած ողբերգության կապակցությամբ

Կոռուպցիոն բնույթի հանցագործություն է բացահայտվել. պետությանը պատճառվել է առանձնապես խոշոր չափերի՝ 34․723․560 դրամի վնաս

«Այո»-ի նախընտրական շտաբը դրամահավաք կկազմակերպի փետրվարի 25-ին՝ «Դվին» հյուրանոցում. Էդուարդ Աղաջանյան

Միջազգային փորձագետների մասնակցությամբ քննարկվել է ՏԻՄ ընտրությունների վերաբերյալ օրենսդրական փոփոխությունների փաթեթը

ՀՀ եւ Եգիպտոսի Արաբական հանրապետության արտաքին քաղաքական գերատեսչությունները քաղաքական խորհրդակցություններ են անցկացրել

Էրիկ Գրիգորյանը մասնակցել է «Հայանտառ»-ի անտառտնտեսությունների համար ձեռք բերված տրակտորների հանձնման արարողությանը

Բացահայտվել են Լուսաձոր համայնքի ղեկավարի ապօրինությունները. պարզվել է հողատարածքների ձեւական աճուրդի 7 դեպք

Արթուր Ալեքսանյանը չի մեկնաբանում հունահռոմեական ոճի ըմբշամարտի հավաքականի շուրջ բարձրացած աղմուկը

Մենք կորցրինք մեր լավագույն քաղաքացիներից մեկին, որն ուղենիշ էր. Արայիկ Հարությունյան

Փրկարարները մարել են Բարեկամավան գյուղի անտառում բռնկված հրդեհը. ԱԻՆ

Ոստիկանության և Քննչական ծառայություն իրականացնող պաշտոնյաների նկատմամբ վարույթներ են հարուցվել

Դարպասապահ Դավիդ Յուրչենկոն կխաղա Հայաստանի ֆուտբոլի ազգային հավաքականում. պաշտոնական