Վրաստանում անակնկալներ չեն սպասվում. 2-րդ փուլով ոչինչ չի փոխվի

Հոկտեմբերի 8-ին Վրաստանում տեղի ունեցած խորհրդարանական ընտրություններին 50 մեծամասնական ընտրատարածքում երկրորդ փուլ է նշանակվել:

Վրաստանի ԿԸՀ-ի տվյալների համաձայն՝ նոր գումարման խորհրդարանում կլինի 3 կուսակցություն: Համամասնական ցուցակով իշխող «Վրացական երազանքը» խորհրդարանում 44, նախկին իշխող «Միացյալ ազգային շարժումը»՝ 27, իսկ «Հայրենասերների դաշինքը» 6 մանդատ կունենան: Դրանց թիվը կախված է ընտրություններում հավաքած ձայների քանակից:

Հաշվի առնելով այն հանգամանքը, որ մեծամասնական ընտրակարգով ընտրությունների առաջին իսկ փուլում «Վրացական երազանքի» թեկնածուները հաղթել են 23 մեծամասնական ընտրատարածքում, իշխող կուսակցությունը 150 անդամ ունեցող խորհրդարանում արդեն ապահովել է 67 պատգամավորական մանդատ: Հատկանշական է նաեւ այն, որ երկրորդ փուլում, գրեթե բոլոր ընտրատարածքներում «Վրացական երազանքի» թեկնածուներն առաջատարներն են: Ընտրությունների հաջորդ օրը «Վրացական երազանքի» գործադիր քարտուղար Իրակլի Կոբախիձեն  հայտարարել է, որ իրենց կուսակցությունը ձեռք կբերի սահմանադրական մեծամասնություն:

Ընդդիմության ծրագրերը

Հոկտեմբերի 10-ին Վրաստանի նախկին նախագահ Միխեիլ Սահակաշվիլին ֆեյսբուքյան իր էջում տեսաուղերձ հրապարակեց, որտեղ խոսում էր ընտրությունների անելիքների եւ ՄԱՇ-ի ծրագրերի մասին: Նախկին նախագահի կարծիքով, իր կողմից հիմնադրված կուսակցության մեծամասնական թեկնածուները ընտրությունների երկրորդ փուլին չպետք է մասնակցեն: Նա նաեւ հայտարարեց, որ քննարկվում է՝ արդյոք պե՞տք է, որ ՄԱՇ-ի ընտրված պատգամավորները խորհրդարան գնան, թե՞ հրաժարվեն մանդատներից: Ավելի ուշ ՄԱՇ-ի քաղաքական խորհրդի նիստում որոշվեց խորհրդարան մտնել, որին կողմ էր քվեարկել 33 անդամ, 9 դեմ, 7 ձեռնպահ, իսկ 11 անդամ ներկա չեն եղել:

Կուսակցության 60 անդամից կազմված քաղաքական խորհրդի բացակա անդամների թվին են դասվում Վրաստանի ներքին գործերի նախկին նախարար, իսկ ավելի ուշ՝ վարչապետ Վանո Մերաբիշվիլին, որն այժմ գտնվում է անազատության մեջ: Ի դեպ, հայազգի պատգամավոր Սամվել Կարապետյանը, որը չի լինի նոր գումարման խորհրդարանում, ներկա չի եղել կուսակցության քաղխորհրդի նիստին, մինչդեռ իր գործընկեր, ազգությամբ ադրբեջանցի Ազեր Սուլեյմանովը կողմ է քվեարկել:

Քաղխորհրդի որոշումից հետո Միխեիլ Սահակաշվիլին Ֆեյսբուքյան իր էջում ընտրությունների երկրորդ փուլի վերաբերյալ գրառում է արել. «Ուրախ եմ, որ բազում թեկնածուներ, չնայած խոշոր չափերի խարդախություններին, կմասնակցեն երկրորդ փուլին: Սա նշանակում է, որ չնայած այս ամենին, ոչ ոք չի պատրաստվում ձեռքերն իջեցնել, եւ դա ինքնին հաղթանակ է»: Այս հայտարարությունը հետաքրքիր է դառնում, երբ կարդում ենք ընտրություններից անմիջապես հետո նրա առաջին կոչը:

Իր հերթին, ՄԱՇ-ի առաջնորդներից Դավիթ Բաքրաձեն, հանդիպելով կուսակցության Կախեթիի տարածաշրջանային կազմակերպության անդամների եւ ակտիվիստների հետ, հայտարարել էր. «Նրանք, ովքեր չեն ցանկանում, որ երկրում միակուսակցական ռեժիմ ստեղծվի, ամեն ինչ կառավարվի մեկ մարդու կողմից, պետք է մասնակցեն ընտրությունների երկրորդ փուլին՝ քվեարկելով «Միացյալ ազգային շարժման» թեկնածուների օգտին: Այդպիսով, մեր քաղաքացիները կպաշտպանեն Վրաստանի ժողովրդավարությունն ու իրենց»:

Նոր գումարման խորհրդարանը

Վրաստանի նոր գումարման խորհրդարանի մասին տարբեր կարծիքներ հնչեցին: Թեմային անդրադարձավ նույնիսկ հյուսիսային հարեւանի օրենսդիրը: Ռուսաստանի պետդումայի պատգամավոր եւ Դումայի միջազգային եւ տնտեսական հարաբերությունների կոմիտեի ղեկավար Լեոնիդ Կալաշնիկովը հայտարարել էր, թե այս ընտրություններով Վրաստանը հրաժարվել է արեւմտյան ուղղությունից: Կալաշնիկովի խոսքերով՝ իր կարծիքը կիսում են Դումայի պատգամավորների մեծ մասը: Նա նաեւ հավելել է, որ ընտրությունների վերջնական արդյունքների հրապարակումից հետո ռուսաստանցի պատգամավորները կփորձեն վերականգնել գործընկերների հետ հարաբերությունները, եւ դա հնարավոր կլինի այն բանից հետո, երբ «Վրացական երազանքը» ընտրություններում համոզիչ հաղթանակ տանի:

Վրաստանում ԱՄՆ արտակարգ եւ լիազոր դեսպան Յան Կելլին իր հերթին հայտարարել է. «Մենք կարծում ենք, որ ընտրություններն արտացոլում են վրաց ժողովրդի կամքը»: Կելլին նաեւ հայտարարել է, որ ընտրությունների երկրորդ փուլին անհրաժեշտ է խաղաղ միջավայր:

Նոր գումարման խորհրդարանի մասին իր կարծիքն է հայտնել նաեւ խորհրդարանի գործող խոսնակ, «Հանրապետական» կուսակցության առաջնորդ Դավիթ Ուսուփաշվիլին: Վերջինս խոսել է այն վտանգների մասին, որոնք կարող են առաջ գալ խորհրդարանում մեկ կուսակցության՝ սահմանադրական մեծամասնություն կազմելու դեպքում:

«Մենք խորհրդարանում «Վրացական երազանքի» վտանգավոր քաղաքական ծրագրերի ականատեսը կդառնանք: Ընդդիմադիր ՄԱՇ-ի ներկայությունը այս դեպքում ոչինչ չի փոխի: Նրանց ձայնը չի լսվի: Ձեւավորել ենք մի խորհրդարան, որում արդյունավետ բանավեճ չի լինի»:

Ինչ վերաբերվում է նախագահ Գեորգի Մարգվելաշվիլիին, ապա նա դեռեւս ընտրություններից առաջ հայտարարել էր, որ Վրաստանին անհրաժեշտ է բազմակուսակցական խորհրդարան:

«Ցավոք, խորհրդարանում ներկայացված չէ կուսակցությունների լայն ցուցակ: Հարկ է նշել, որ սա գործող ընտրական համակարգի արդյունք է, որի փոփոխման համար երկար, սակայն ապարդյուն պայքարել է նախագահը»՝ ասել է նախագահի մամուլի խոսնակ Էկա Միշվելաձեն: Հիշեցնենք, որ Մարգվելաշվիլին հոկտեմբերի 8-ին քվեարկելուց հետո հայտարարել էր, որ քվեարկել է բազմակուսակցական Վրաստանի համար, դրանով իսկ հասկացնելով, որ չի քվեարկել ո՛չ ՄԱՇ-ի եւ ո՛չ էլ «Վրացական երազանքի» օգտին:

Նորայր Գասպարյան
Թբիլիսի

Տպել
10202 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում