ՀԱՊԿ Երեւանյան նիստի ինտրիգները

Վաղը Երեւանում աշխատանքներն է սկսելու ՀԱՊԿ անդամ երկրների նախագահների գագաթնաժողովը: Արդեն պաշտոնապես հայտարարվել է, որ ՀԱԽ նիստին մասնակցելու նպատակով Երեւան է ժամանելու ՌԴ նախագահ Վլադիմիր Պուտինը: Մյուս նախագահների ժամանման մասին տեղեկատվություն դեռ չկա, թեեւ Բելառուսի նախագահ Ալեքսանդր Լուկաշենկոյի մասնակցությունը պարտադիր է, որովհետեւ գագաթնաժողովում ՀԱՊԿ նախագահությունը Հայաստանից անցնելու է Բելառուսին:

Հայտնի է նաեւ, որ մրսածության պատճառով չեղարկվել է  Ղազախստանի նախագահ Նուրսուլթան Նազարբաեւի այցը ՀՀ, եւ նրան գագաթնաժողովում կներկայացնի իր երկրի վարչապետը: Սերժ Սարգսյանը ԱՄՆ-ից արդեն վերադարձել է եւ նիստին, բնականաբար, ներկա կլինի: Մնում են Ղրղըզստանի եւ Տաջիկստանի նախագահները, ովքեր գագաթնաժողովը բաց թողնելու լուրջ պատճառներ կարծես թե չունեն:

Նշենք,  որ երեւանյան գագաթնաժողովը մի շարք ինտրիգներ է պարունակում` սկսած ՀԱՊԿ հաջորդ գլխավոր քարտուղարի թեկնածությունից, մինչեւ աշխարհաքաղաքական թեմաներ: Հայաստանի համար ամենակարեւորը, սակայն, հետեւյալն է` արդյոք գագաթնաժողովի արդյունքներով նախագահների հայտարարությունը կանդրադառնա՞ ապրիլյան պատերազմին եւ կոնկրետ ի՞նչ բովանդակություն կունենա այդ անդրադարձը: ՀԱՊԿ ՀԱԽ վերջին նիստը տեղի է ունեցել 2015 թվականի դեկտեմբերի 21-ին, որտեղ Սերժ Սարգսյանը սենսացիոն ելույթ ունեցավ՝ կազմակերպության անդամ պետություններին մեղադրելով ղարաբաղա-ադրբեջանական սահմանին Ադրբեջանի ռազմական գործողություններին համարժեք պատասխան չտալու համար:

Դա այն բանից հետո էր, երբ թուրքական զինված ուժերը ոչնչացրել էին ռուսական ՍՈՒ-24 գրոհային ուղղաթիռը, ինչը լուրջ հարված էր Ռուսաստանի համար: Սրանից  մեկ տարի առաջ ադրբեջանական զինված ուժերը խոցել էին զորավարժությունների մասնակցող հայկական մեկ ուղղաթիռ, ինչի առիթով ՀԱՊԿ ՀԱԽ 2014 թվականի ամփոփիչ հայտարարության մեջ զետեղվել էր ղարաբաղյան խնդրին նվիրված չափազանց նուրբ մի պարբերություն: 

Հայտարարության մեջ ասվում էր, որ ՀԱՊԿ երկրների ղեկավարները համարում են, որ Ղարաբաղյան հակամարտությունը պետք է լուծվի բացառապես խաղաղ ճանապարհով, կարեւորում են խնդրի կարգավորման հիմնարար սկզբունքների վրա աշխատանքների եզրափակումը ԵԱՀԿ ՄԽ միջնորդությամբ եւ միջազգային իրավունքի եւ նորմերի հիման վրա:Նախագահները հիշատակել են Հելսինկյան եզրափակիչ ակտի՝ ուժի չկիրառման, պետությունների տարածքային ամբողջականության եւ ժողովուրդների ինքնորոշման իրավունքի  սկզբունքները: Ահա սա էր ՀԱՊԿ-ի արձագանքը խաղաղ պայմաններում հայկական ուղղաթիռի կործանմանը:

Ու թեեւ 2015 թվականի դեկտեմբերին Սերժ Սարգսյանը բաց տեքստով հիշեցրեց այս ամենը, նախագահների ամփոփիչ հայտարարության մեջ ղարաբաղյան հիմնահարցն այդպես էլ տեղ չգտավ, չնայած այն բանին, որ տարվա ընթացքում Ադրբեջանը պարբերաբար դիվերսիոն գործողություններ էր իրականացնում եւ հրադադարի ռեժիմը խախտում էր արդեն ծանր զրահատեխնիկայի կիրառմամբ:

Ապրիլյան պատերազմից հետո, սակայն, ՀԱՊԿ անդամ պետությունների նախագահները չեն կարող խուսափել ադրբեջանական ագրեսիան դատապարտող կոնկրետ հասցեական հայտարարությունից: Համենայնդեպս, Նազարբաեւի մրսածությունը հուշում է, որ նախագահների եզրափակիչ հայտարարության մեջ չորսօրյա պատերազմին  նվիրված ծանրակշիռ պարբերություն է լինելու: Ալիեւի բարեկամին թերեւս չի հաջողվել կանխել կամ մեղմել դրա բովանդակությունը, եւ որպեսզի գոնե չստորագրի նման տեքստի տակ, ստիպված է եղել հիվանդանալ:

Գագաթնաժողովի հաջորդ ինտրիգը ՀԱՊԿ 2025 թվականի Հավաքական անվտանգության ռազմավարության շուրջ է: Սպասվում է որ ռազմավարությունը պետք է հաստատվի նախագահների կողմից: Մի քանի ամիս առաջ, երբ փաստաթուղթը քննարկվում էր ՀԱՊԿ ԱԳ նախարարների  խորհրդի նիստում, ՀԱՊԿ-ում Ռուսաստանի ներկայացուցիչ Վիկտոր Վասիլևը ԶԼՄ-ներին հայտնեց, որ այնտեղ  «ամրագրվելու է, որ ՆԱՏՕ-ն սպառնալիք է»: Նման արձանագրությունն, իհարկե, բավական բարդ իրավիճակի մեջ կդնի ՀԱՊԿ անդամ այն երկրներին, որոնք ջերմ հարաբերություններ ունեն ՆԱՏՕ-ի հետ, այդ թվում`Հայաստանին:

Ավելի հավանական է, սակայն, որ Վասիլեւի նշած հատվածը Արեւմուտքի հետ Վլադիմիր Պուտինի լարված հարաբերությունների զայրույթի պիկին է ծնվել, բայց ավելի սթափ վիճակում եւ քննարկումների արդյունքում չեղարկվել է: Սեպտեմբերին արդեն Նիկոլայ Բորդյուժայի հետ հանդիպմանը Ալեքսանդր Լուկաշենկոն կարծիք էր հայտնում, որ «Կազմակերպությանը հարկավոր է ոչ միայն աջակցել, այլեւ առանց որեւէ մեկին սպառնալու (կամ սպառնալիք հայտարարելու,-Ա.Հ.) ապահովել դրա վերելքը, դարձնել այն հարգված եւ ուժեղ կառույց»:

Բավական ինտրիգային է նաեւ այն հարցը, թե պետությունների ղեկավարները ում թեկնածությունն են հաստատելու  ՀԱՊԿ հաջորդ գլխավոր քարտուղարի պաշտոնում: Ռուսական ԶԼՄ-ների աղբյուրներով՝ դա պետք է լիներ Սեյրան Օհանյանը, որը, սակայն, հայտարարեց, որ եթե նույնիսկ նման առաջարկ լինի, ինքը կհրաժարվի: Նոր անուններ ռուսական աղբյուրները չեն հաղորդել:

Տպել
8357 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին